رواية احببتها منذ البداية الفصل العاشر 10 - بقلم علياء مصطفي

وبعد ساعات طلع الدكتور من أوضة العمليات وقالهم: -أنا آسف، عملنا كل اللي علينا. البقاء لله. نور انهرت وأحمد مسك في الدكتور. وبعد ساعات راحوا المقابر وصلوا ورجعوا البيت. نور كانت في بيت مامتها. نور: -ليه ليه أنا تعبت أمي وكل حاجة ليا ماتت من غير وداع ليه؟ أحلام: -معلش ي بنتي، دا قضاء ربنا ومينفعش نعترض عليه ي بنتي، وحدي الله. وكان شريف من وقت للتاني يجي علشان ظروف شغله.

بعد أسبوعين ونور كانت في بيت مامتها وأحمد أخوها بره. نور لقت رسالة في دولاب أمها. دعاء:

-لو أنتو بتقراوا الرسالة دي يبقى أنا مشيت. أتمنى أنكم تسامحوني بس نور كان فيكي اللي مكفيكي واحمد لسه صغير. أنا آسفة يا بنتي ربنا يسعدك وتكوني سعيدة في زواجك. أنا عارفة أنو مش كنت الأم المثالية ليكم بس ربنا شاهد أني عملت كل اللي أقدر عليه يا نور ي حبيبتي متبكيش. أنتي الكبيرة صبري أحمد وانتبهي ليه. أنا روحي معاكم بس جسمي في التراب. ادعولي أنامحتاجكم. نور انهرت من العياط وجه أحمد ولقاها على الأرض وشاف الرسالة وفضل يعيط.

قررت نور أنها تنتبه لدراسة أحمد ودرستها ورجعت بيتها. نور أول ما دخلت البيت. أحلام: -نور ي حبيبتي نورتي البيت ي قلبي وحشتينا ي قلبي أنتي كويسة والبيبي عامل إيه؟ نور: -الحمدلله ي ماما بخير. محمد: -الحمدالله على السلامة ي بنتي. نور: -الله يسلمك ي عمو. نور باستغراب: -شريف فين؟ أحلام بحزن: -أي ي بنتي هو وكريم في الشركة شوية وهيجي. اطلعي ارتاحي بس. نور: -طيب ي ماما عن إذنكم.

طلعت نور أول ما فتحت الشقة اتفاجأت من المنظر الكركبة وريحة الكحل سمعت صوت في الأوضة. دخلت لقت مايا. مايا بغرور: -جيتي يا بنت الشارع وأنتي إزاي تدخلي أوضة النوم بتاعتي كدا؟ نور باستغراب: -بص أنا مليش حيل ليكي اطلعي بره الشقة واللي هعمل تصرف مش هيعجبك. مايا بضحك: -ههههههههه شكلك مش عارفة آخر الأخبار. نور مسكتها من إيدها وجاية تطلعها دخل شريف. شريف: -نور سيبي مايا. نور باستغراب: -أي؟ شريف: -أنا مش هعيد كلامي مرتين.

سابت نور مايا وكانت لسه راحية تحضنها بعد عنها. نور: -أي ي حبيبي مالك أنا رجعت. مايا: -ابعدي عن جوزي. نور بضحك: -جوزك دا أنتي طقت منك خالص ي حلوة. شريف: -اتكلمي مع مراتي كويس ي نور. نور بصدمة: -أي؟ راحت مايا تجيب قسيمة الجواز وقالت: -مش مراتو وبس وكمان حامل بي ابنو. نور مش مصدقة نزلت تحت وكان موجود كريم. نور: -ماما عمو كريم اللي بيحصل دا أكيد كدب. أكيد. كلهم مش عارفين يردوا. نور فضلت تعيط واترتمت على الأرض وقالت:

-ليه وإزاي دا حصل حرام والله حرام كفاية مش هقدر أستحمل أكتر. ومحدش قادر يرد عليها. نزل شريف بجمود: -أنا اتجوزت مايا وهي مراتي ولازم تتقبليها. نور: -لا لااااااااااا مستحيل أنت ليه بتعمل فيا كداااا؟ شريف مفيش رد. نور قامت: -طلقني. شريف بغضب جحيمي: -أيىىى أنسى ممستحيل أطلقك أوعي أسمع كلمة طلاق منك أنتي فاهمة. نور بعياط: -لا مش فاهمة وهتطلقني. شريف بغضب مسك إيدها راح كريم بعد عنها شريف وقال:

