رواية احببت نرجسي الفصل الثاني 2 - بقلم بسملة بدوي

_مش هتجوزه.. ياااابابا بقووولك شاااي شااااااي _حنان باستغراب: جاي ازاي هو هيجي تاني ولا اي.. _يمااامااا افهميني شااااي يعني شا*ذ _الأم بصدمة ركبت يدها على صدرها... يلهوي. _شوفتي يماما شوفتي اللي بنتك فيه.. أنا مش هتجوزه _الأب بغضب: احنا هنهزر بقوووولك إيه هتتجوزيه ورجلك فوق رقبتك يا مسكينة ده آخر كلام يا بابا على أوضتك _فوني رن. _ألو؟ _عروستي الحلوة _.... _إيه سكتي ليه... _أنت ليييك عييين تتصل يبجاحاتك يا شيخ

_إيه أنتِ لسا بتفكري في اللي حصل في المطبخ... شكلك مش _قاطعته بصراخ وخجل: _اسكت يا قليل الأدب _وقفلت السكة في وشه. روحت قعدت على السرير واتكسفت لما افتكرت اللي حصل. فلاش باك. النقاب وقع خبيت وشي بسرعة.. قام منزلها وفجأة لقيته بيقرب مني. _أنتِ حلوة أوي.. ازاي كدا _خجلت من كلامه بس ما بينتش. _زي السكر في الشاااي ابعد _لقيته بعد وبيبصلي باستنكار شديد. _أنت فاكرني كيوت... ومش هعرف أرد.... لا بعرف أرد وكويس كمان...

ابعد يا شاي يا اللي هتخش النار بالموتوسيكل _ضحك جامد لدرجة غمازته اللي في الشمال بانت. _ههههه مش قادر هههه.... بالموسيكل كمان هههه _لسا هرفع إيدي أبس النقاب لقيته قام طابع قبلة سريعة على خدي وغمز ومشى... كل دا وأنا واقفة مصدومة... هو عمل كدا فعلا ولا أنا بحلم.... الولد دا جايب الجرأة دي منين.... عااااااا قليل الأدب اللي مش متربي.. مش هتجوزه يعني مش هتجوزه وأنا ما برجعش في كلمتي _المأذون:

_بارك الله لكما وبارك عليكما وجمع بينكم في خير _اتفضلي يا عروووسة _بصيتله ببرود: _هتفضل أو مال يعني هفضل برا هعمل إيه... ذكي أوي _قربت مني أوي وشه قدام وشي... بصيت لعيونه أول مرة أخدت بالي منها أوي كدا كانت خضرا في عسلي ورموشه طويلة وكثيفة وملامحه قوية بس في نفس الوقت جميلة وشعره ناعم وو إيه اللي أنا بقوله دا. _أحم بص يا أستاذ نسر لحد ما 6 شهور دول يخلصوا على خير.. عايزين نكون لطاف مع بعض وحلوين

_أولا كل واحد ليه أوضة لوحده _ثانيا مش هـ هتلمسني ولا هتيجي جنبي.. تالت حاجة أنت في حالك وأنا في حالي بمعنى آخر أخرج براحتي وأرجع براحتي ومتدخلش في حياتي.. بس! _لقيته ضحك جامد. _ههههه لا هههههه بجد احناااا هنهزر _ولو قلت لا؟ _لا إيه _هتعرفي الوقت إيه وفجأة ثواني ولقيته اشتالني _أنت بتعمل إيه نزلني _نسر ببراءة مصطنعة: _في إيه بس مش أنتِ قولتِ شروطك واللي أنتِ عاوزاه _هزيت رأسي وأنا ببلع ريقي بتوتر من لهجته.

_وأنا كمان هعمل اللي أنا عاااايزاه...