رواية احببت طالبتي الفصل الأول 1 - بقلم ندا سامي

يارا: ينهار أبيض! إيه ده؟ أنا اتأخرت أوي ع المحاضرة. قالتها يارا بخضة. قامت يارا عشان تجهز وتلبس وتنزل جامعتها. يارا خلصت وخرجت من أوضتها، لاقت مامتها مجهزة ليها الفطار. يارا: صباح الخير يا ماما، صباح الخير يا بابا. ياسر: صباح الخير يا حبيبتي. علياء: صباح النور يا حبيبة ماما. اقعدي يلا عشان تفطري معانا. يارا: لأ يا حبيبتي، معلش اتأخرت ع المحاضرة. هفطر ف الجامعة، سلام. ياسر وعلياء: سلام يا حبيبتي.

يارا نزلت عشان تروح جامعتها. ياسر: ياما، نفسي أفرح بيكي يا فيروز قبل ما أموت. نفسي أطمن عليكي. علياء: بعد الشر عليك، متقولش كده. ربنا يطولنا في عمرك ويخليك لينا، وتفرح بيها وتشيل عيالها يا حج. ياسر: ياااه يا علياء، هشيل عيالها أنا. بس أشوفها عروسة وأطمن عليها، وبعد كده ربنا يفتكرني ويكون ابن حلال يحميها ويحافظ عليها وياخد باله منكم. علياء: يا حج، متقولش كده تاني عشان هزعل منك. ياسر: بتخافي عليا يا علياء؟

علياء: لو مش هخاف عليك أنت وفيروز، هخاف ع مين يعني يا حج؟ ياسر: ربنا ميحرمنيش منكم يا رب ويخليكم ليا. علياء: يا رب يا حج. يزن: يادي النيلة! العربية عطّلت. طب أعمل إيه أنا دلوقتي؟ مفيش أي ميكانيكي هنا. يزن شاف ميكروباص جاي من بعيد، شاورله عشان يقف. يزن للسواق: لو سمحت، ممكن تاخدني معاك عند الجامعة؟ السواق: اتفضل يا باشا، اركب. يزن فتح باب الميكروباص وركب، وكان أول مرة يعمل كده. واتصل ع حد ييجي ياخد عربيته عشان يصلحها.

يارا كانت واقفة ع أول الشارع مستنية ميكروباص. وشاورتله وركبت جمب يزن. السواق: الأجرة يا جماعة، يلا. اللي مدفعش. يارا دفعت للسواق. السواق: إيه ده يا آنسة؟ لسه جنيه؟ يارا: هو إيه اللي لسه جنيه؟ هي دي الأجرة ومش هتاخد مليم زيادة. السواق: إزاي يعني يا آنسة؟ أنتِ مش عايشة في الدنيا؟ يزن حب يلطف الجو فقال: يزن: خلاص يا سطا، الأجرة عندي. اتفضل. يارا: هو إيه أصله ده؟ أنت مين أصلًا عشان تدفعلي؟

متخدش منه يا سطا ومش هتاخد الجنيه كمان. يزن: فيها إيه يعني يا آنسة لما أدفعلك؟ يارا: ولا تدفعلي ولا أدفعلك! كنت مين عشان تعمل كده؟ إيه الأشكال دي ياربي ع الصبح! يزن: إيه يا بنتي؟ أنتِ شكلك مجنونة ولا إيه؟ ع جنب يا سطا. يارا: استني هنا، جن لما يلخبطك. هو أنت بتغلط ليه؟ يزن: يوووه! ع الصداع اللي ع الصبح ده. نزّلني يا سطا. السواق وقف ع جنب ويزن دفعلُه 100 جنيه ونزل. السواق: طب خد الباقي يا باشا.

يزن: ملوش لزوم يا سطا. ومشي.