رواية أحببتها فأمتلكت قلبي الفصل الثاني 2 - بقلم رحمة عصام

كالعاده صحيت وبابا مضايق وبي بصلي بقرف كده ولا كأني بنته ولا يعرفني. "مش ناويه تظبطي حياتك دي ولا هتفضلي عايشه كده؟ "اي يبابا اظبطها ازاي يعني مش فاهمه؟ "خروجك منغير إذن، وحياتك اللي عايشاها سداح مداح دي منغير اي نظام ولا احترام." "من النهارده مفيش خروج الا بإذن واشوفك نايمه الساعه 10 وتصحى الساعه 7 زي باقي مخاليق ربنا، انتي فاهمه؟

"لااا بقااا دي مبقتش عييشه ديي، حيااتي انا وانا حره فيها ومفيش اي مخلوق على وجه الأرض يقدر يتحكم في حياتي، متجييش بعد 20 سنه سايبني وتقولي حياتك ومش حياتك، انت فاهم؟ قلم سداسي نزل على وشيي. "الظاهر امك معرفتش تربيكي، انا هربيكي من اول وجديد يابنت سعاد." محستش بنفسي، مش من الوجع لا من الصدمه، ازاي بعد العمر ده بيضربني؟

بأي حق يضربني بعد ماسابني اعيش في بيت تاني وعيشه تانيه مع واحد غريب بيصرف عليا. انا عارفه اني قليت أدبي وزودتها بس بأي حق بيلوم على تربيتي وهو مشاركش فيها ولا حس بوجعي! سمحت لدموعي تاخد مجراها وجريت على اوضتي قبل ماحد يشوفني، مبحبش إبان ضعيفه.

عدت ايام مبكلمهوش ولا باكل معاه ولا بقابله. حاسه اني مش هقدر اسامحه على كل حاجه عملها معايا من اول ماتولدت. الاهل فاكرين انهم لما يقدمولنا فلوس ويجبولنا اللي احنا عايزينه يبقى كده احنا مرتاحين! ميعرفوش أن احنا محتاجين حضن يحسسنا بالأمان، حضن يعرفنا انهم حاسين بينا وأنهم معانا وجمبنا. "جميله انتي يابنت ياجميله." "ايوه يافريده هانم." "راوي بيه فين؟ "نزل يهانم من ساعه كده." "تمام حلوو اووي روحي انتي." "اوامرك يهانم."

اخيرا نزل هنزل انا كمان بقالي كتير محبوسه عايزه اشم هوا. "ممنوع يافندم." "انت عبيط اي اللي ممنوع ابعد عني عديني." "حضرتك ممنوعه من الخروج يافندم." "بص بقا انت لو مخرجتنيش دلوقتى انا هقول لبابا انك عاكستني وحاولت تتحرش بيا وانت وعارف اللي هيحصلك، بقولك عديني." "انا اسف يافندم اتفضلي." "جتك القرفاوووف اخيرا خرجت اي ده انا كنت محبوسه." "في مكان تاني." "ايوه يابيه هي خرجت دلوقتي." "نفذ اللي قولتلك عليه." "اوامرك يباشا."

ماشيه بغني ومندمجه مع الهوا قد اي الريف جميل وحياته بسيطه بعيد عن الدوشه اللي في العالم بره و.. "اي ده في اي انتوا ميين سيبونين." نزلت حاجه على دماغي محستش بنفسي وغبت عن الوعي وانا معرفش اي اللي جايي.