رواية احببت صعيديه الفصل السادس عشر 16 - بقلم هناء عادل

رهف: بس بسس أنا طالعة فوق أعمل فون مهم، أنزل ألاقي السجاد بيتغسل والفيلا مترتبة. حمزه: بس. رهف: إيه؟ حمزه: خلاص تمام. رنا: طيب وأنا؟ رهف بضحكة: إنتي جهزي أكل حلو من تحت إيدك. رنا: اشطاا. فهد: هو السجاد ده بيتلم إزاي؟ آدم: كده تنفضه وبعدين تلفه زي المحشي. فهد: لما أعرف أعمل السجادة أبقى أعمل محشي. حمزه: خلصوا قبل ما تنزل وتعمل محاضرتها. رنا: أنا قربت أخلص الأكل. آدم: طيب تعالي ساعدينا في عمل السجادة.

رنا: طيب بسرعة، دي الفيلا عايزة شهر تتنظف. فهد: يلا ارفع يا آدم. آدم: أهو برفع، دي حجارة مش سجاد، وبعدين إزاي أنت بتلعب رياضة والسجادة مش قادر تشيلها؟ فهد: احم احم، ماهو إنت كمان بتلعب رياضة، شيلها لوحدك بقى، سلام. آدم: إيه ده، إنت هتسيبني أشيلها لوحدي؟ فهد: مش إنت بتلعب رياضة؟ العب بقى. آدم: ليك يوم، اصبر بس. أه ياني ياما، هتتشال إزاي دي؟

دا مش سن العشرينات، دا سن الموت، دا كل حتة في جسمي بتصرخ للتانية وبتقولها متحمليش عليا أوي. فهد: أنا زهرة شبابي دبلت. رهف: إيه ده، إنتوا لسه مخلصتوش؟ طيب يلا، كل واحد يروح يرتب غرفته. حمزه: أنا جسمي بقى زي المرأة اللي لسه والدة. آدم: وأنا عملت السجاد كله لوحدي، فهد معملش حاجة. فهد: لا لا، أنا كنت بمسح، حتى شوفي الأرضية حلوة إزاي. رهف: بحيث كده هزود ليكم المرتب. آدم وحمزه: لولولولولي. رنا: حصل إيه؟

حمزه: رهف هتزود المرتب لينا. رهف: خلصتي الأكل ولا لسه؟ رنا: قربت خلاص. رهف: تخلصوا بدري عشان هنروح حفلة النهارده. فهد: حفلة إيه؟ رهف: ميخصكش. فهد: هو إنتي متجوزة كيس مخلل عشان ميخصنيش؟ رهف بعصبية: أنا هروح المطبخ. فهد: خلاص يا حبيبتي، اعملي اللي يعجبك. آدم: مهم، كان شجاعة الأسد لازم يخاف. فهد: يا عم اسكت، هو أنا ناقص تقتلني ولا تقطعني حتة حتة كده؟

إنت مش شايف النسوان بقت عاملة إزاي اليومين دول، كل واحدة بتقهر جوزها، وأنا مش عايز أروح ضحية كده. آدم: أيوه يا ابني، إنت خليتني أخاف ولازم آخد حذري. رهف: فهد. فهد: نعم يا روحي؟ أهو جاي. آدم: ههه، الله يكون في عونك، روح شوفها قبل ما تيجي ليك بالسكينة.