رواية احببت تلك السمراء الفصل الثاني 2 - بقلم حورية مصطفى

أنت تتكلمي معايا كده يا بت انتي نسيتي نفسك ولا إيه؟ انتي بتتكلمي مع يوسف البحيري. فرح ببرود: لا مش نسيت نفسي يا أستاذ يوسف، شكلك أنت اللي نسيت إنك واقف في بيتي دلوقتي. يوسف بعصبية: انتي واحدة *** أحمد بابتسامة حب: إيه يا ولاد اتفقتوا خلاص؟ يوسف بخبث: أيوه يا بابا، حتى فرح موافقة. أحمد: يبقى الخطوبة في آخر الأسبوع يا أدهم. أدهم: معنديش مشكلة، الرأي رأي فرح. أحمد: إيه رأيك يا فرح؟ فرح: موافقة يا عمي. أحمد:

على بركة الله، الخطوبة يوم الخميس إن شاء الله. في ركن بعيد نسبياً في الغرفة. نوال بهمس في ودن فرح: أخيراً هتغوري من هنا، بس الفرحة دي هتنتهي قريب قوي وميرنا هتكون مكانك. ميرنا: أكيد يا مامي، أنا المفروض اللي أكون مكانها، إزاي دي أصلاً تتجوز يوسف البحيري. سارة باستهزاء: مش تفرحي كتير يا ميرنا، الجمال مش كل حاجة يا حبيبتي، أهم حاجة دلوقتي الأخلاق والروح الحلوة، والحمد لله أنتِ ولا عندك أخلاق ولا روح حلوة حتى. فرح بحزن:

كنت أتمنى إنك تكوني زي باقي الأمهات وتقفي معايا في يوم ده، بس أنتِ لازم في كل مرة تكسري قلبي كده. أحمد: يبقى كده اتفقنا، بكرة يوسف وفرح يروحوا يجيبوا الشبكة. نوال بحقد: انتوا هتجيبوا ليها شبكة كمان؟ أدهم بغضب: انتي بتقولي إيه يا نوال؟ نوال بخوف: ولا حاجة يا أخويا. أحمد: هي دي الأصول يا مدام نوال، وفرح جوهرة وتستاهل كل خير. فرح: شكراً يا عمي. أحمد: مفيش داعي للشكر ي حبيبتي، دي الحقيقة. نستأذن إحنا بقا يا جماعة. أدهم:

لسه بدري يا أحمد. أحمد: ولا بدري ولا حاجة، الوقت اتأخر، عن إذنكم. يوسف وهو ماشي من جمب فرح: أهلاً بيكي في جحيمي يا أيتها السمراء. سارة بغمزة لفرح: كان بيقولك إيه؟ فرح: مين ده؟ سارة: يوسف. فرح بارتباك: ولا حاجة، يلا تصبحوا على خير. الكل ما عدا نوال وميرنا. أحمد: وانتِ من أهل الخير يا حبيبتي. سارة: أستأذن أنا بقا يا عمو. أدهم: استنى عشان أوصلك عشان الوقت اتأخر يا بنتي. سارة:

لا يا عمو، بلاش تتعب نفسك، أنا كلمت فارس أخويا، زمانه تحت دلوقتي. أدهم: تمام يا بنتي. في بيت البحيري. أحمد بحب: أنا مبسوط منك يا يوسف، صدقني مش هتلاقي أحسن من فرح. يوسف: طبعاً مش أنت اللي مختارها يا بابا. أحمد: طيب روح نام عشان هتصحى بدري بكرة عشان تروح تجيب الشبكة. يوسف: تمام، يلا تصبح على خير. أحمد: وانت من أهل الخير يا حبيبي. في صباح اليوم التالي. في منزل فرح. نوال: اصحي يا اختي، يوسف كلم أبوكي ويقولك اجهزي. فرح:

صباح الخير يا ماما. نوال: صباح الزفت على دماغك، قومي اتنيلي البسي يلا. فرح: حاضر. فون فرح بيرن. فرح: الو... وأجهزي ربع ساعة ونكون تحت البيت. فرح قفل في وشي الحيو*ان. بعد مرور بعض الوقت. في محل المجوهرات. صاحب المحل: أهلاً يا أستاذ يوسف، نورت المكان. يوسف بغرور: تسلم. صاحب المحل: أهلاً يا أنسة. فرح اكتفت بابتسامة. يوسف: عايز طقم مجوهرات ويكون آخر حاجة نزلت السوق. صاحب المحل: انت تأمر يا يوسف بيه. يوسف بقرف لفرح:

اتفضلي اختاري. فرح ببرود: أوكيه. بعد ما خلصوا وهم ماشيين. يوسف باستهزاء لفرح: أكيد مكنتيش تحلمي إنك يكون معاكي شبكة زي دي ولا إيه يا فرح؟ فرح ببرود: فعلاً معاك حق يوسف، بس اللي أنت مش تعرفه، أنا مش يهمني قيمة الشبكة، لأن كل دي حاجات مادية مش أكتر ومش فارقة معايا أصلاً. يوسف بغيظ: تمام، يلا عشان أوصلك. فرح بابتسامة خبث: يا ريت، لأني زهقت أووي. يوسف: أنتي تطولي أصلاً تمشي معايا؟

أنتي مكنتيش تتخيلي حتى في أحلامك إني أمشي معاكي. فرح: معاك حق، لأمك مش من نوعي المفضل. وركب العربية. يوسف بعصبية: أقسم بالله لهندمك يا فرح، وبكرة تقولي حقي برقبتي. وركبت العربية ومشوا. في إحدى المناطق الراقية. هو بعصبية: إزاي يعني يا ماما، بعد حب السنين دي كلها تتخطب غيري، إزاي؟ وكسر في الأوضة. الأم: اهدى يا بني، مش كده، حرام عليك نفسك، هي مش نصيبك يا حبيبي، بكرة تحب غيرها وتتجوز وتنسها يا أمير. أمير بجنون:

لا، أنا مش عايز غيرها، هموت من غيرها يا أمي، أنا بحبها من زمان، من أيام الكلية، همو*ت غير فرح يا أمي. الأم بصدمة: فرح؟