رواية احببت تلك السمراء الفصل السادس 6 - بقلم حورية مصطفى

يوسف بصدمة: فرح! الجميع التفت على صوت يوسف. لقوا فرح مرمية على الأرض وفستانها الأبيض كله دم. أدهم ببكاء: فرح بنتي قومي. أكيد انتي مش هتسبيني زي فريدة. فررررح.. سارة بدموع: قومي يا فرح. بلا هز*ار سخيف من دا. هزعل منك والله، وانتي عارفة إني زعلي وحش. ميرنا: قومي يا فرح. أنا ما صدقت بقيت حلوة معاكي وبقينا زي أي أخوات. قومي يا فرح. أمير ببكاء: أنا اتصلت بالإسعاف. زمانهم جايين دلوقتي. وكل ده ويوسف ساكت ومش بيتكلم خلاص.

أحمد بحزن: لا حول ولا قوة إلا بالله. صفاء طول الوقت عيونها على نوال اللي مش مبطلة ضحك. نوال بجنون: أخيراً خلصنا منك. عقبال ما تحصلي أمك. بعد مدة، سيارة الإسعاف وصلت. أمير: يوسف شيل فرح وحطها في سيارة الإسعاف. يوسف بتوهان: هتمو*ت وتسبني. أنا حبيبتها والله. مش عايزها تسبني. أمير بحزن: مش وقته يا يوسف الكلام ده. *** في المستشفى. أدهم: دكتور بسرعة يا بها*يم.

الدكتور: لو سمحت يا أستاذ، إنت في مستشفى محترمة. بلاش صوتك العالي عشان المرضى. أدهم بعصبية: بنتي بتمو*ت يا حيو*ان. أحمد بحزن: اهدي يا أدهم مش كده. أنا آسف يا دكتور، بس إنت شايف حالته. الدكتور: ولا يهمك. دخولها العمليات بسرعة. بعد مرور 3 ساعات من الانتظار. الدكتور بيأس: إحنا عملنا اللي علينا والباقي على ربنا. لو مر 24 ساعة على خير، هتعدي مرحلة الخطر. يوسف: فرح قوية وهتقوم منها. أنا واثق منها.

الدكتور: وجودكم هنا مش ليه لازمة. أتمنى تروحوا وتيجوا الصبح وربنا يقومها بالسلامة. الجميع أمنوا على دعائه. أدهم: أنا مش هقدر أسيب بنتي لوحدها. الكل رفضوا كده برضه. صفاء: أمير روح هات أكل يا حبيبي وعصير من أي سوبر ماركت قريب. أمير: حاضر يا أمي. *** في منتصف الليل. "إنتي لازم تمو*تي عشان أنا أرتاح. أنا مصدقت خلصت من أمك." وكانت بتخنقها. يوسف بعصبية: إنتي بتعملي إيه عندك؟ نوال بضحك: هي لازم تمو*ت بقاااا.

يوسف: ابعدي عنها يا حيو*انة. نوال: مش هسكت غير لما تمو*تي يا فرح. الكل راح على صوتهم. أدهم: إنتي بتعملي إيه يا نوال؟ نوال بجنون: لازم أمو*ت فرح زي ما قتلت فريدة. أدهم بصدمة: إنتي اللي قتلتي فريدة؟ نوال بشر: أه. أنا قتلتها عشان خدتك مني. أنا حبيبتك قبلها. بس أول ما هي ظهرت نسيتني. أنا كنت أحق بيك لأنك بنت عمك. بس إنت اخترتها. عشان كده قتلتها. يوسف: إنتي مفكرة اللي بتعمليه ده صح؟ هتقابلي ربنا إزاي والحقد مالي قلبك؟

ميرنا بدموع: ليه يا ماما تعملي كده؟ ليه كل الحقد ده؟ طيب فرح ذنبها إيه عشان تعملي فيها كده؟ حرام عليكي. سارة بحزن: اهدي يا ميرنا. هي دلوقتي هتاخد عقابها. نوال بكره: ذنبها إنها بنت فريدة. في الوقت ده صفاء كانت بلغت عن نوال. صفاء: اتفضل يا حضرة الضابط. "اقبضوا عليها." نوال بجنون: هقتلك يا فرح. صفاء: شفتي غلك وحقدك وصلك فين يا نوال. نوال: إنتي اخرسي. كل حاجة بسببك باظت. بس صدقيني هرجع وأندمكم كلكم. وبكرة تشوفوا.

الضابط: هاتها يا عسكري. أدهم: استنى يا حضرة الضابط. إنتي طالق يا نوال. طالق بالتلاتة.