رواية احببت شخصا مجهولا الفصل الثامن 8 - بقلم فرح

قامت الصبح على رنة تليفونها وكانت سلمى. سلمى: انتي فين يا بت؟ فريدة: نايمة مش جايه النهارده مش قادرة. سلمى: هو انتي حد قدك؟ فريدة بضحك: حاسة هيجرالي حاجة بسبب قلقك عليا. سلمى بضحك: هههه لا يا أختي متخافيش، يلا أنا هقفل عشان ألحق المحاضرة. فريدة: ماشي يا حبيبتي سلام. سلمى: سلام. فريدة قامت اتوضت وأدت فرضها وراحت على أوضة والدها. خبطت، باباها أذن ليها تدخل. دخلت باست إيده وقالتله. فريدة: بابا لو سمحت حابة أطلب منك طلب.

باباها بحنان: عنيا ليكي يا فري. فريدة: تسلميلي يا حبيبي، أنا عايزة أقعد معاه قبل قراية الفاتحة يا بابا لو سمحت أقوله كام حاجة. باباها: حقك طبعًا يا حبيبتي، وأنا هكلمه وأقوله ييجي بالليل. فريدة حضنته وقالت: ماشي يا حبيبي، متحرمش منك ويديمك ليا. باباها: حبيبتي ويسعد قلبك يارب، يلا قومي شوفي ماما خلصت الأكل ولا لأ عشان أنزل شغلي. فريدة: عيوني يا بابا. طلعت ودخلت المطبخ عند مامتها.

فريدة: ماما بيقولك بابا يلا عشان هيتأخر. مامتها: ما انتي لو تساعديني قبل الواقفة والرغي ده هتتجوزي إزاي؟ فريدة بضحك: فكرتيني على فكرة، العريس جاي بالليل عشان أقوله كام حاجة. مامتها: ماشي يا حبيبتي ربنا يفرحك يارب. فريدة حضنتها: ربنا يخليكي لينا يا ست الكل، هطلع أنا أحضر السفرة. خلصوا أكل وقالوا يروقوا الشقة. جه الليل ومعاد العريس. لبست فريدة فستان أحمر وخمار أوف وايت. مامتها: يلا يا فريدة العريس جه يا حبيبتي.

فريدة: جايه يا ست الكل أهو. خدت فريدة العصير من مامتها ودخلت. باباها قعد خمس دقايق وطلع وسابهم. العريس: عمي قال إنك عايزة تقابليني يا ست الحسن. فريدة:..