رواية أحببت صغيرة الفصل السادس 6 - بقلم محمود

روح طلعت على الأوضة مش مصدقة بس كانت فرحانة من جواها. جهزت الشنط وأخدت شاور ولبست بيجامة سودة تبين ملمحها الجميلة. وأخدت بطانية ونامت على الكنبة. صقر طلع لقها نايمة. بهدوء راح وقف فرحها وبصلها وأزاح بعض الشعر من على وجهها. "مش هينفع أحبك. مش هينفع. مش عايز أظلمك." حملها وجلسها على السرير وذهب أخذ شاور ونام على السرير. تاني يوم الساعة 7. روح صحت لقت نفسها على السرير وصقر حضنها جامد. حاولت تقوم مش عارفة لحد ما صقر صحي.

صقر: "بطلي بقا." روح بخجل: "عايزة أقوم." صقر وهو بيفك إيده من عليها: "قومي." روح قامت لبست دريس بيبي بلو وكوتشي أبيض. وصقر لبس تيشرت أبيض وبنطلون أسود. نزلوا لقوا سوزي مستنياهم تحت. لابسة فستان قصير أزرق ماسك عليها قوي. الحجة وفاء: "استنى يا ابني لما تفطروا." صقر: "لا يا أمي. الحق الشركة بدري النهاردة." الحجة وفاء وهي تودع روح: "مع السلامة يا بنتي." سوزي من تحت سنانها: "مش يالا." العيلة اتجمعت. سلموا عليهم ومشوا.

روح كانت رايحة تجلس في عربية صقر بس سوزي سبقتها. سوزي بتكبر: "روحي اركبي في عربية تانية." روح: "أركب فين؟ سوزي بغرور: "يا عم محمود تعال هاتهالها عربية. أصلها مش متعودة عليهم." روح ركبت مع السواق. صقر خارج من العربية. صقر: "فين روح يا سوزي؟ سوزي بلا مبالاة: "مع عم محمود." صقر بعصبية: "وإيه اللي خلاكي تركبيها مع عم محمود؟ سوزي: "أنا مراتك يا أستاذ. وله مش فاكر؟

صقر نزل من العربية وراح جاب روح وساب سوزي في العربية لوحدها. صقر: "انزل يا عم محمود اركب مع سوزي هانم." صقر ركب مع روح وهو بيسوق وهي قاعدة فريحة. ساكتة. صقر بعصبية: "سمعتي كلمها ليه ورحتي هنا؟ أنا جوزك زي ما أنا جوزها." روح بدموع: "بس هي أولى مني فيك." صقر سكت وكمل طريقه. روح نامت على كتفه لحد ما وصلوا القاهرة. صقر بهدوء: "روح. قومي وصلنا." روح وهي بتفرك عينيها بطفولة. وهذا خطف قلب صقر. روح: "وصلنا."

صقر: "يالا انزلي." نزلت ووجدت أنهم في قصر كبير جداً. سوزي بتكبر: "طبعاً مش واخدة على الأماكن دي." صقر: "احترمي نفسك يا سوزي. هي مراتي بردوا." سوزي سبتهم ومشيت. وروح بتطلع الشنط من العربية. صقر وهو يمسك يدها: "لأ. سيبيهم. عثمان هيجيبهم." روح وهي تنظر إلى يده. صقر: "صقر." صقر بيشيلها بسرعة: "أحم. يالا." دخلوا وانبهرت روح من جمال القصر. فكان جميل جداً. صقر: "يا سعاد." سعاد: "أيوه يا بيه." صقر: "الهانم الجديدة."

سعاد: "أهلاً يا هانم." روح بضحك: "هانم إيه وبتاع إيه. دا إحنا هنبقى صحاب يا سوسو. وله إيه؟ صقر كاتم بضحك على تصرفاتها: "أحم. سعاد. وريها الجناح بتاعها." سعاد: "حاضر يا بيه." صقر دخل المكتب. سعاد: "اتفضلي يا هانم أوريكي الجناح." روح: "هانم إيه يا سوسو. دا أنا لسه صغيرة." سعاد بضحك: "إنتي طيبة قوي يا روح هانم." روح: "يادي هانم. والله روح. بس بقولك إيه. عندكوا أكل؟ سعاد: "أيوه. في. أحضرلك أكل على ما تلبسي؟

روح: "لأ. استني أغير وأنزل الأول." روح طلعت الجناح ورتبت هدومها. وأخدت شاور ولبست بيجامة روز وسابت شعرها الجميل ونزلت. سعاد: "مشاء الله. إيه الحلاوة دي." روح بخجل: "شكراً يا سعاد. تعالي بقا نحضر فطار." سعاد: "لأ ياست روح. دا صقر باشا يقتلني." روح: "يالا يا سعاد نحضر الفطار." سعاد: "لأ يا هانم." صقر: "اللي تأمر بيه ستك روح يتنفذ يا سعاد." سعاد: "حاضر يا بيه." صقر: "حضري نفسك يا روح. النهاردة في حفلة الساعة 8."

روح: "ماشي." ودخلت المطبخ فطرت وطلعت ارتاحت شوية. وجالها بوكس كان فيه فستان أسود جميل جداً. لبست الفستان وأضافت بعض الميك أب ولبست كعب أسود وسابت شعرها. وكانت في منتهى الجمال بجد. صقر لبس بدلة سودة وقميص أسود وجزمة سودة وسرح شعره بطريقة أنيقة وجذابة. سوزي لبست فستان أحمر قصير جداً مفتوح من الصدر. نزلوا. سوزي بتكبر: "هروح أنا يا صقر يا حبيبي عند بابي وأجي على الحفلة على طول." صقر: "أوكي." ذهبت سوزي. وصقر راح عند روح.

صقر: "خلصتي؟ هنتاخر على الحفلة." فتحت الباب وخرجت منه حورية بمعني الكلمة. فأقسم أنهو رأى الفستان عندما اشتراه جميل لكن ليس بكل هذا الجمال وهي لبسته. كانت رائعة جداً.