رواية احببت صعيدي الفصل الأول 1 - بقلم شاهندا إمام

في حاجة يا آنسة؟ الجملة دي قالها الشاب اللي راكب جنبي في القطر بعد ما شاف الدموع في عيني. أنا بدموع: لا مفيش حاجة. ممكن تسيبني لوحدي؟ الشاب بابتسامة: يا ستي اعتبريني أخوكي واحكيلي مشكلتك. الأول انتِ اسمك إيه؟ أنا بدموع: فيروز. الشاب بابتسامة: ها يا فيروز احكيلي وأنا أوعدك إني هحل مشكلتك. حسيت إنه شاب محترم وأنا كان نفسي أحكي لحد فحكيت له.

فيروز بدموع: أنا فيروز في آخر سنة كلية ألسن. مرات أبويا بتعاملني وحش ودايمًا بتزن على أبويا إنه يطلعني من الكلية عشان أتجوّز ابن اختها. وبابا للأسف وافق. ولما عرفت إنه هيسحب ورقي روحت حكيت لصاحبتي هاجر وهي قالتلي اهربي وتعالي عيشي معايا. الشاب بهدوء: طب انتِ مش موافقة على ابن اختها ليه؟ فيروز: عشان سمعته وحشة وبتاع بنات. الشاب: طب صحبتك دي في أنهي بلد؟ فيروز: في سوهاج.

الشاب: طب إحنا داخلين دلوقتي على محطة سوهاج. طلعي تليفونك وكلميها. فيروز بدموع: التليفون بتاعي اتسرق وأنا مش حافظة رقمها. الشاب: طب تيجي معايا؟ فيروز بتبريقة: لأ طبعاً. إنت بتقول إيه؟ مش معنى إني اتكلمت معاك إني واحدة مش كويسة. الشاب بتبرير: يبنتي انت دماغك راحت فين؟ أنا مش قصدي كده. أنا قصدي تيجي تقعدي مع أمي وأختي. فيروز: وأنا إيه اللي يخليني أضمن إنك مش كداب؟ الشاب بابتسامة: لأ دي مش أخلاق الصعايدة.

فيروز: هو انت صعيدي؟ الشاب: أيوه. يلا علشان وصلنا. فيروز: هو انت من سوهاج؟ الشاب بابتسامة: أيوه. فيروز: هو انت اسمك إيه؟ الشاب: اسمي يونس. هات الشنطة عنك وتعالى نركب العربية دي. فيروز مشيت ورا يونس وركبوا العربية. تسريع الأحداث. ووقفوا قدام قصر أكثر من روعة. فيروز أعجبت بالقصر جداً. رغم إنها ساكنة في فيلا بس مكنتش بجمال القصر ده.

يونس بإحراج: فيروز انتِ عارفة إن الدنيا ليل دلوقتي وكلهم نايمين ومينفعش ندخل أنا وإنتِ دلوقتي. فهماني؟ فيروز بتفهم: أيوه طبعاً فاهمالك. يونس: معلش هتباتي النهاردة في أوضة الجنينة لحد الصبح وبعدين هخلي أمي وأختي يدخلوكي القصر. فيروز بابتسامة: أنا مش عارفة أشكرك إزاي يا يونس. يونس بمرح: يا ستي متشكرنيش. كفايا إني شفت الضحكة الحلوة دي. فيروز اتحرجت ووشها احمر. يونس: يلا هوديكي الأوضة دلوقتي عشان ترتاحي من السفر.

وصلني يونس عند الأوضة وساب الشنطة عند الباب ومشي. دخلت الأوضة وغيرت هدومي وروحت على السرير بس مجاليش نوم. لبست الجاكت بتاعي وطلعت في الجنينة. فيروز: واو الجو حلو أوي. إنتِ مين؟ بصيت على مصدر الصوت لقيت شخص طويل ولابس صعيدي وملامحه وسيمة جداً بس باين عليها الجدية. قاطع تفكيري صوته. الشخص بجدية: إيه اتخرستي عاد؟ بجولك إنتِ مين. فيروز بخوف: آآآ أنا فيرررروز. الشخص: أيوه يعني مين جابك أههنا؟ فيروز: يونس.

الشخص بتبريقة: وه يونس أخوي؟ فجأة صوته بقى عالي وكان غاضب. يووونس يا يووونس.