رواية احببت طالبتي الفصل الخامس عشر 15 - بقلم ندا سامي

يزن ويارا كانوا لسه بياكلوا وفجأة يزن قال: "أنتي بتحبيه؟ يارا استغربت وبصتله وقالت: "بحبه!؟ بحب مين يا يزن؟ يزن: "بتحبي رامي يا يارا." يارا بصدمة: "إيه اللي أنت بتقوله دا يا يزن؟ يزن بضيق: "بتحبيه ولا لأ يا يارا؟ اخلصي." يارا: "يزن أنت بتقول إيه وبتزعقلي كدا ليه؟ أنت اتجننت! وسابته وطلعت تجري على الأوضة وهي بتعيط. يزن اتضايق من نفسه جدا وخبط بإيده جامد على السفرة وقال:

"غبي، أنت غبي يا يزن ومتسرع، عاجبك اللي أنت عملته دا؟ يارا طلعت الأوضة وهي بتعيط، قفلت الباب على نفسها وقعدت على السرير ومكنتش قادرة تبطل عياط. يارا: "إزاي يقولي أنتي بتحبيه؟ هو مبيشوفش أصلاً، وحتى مش شايف إني بحبه، بس هيعرف إزاي؟ ما هو بيحب الست هانم بتاعته." يزن كان تحت محتار يطلع يصالحها ولا لأ، بس كبرياؤه كان مانعه، وقرر يطلع الجنينة بتاعت البيت. يارا: "معقول مش هيجي يصالحني؟ للدرجادي زعلي مش فارق معاه؟

وكانت هتعيط بس منعت نفسها بالعافية، وقررت تطلع البلكونة. يارا طلعت البلكونة بتبص لقت يزن قاعد تحت. فجأة فون يزن رن. يزن: "ألو يا روح قلبي، عاملة إيه؟ "وأنتي كمان وحشتيني أوي أوي، إيه دا أنتي جاية؟ دا أحلى خبر في الدنيا يا عيوني." يارا مقدرتش تستحمل الكلام ودخلت الأوضة ودموعها كانت بتنزل بغزارة. يزن كان لسه بيكمل كلامه. يزن:

"أيوا يا حبيبتي والله يا ماما غصب عني، وأنا كمان عايز أشوفك، تعالي بقى زي ما قولتي عشان أعرفك على يارا، هتحبيها أوي زي ما أنا حبيتها، مع السلامة يا حبيبتي." يزن قفل تليفونه وقرر إنه يطلع يصالح يارا، بس وهو بيدخل فونه رن تاني. يزن: "إيه دا؟ دا أمجد، تلاقيه جاي زي ما قولتله." "ألو يا حبيبي." أمجد: "إيه يا حبيبي؟ إزيك عامل إيه؟

معلش يا حبيبي والدتي تعبانة شوية فـ هبعت ظابط من عندنا بس هي بنت يعني وشاطرة جداً متقلقش، وهي هتشوف الموضوع وأنا وهي هنحله بإذن الله، متقلقش أنت ولا تشيل هم حاجة، المهم متزعلش مني." يزن: "لا يا حبيبي والله مزعلتش، ألف سلامة على ست الكل، وبإذن الله أبقى أجي أشوفها أنا ويارا." يزن: "ههههه اتجوزت إيه يا عم أنت؟

ما الموضوع اللي كنت عايزك فيها يخصها، بعدين يا حبيبي هحكيلك كل حاجة، المهم خلي بالك من ست الكل وبلغها سلامي ماشي." أمجد: "ماشي يا حبيبي يوصل، مع السلامة." يزن: "سلام يا حبيبي." وقفل. يزن كان لسه هيطلع يصالح يارا، فجأة سمع صوت عربية بره. يارا كمان سمعت صوت عربية وطلعت البلكونة تشوف مين، وفجأة لقت...