رواية احببته صدفه الفصل العاشر 10 - بقلم جودي أسامة

نور: ميرسي. الراجل: ما شاء الله، زي القمر. بابا: اومال مش قولتلك؟ نور: بس هو مين حضرتك؟ بابا: دا حمّاكي. نور: ميين؟ بابا: حمّاكي. نور: ااا… أهلاً. حمّاها: هو انتِ مكنتيش تعرفي إنك هتتجوزي ولا إيه؟ نور: لالا طبعاً عارفه. حمّاها: ااه.. أصل باباكيفهمني إنك موافقه وبتحبي ابني. نور: لا، أنا مش بحب حد وأنا مش عايزة اتجوز أصلاً…. أنا طالعة أوضتي. بابا بغضب: اتفضلي.

طلعت الأوضة، وبدل ما كنت فرحانه ومبسوطه بقيت زعلانه وببكي… وأنا ببكي لقيت ماما دخلت عليا. ماما: إيه يا بنتي، اتأخرتي كده ليه؟ نور: …. ماما: يا بنتي ردي عليا… وبطلي عياط. نور: يعني هو حد اتأثر بإنّي مش موجودة…. دا بابا تحت جايب والد العريس وبيتكلموا على كل حاجة كأني مش موجودة أصلاً. ماما: أنا والله مش هقدر أعملك حاجة في موضوع الجواز ده. نور: خلاص يا ماما، اقفلي الموضوع ده. ماما: المهم، انتِ اتأخرتي بره ليه؟

نور: أنا كنت واقفة في الجامعة وبعدين اغمى عليا… وصحيت لقيت نفسي في المستشفى. ماما: إزاي…. مين وداكي هنا؟ نور: يوسف يا ماما. ماما: إزاي بقين؟ نور: أنا لما صحيت قولت أنا فين، قالي في المستشفى… قولتله إزاي، قالي أنا كنت ماشي في الجامعة لسه رايح أسلم عليكي لقيتك وقعتي، روحت ركبتك العربية وروحنا المستشفى. ماما: بسم الله… أه والله، اللي اسمه يوسف ده شكله محترم. نور: ..... ماما: طيب، أنا نازلة أجيب شوية طلبات، تيجي معايا؟

نور: ماشي. لَبست كويس ونزلت مع ماما. ماما: تعالي ندخل محل الجزم. نور: ماشي. ماما: إيه رأيك في الجزمة دي؟ هتبقى تحفة على الفستان. نور: لا، أنا هلبس كوتشي من عندي وخلاص. ماما: بطلي بقى، والله هتبقى روعة. نور: هي هتبقى روعة وكل حاجة، بس أنا مش عايزة يبقى شكلي حلو. ماما: ليه يعني؟ نور: علشان أنا أصلاً يا ماما معرفش العريس ومش بحبه وعايزة أطفشهم. ماما: مهما كان يا نور، لازم تبقي قمر في اليوم. نور: حاضر يا ماما.

اشترينا الجزمة وحاجات كتير أوي. ماما: يلا ندخل السوبر ماركت. نور: أوكيه. دخلنا السوبر ماركت ولقيت يوسف جوه. يوسف: إيه دا، إزيك يا طنط… إزيك يا نور. ماما: تمام يا ابني، بس انت مين؟ نور: دا يوسف يا ماما. ماما: اللي وداكي المستشفى النهارده؟ نور: أيوه يا ماما، هو. ماما: والله يا ابني، أنا لسه كنت بقول عليك محترم وابن ناس. يوسف: ميرسي يا طنط، ربنا يخليكي…. بس كنتوا فين في الوقت ده؟ ماما: كنا بنجيب فستان وحاجات كتير لنور.

يوسف: ليه، عندكوا فرح ولا إيه؟ ماما: لا، دي خطوبته. نور: لالاااا…. يلا يا ماما. ماما: في إيه؟ نور: ولا حاجة… يلا باي يا يوسف، هبقى أكلمك. يوسف: أوكيه.. باي. طلعنا بره السوبر ماركت، وأخيراً قبل ما ماما تقول أي حاجة. نور: إيه يا ماما، انتِ بتقولي كل حاجة لأي حد كده؟ ماما: يا بنتي… انتِ مش قولتي إنك قولتي له على خطوبتك؟ نور: اااايوه يا ماما…. بس افرض كان عايز ييجي الخطوبة دلوقتي. ماما: طيب ما ييجي. نور: لالا، مش لازم.

ماما: براحتك يا بنتي. نور: يلا بينا نروح. ماما: يلا. خلصنا لف أخيراً وروحنا، دخلنا البيت، لسه بحط الشنط على الأرض، برفع وشي لقيت حد ضربني بالقلم.