رواية احببت طفلة مجنونة الفصل الأول 1 - بقلم جاسمين محمد

يا بنتي قومي روحي جامعتك. يوووه حاضر، قايمة أهو. لم نشوف آخرة التعليم ده إيه. منك لله يا قاسم يا ابن أم أمين، عشان إنت اللي طلبت بتعليم المرأة وأنا مش عايزة، ما كنت خدت رأي. (وهي واقفة عمالة تتفرج على بنتها وهي واقفة ورافعة إيدها وبتدعي) حيات أمك، طيب يلا غوري الجامعة ومتتأخريش عشان في عريس جي النهارده. (وهي مبرقة عينيها بندهاش) لا والنبي مين اللي قال لكم إني عايزة أتجوز؟ أنا عايزة أتعلم.

هتشليني قريب، إنت مش لسه قايلة إنك مش عايزة تتعلمي؟ (وهي حاطة إيدها على دماغها بتفكير) لا والله، أنا قلت كدا. (مسكت الشبشب وضربتها بيه) غوري من وشييييي، هتجبلي جلطة. سلامتك يا ماما، هو الضغط بس، متخافيش. (بصتلها بقرف وسابتها وراحت على المطبخ) هي: هي ماما مالها؟ زعلت من إيه؟ هي كدا بتزعل من الدبانة حتى لو جت على وشها. يلا لم أروح ألبس وأروح الجامعة. سليم ياسليم، إنت ياز*فت، قوم بقا كفاية نوم.

(وهو بيفرك إيده في عينه وبنعاس) يووه نعم يا ماما، اطفي النور وسيبيني نايم شوية. إنت اتجننت؟ اطفي إيه، العصر أذن وهتصلي، مش ناوي تقوم تجهز نفسك تروح تجيب شوكولاتة وجاتوه وحلويات للعروسة اللي رايحين لها النهارده. إيه ده كله؟ هو أنا وارث؟ هي علبة شوكولاتة؟ أو أقولك، هي بتحب الورد، أجبلها بوكيه؟ ولا أقولك، هي مجنونة، أجبلها مصاصة وشوكولاتة. (وهي واقفة وفاتحة بوقها)

ياختيييي، هي مجنونة زيك، يعني أنا المجانين هيزيدوا عندي اتنين ياختييييييييي. (ولطمت على وشها) ههههه، متخافيش، ربنا هيسترها. المهم يلا أروح أجهز نفسي. (وقام من على السرير وباس راس مامته وراح يجهز نفسه) بنتي يا سجده، خلصتي عشان العريس على وصول. (وهي بتظبط الخمار) أهو خلاص، بظبط الخمار. بقولك صح، أبوكي بيقولك بلاش جنان قدام العريس عشان شكله عاجب باباكي وعايز يجوزهولك. (وهي مش بصلها وعمالة تظبط في الخمار قدام المراية)

خلصتي يا ماما؟ روحي شوفي الباب بيخبط، بسرعة يلا. حاضر، رايحة. مع إني خايفة منك والله النهاردة. (بصوت عالي) وحيات أمك، طيب، أروح أقول لأبوكي. (جرت عليها، مسكتها قبل ما تطلع) لا لا لا، عيب يا نبع الحنان، يا نبض الشرايين. (بصتلها من جنب عينها) تتلمي، طيب. حاضر، أمري ليك يا رب. يلا، لم أنادم عليكي تطلعي. حاضر يا فندم. (بعد ما هي طلعت بتحدي) هطفشه، هطفشه زي غيره. يخسارة اللي هيطفحوا عندنا.