رواية احببته رغم قسوته الفصل الثالث 3 - بقلم ملك محمد

راح دياب وقالها بعصبية: حسابك معايا بعدين يا جميلة. وطلع لبس بدلة وساعة ونزل. جميلة باستغراب: علي فين؟ دياب: رايح الشغل. جميلة: شغل إيه يا دياب ده إنهاردة أول يوم من جوازنا. دياب: بلا أول يوم بلا غيره، أنا ماشي.

جميلة كانت قاعدة في الفيلا لوحدها. قررت أنها تقوم وتروح تعمل الغدا علشان دياب يرجع يلاقي حاجة يأكلها. دخلت المطبخ وعملت مكرونة بالبشاميل وعملت بيتزا بالفراخ وقعدت تشرب نسكافيه وتستريح. بعدها قامت تعمل كيكة بالنوتيلا وزينتها. وبعدها خدت شاور ولبست فستان منقوش بنص. كانت الساعة حوالي ٧ ودياب مكانش جيه. فضلت قاعدة قلقانة عليه لحد ما الساعة بقت ٨. قررت أنها تتصل بيه بس رجعت في قرارها علشان ميفتكرش أنها قلقانة عليه.

لغاية ما الساعة بقت ٩ وهو جيه ودخل البيت وهي كانت هتموت من القلق. نزلت بسرعة وراحت تحضنه وقالت له: اتاخرت كدة ليه يا دياب؟ كنت قلقانة عليك. دياب حس بحنيتها فقالها: حقك عليا يا جميلة، مش هتأخر تاني. جميلة: طب طب انت جعان؟ دياب بتعب: بصراحة أنا جعان جدا. جميلة: طيب اقعد على السفرة وانا هاجي بالغدا. راحت جميلة جابت البيتزا والمكرونة البشاميل. استغرب دياب وقالها: انتي بتعرفي تطبخي؟ جميلة ضحكت وقالت له: اكيد.

بعد ما اكل دياب وجميلة. دياب: الاكل كان طعمه تحفة، تسلمي ايدك يا جميلة. جميلة: بالهنا والشفا يا دياب. جميلة: ايه رايك ناكل الكيكة ونشرب الشاي في البلكونة. دياب: ماشي يا ستي، مستنيكي فوق. طلع دياب وغير هدومه وقعد في البلكونة مستنيها. طلعت جميلة معاها كوبايتين شاي والكيكة بالنوتيلا اللي عملتها. قعدت على الكرسي اللي جنب دياب وقالت له: انا بحب القاعدة في البلكونة بليل كدة. دياب: جميلة، انتي بتحبيني؟ جميلة:

هتصدقني لو قولتلك معرفش. دياب: طب ممكن اسالك سؤال. جميلة: اتفضل اسال. دياب: انتي متعلمة؟ جميلة: طبعا متعلمة. دياب: معاكي دبلوم ولا إعدادية؟ جميلة اتنهدت وقالت له: انا معايا بكالوريوس صيدلة يا دياب. دياب: انا بحب البنت المتعلمة، منكرش اني كنت فاكرك مش متعلمة. جميلة: وايه اللي خلاك تفكر اني ممكن اكون مش متعلمة؟ دياب: لأني لما سالت بابا قالي ابقي اعرف لبعد كتب الكتاب. جميلة عيطت جامد. دياب بقلق: مالك يا جميلة؟ جميلة:

انت وماما وعمي ضيعتوا عليا فرصة شغل مش هتتكر تاني. دياب: ربنا هيديكي فرصة شغل اكبر منها بإذن الله. جميلة: يعني انت موافق اني اشتغل؟ دياب: الموضوع مش كدة يا جميلة بس انا اهو مرتاح ماديا وعايشين عيشة مرتاحة، إيه اللي يخليكي تشتغلي يعني؟ جميلة: نتكلم براحة؟ دياب ضحك وقالها: نتكلم براحة. جميلة:

انا دخلت كلية صيدلة على أمل اني اشتغل في صيدلة أو شركة أدوية، واكيد خبرتي هتفيد المجتمع خصوصا اني كنت الأولى على دفعتي أربع سنين يعني فرصتي كبيرة. دياب مسد على شعرها بحنان وقالها: موافق يا ستي، واي فرصة تانية هتجيلك انا هوافق عليها. جميلة: بجد يا دياب؟ دياب: بجد يا قلب دياب. بعدها حضنها وخرج برا. مسك موبايله لقي رسالة غريبة وفجأة اتعصب دياب وقال باعلي صوت ووشه احمر من كتر العصبية: جمييييييييلة