رواية احببت صعيدية الفصل الثالث 3 - بقلم وفاء يوسسف

أسر سرح فيها وفي جمالها، وحتى مسك بردوا سرحت معاه رغم تورطها. وفاقوا من سرحانهم في بعض على صوت طرق الباب. أسر: احم، أنا هفتح الباب. مسك: احم، تمام. أسر فتح الباب ولقاه ست في عمر الخمسينات تقريبًا. الست: صباحية مباركة يا عريس. أسر: الله يبارك فيكي. الست: الفطور يا بيه. أسر: لأ، نزليه تحت واحنا هنيجي. الست: تمام يا بيه، تؤمر بحاجة تانية؟ (معلومة: الست دي جاتهم مش خادمة لأنهم عيلة عادية مش غنية) أسر: لأ. وبيقفل الباب.

مسك رايحة تفتح وتنزل، وبين عليها أثر. أسر: انتي رايحة فين؟ مسك: نازلة، فيه مانع؟ أسر بجدية: صليتي؟ مسك نزلت رأسها لتحت: لا. أسر: أمال نازلة ليه؟ (ومسك مسكته من ودنه، هزار) مسك: انت بتعمل إيه يا مجنون انت! أسر: نازلة من غير ما تصلي ليه يا بت، دخل عليكي دم؟ مسك: أنا مش بصلي أصلا. أسر بصدمة: نعاااااااااااااااااااااااام! يا اختي يا اختي، مراتي مش بتصلي، مراتي مش بتصلي، مراتي مش بتصلي.

(همس: قلبها أغنية محمد هنيدي في الخالة نوسة) مسك: اها. أسر: يالهويتي، يالهويتي! مسك: يا خراابي! أسر: اه اه، بت انطقي مش بتصلي ليه؟ مسك: ما هو أصلوا... أسر: أصلوا إيه؟ مسك: أنا مش بعرف أصلي. أسر: نااااااااعم، يا اختيييييي، مش بتعرفي تصلي ليه إن شاء الله؟ مفيش مدارس مفيش... وكاد أن يكمل، ولكن رأى مسك عندما هدأت والدموع تتجمع في عينيها. أسر: في إيه يخرب بيتك، مالك؟ مسك: أنا مرحتش مدرسة. أسر: مرحتيش مدرسة إزاي؟

مسك: محدش خلاني أروح مدرسة علشان عادات الصعيد وكده. (وأكملت بفرحة) بس أنا شاطرة وبعرف أكتب وأقرأ، بس مش بعرف أصلي علشان محدش علمني، وكل ما أسأل حد يتجاهلني. أسر: طيب، بصي كده، أنا هعلمك. مسك: بجد؟ لا لا، انت بتضحك عليا صح؟ أسر: لا يا ستي، والله ما بضحك عليكي. ويلا علشان تتوضي. مسك: بجد؟ طب يلا. أسر ومسك دخلوا الحمام وعلمها إزاي تتوضأ وتصلي وتقرا إيه بعد ما تصلي. أسر: حرم... مسك: احم، أقول إيه يلي ما تسمى انت؟

أسر: اللهم طولك يا روح، يا بت اسمي أسر، اسمي أسر. بعدين يا ستي قولي جمعة. مسك: طب طب. بس تعرف إن "روح" دي بنت خالتي وأقرب حد لي. أسر: بت، يلا ننزل، احنا لسه هنرغي. مسك: طب يلا. بعد ما نزلوا تحت. محمود: صبحية مباركة يا عريس. أسر: الله يبارك فيك يا بابا. محمود: ازيك يا عروسة؟ مسك بخجل: الحمد لله يا عمي. أسر بيتفاجأ جداً من خجلها. أسر (في نفسه)

: هي البت دي عليها عفريت، بس ونعمة جامدة. والله أنا ما أعرف مين حببني في سما. يأتي أبو العروسة ويسلم على أسر. أمير: صباحية مباركة يا عريس، كيفك؟ أسر: الله يبارك فيك، الحمد لله. أمير بيجي يسلم على مسك. مسك بتترعش جامد وبتمسك في إيد أسر جامد. أسر بيحس بيها ويبص عليها، وبيلاقي إن الدموع متحبسة في عينيها. أمير: بيمد إيده علشان يسلم، وفجأة بيمسك إيده أسر بدل مسك. أسر: معلش بقا يا عمي، دي بقت مراتي خلاص. أمير

(وكان قرب ينفجر من الغيظ) : هههه، أكيد يا عريس. محمود: مش يلا نفطر بقا؟ الكل: يلا. وكلهم متوجهين على السفرة. تليفون أسر بيرن. أسر: الو، مين؟ ... أسر بصدمة وهو بيزعق لراجل: انت بتقول إيه؟ طيب، طيب أنا جاي. وقفل السكة. مسك: هو في إيه؟ أسر بعصبية: انتي تسكتي خالص.