رواية أحببته ولكن الفصل الأول 1 - بقلم جهاد شوقي

خدي يورد فلوس الجمعية دي وديها لطنط أسماء وسلميلي عليها. -يوووه يا ماما يعني مفيش غيري. -هتقومي يا بت ولا أخلي أبو وردة يسلم عليكي. -لا أنا بقوم أروح أهو بالمرة أغير جو. -تغيري جو أه قولتيلي، دا العمارة في وش العمارة ولا عشان طارق نزل من المأمورية. -طارق طارق مين يماما أنا معرفش حد بالاسم ده. -ورد بنتي. -نعم. -طبعًا كلنا عارفين والجيران عارفة واحد واحد إنك بتحبيه، بس طبعًا عمرنا ما نروح نقول.

-طبعًا يماما، أومال أنا مفضوحة أوي كده. -أهاااااااا اخلصي ومتتأخريش يبت، هما خمس دقايق لهنزل وأجيبك أنا. -ما تخليكيش قفوش أوي كده يعم، بخ. -واحد اتنين، واحد اتنين. -بتعملي إيه يا ست ورد. -بتسابق في خيالي مع السيراميك، أوقات بحس إني متخلفة سيكا بس شغال. -ده انتي ست البنات كلها يا ست ورد، أي مش ناوية تفرحينا بيكي. -والله يا عمو إبراهيم، كاريزمتي وجمداني ميسمحوليش أشيل مسؤولية بيت، وخصوصًا إنه استرونج ووومن اندبندت.

-ويعني استرونج دي يا ست ورد. -يعني امرأة قوية، تقدر تقول إني خارقة بس من غير ما أطير، ههه. -كده فهمتك، واصل. خلصت من هنا ولقيت طارق طالع العمارة بتاعتهم من البوابة. لوهلة حسيت قلبي بيدق وصوت نبضاته واصل، هو أنا لي سخنة؟ حاسة إني مش على بعضي، أو كأني كنت في سباق أو ما شابه. -عمو إبراهيم: لا واضح إنك استرونج جوي يا ست ورد. -هو أنا مفضوحة جوووووي كده يا عمو إبراهيم.

-جوووي جوووي يا ست ورد، بس انتي عارفة إننا عمرنا ما نجول إنك واجعة، ربنا يفرح قلبك يبنتي ويسعد جلبك. -فعلًا أحببت حلوف لا يبالي، يا خبر نسيت أنا ماما قالتلي خمس دقايق واتكلمت معاكي كتير، طب سس سلام بقى أطير أنا. طلعت العمارة. "وأنا قلبي عمال يدق بطريقة غريبة، حاسة إنه هيطلع من مكانه، معرفش لي." خبطت على الباب خبطات خفيفة. وبعد دقيقة لقيته في وشي وهو اللي بيفتحلي. -طارق: تيب تيب ورد. -ورد: طارق. -عامله إيه، اتفضلي.

-بخير الحمد لله، وانت. -دومًا بخير. -أومال فين طنط، جووة في المطبخ. وفجأة لقيتها طالعة على الصوت. -ورد: عاااش من شافك، عامله إيه. -بخيررر الحمد لله، وانتي. -كويسة. -عالعموم يا طنط، دي فلوس الجمعية ماما بعتاها ليكي. -حاضر يا حبيبتي، وسلميلي على مامتك. لوهلة حسيت طنط أسماء حزينة، والغريب إني أول مرة أحسها حزينة وهي بتكلمني، وكأن الدموع في عيونها وكتماها بمجرد ما شافتني. -طب استأذن أنا. -طارق: استني يورد. -ورد: ن نعم.

-طارق: ده كارت عشانك انتي وماما. -ورد ببرأه: ك كارت إيه ده. -طارق بابتسامة: كارت خطوبتي. -ورد: إيييييي.