-مش بقيت عارفك أنت شريف صاحبي من الطفولة ولا مين؟ شريف والحزن في عينه: -مش مهم. كريم: -أنا صاحبي مات للأسف. شريف وكان لسه هيزعق. محمد بغضب: -اتطلع شقتك ومش أشوف وشك أنا ابني مات اطلع. طلع شريف من البيت. نور: -أي اللي حصل حد يفهمني طيب؟ كريم:

-أنا هقولك: من تالت يوم من الجنازة جه شريف وكان تعبان ونام أنا روحت الأوضة عندي لقيتو مع مايا على السرير وهو فضل يحلف أنو مش عمل حاجة بس مش صدقناه وبعدها بيومين مايا جت ومعاها تحاليل أنها حامل شريف قال أنا مش هخلي ابني يكون ابن حرام وهيتجوزها واتجوزها فعلا ودا اللي حصل. نور أغمي عليها. صحيت نور وكان عندها دكتورة وقالت:

-المدام مش متغذية كويس ودا غلط عليها وعلى الجنين دا غير التوتر والضغط اللي عليها اهتموا بيها شوية لو سمحتو. أحلام: -أكيد حاضر. وكريم طلع الدكتورة لحد الباب. نور بعياط: -أنا مش عارفة ليه ي ماما بحصل فيا كدا أنا عملت إيه علشان كل دا؟ أحلام بحزن عليها: -معلش ي بنتي أنا آسفة حقك عليا. قعدت نور في أوضة الضيوف بس مش عرفت تنام طلعت تشرب لقت مايا بتتكلم في الفون. مايا: -طيب أنتي متأكدة أنو البرشام مش هيأثر أي حاجة؟

-إيوا يا مايا أنا متأكدة الحبة الواحدة يقعد 4 ساعات يبان أنك حامل. مايا: -طيب يعني أخد حبة يبان في التحاليل أني حامل؟ -إيوا بس مش تكتري. مايا: -طيب أنا أبقى أخد قرص بكرة. وقفلت الخط. نور كانت مسجلاها كل حاجة وكانت فرحانة فا خبطت مايا على راسها وصحت كريم وأحلام ومحمد وراحوا المستشفى وعملوا تحاليل والدكتورة كشفت عليها وطلعت مش حامل. وشريف راح عندهم. نور بفرحة: -شريف شريف بص أنا خبطت مايا وجت هنا.

شريف بعصبية ضربها وقعت واتخبطت. أحلام: -نور ي نور أنت اتجننت إزاي تعمل كدا؟ ومحمد ضربو كف. كريم بعصبية: -شوف التحاليل واتأكد بنفسك وده التسجيل مايا مش حامل ضحكت عليك ونور عملت الخطة دي علشان تجيبها المستشفى وتكشف خطتها. شريف بصدمة: -أي نور نور. بعد ساعتين طلعت الدكتورة من عند نور. شريف: -نور كويسة ي دكتورة؟ أحلام: -والجنين ي دكتورة؟ شريف بصدمة: -جنين؟ أحلام:

-أيوا ي شريف نور اكتشفت أنها حامل يوم موت أمها ومش عرفت تقولك علشان الظروف دي. شريف ندم ولعن نفسه ميت مرة. الدكتورة: -المدام نور كويسة الحمدلله بس أنا آسفة عملنا كل اللي علينا بس مش قدرنا إننا نحافظ على الجنين. شريف لأول مرة بكى وفضل يلعن نفسه. أحلام بعتاب: -أنت السبب أنت لا أبوي ولا أعرفك. بعد نص ساعة دخلت أحلام وبعدها شريف. أحلام بحزن: -أنتي كويسة ي بنتي؟ نور: -أنا بخير ي ماما. نور بفرحة وهي بتبص لشريف:

-شوفت ي حبيبي عرفنا حقيقة مايا وتقدر تطلقها. شريف بحزن: -طلقتها ي نور وهي بره حياتنا طلقتها. نور حست بألم في بطنها. نور: -ماما هو الجنين كويس مش كدا؟ أحلام عيطت. شريف بحزن: -أنا آسف ي نوري مش قدرنا نحافظ على الجنين. نور بصدمة: -أيىى يعني إيه يعني أبنی مات أبنی مات قبل ما أشوفه حتى؟ شريف: -أنا آسف. نور عطتو كف وقالتلو: -أنا بكرهك أنا بكرهك أنت متى ي شريف. شريف: -متقوليش كدا ي نور أنا أنا آسف والله آسف. نور بعياط:

-آسف آسف آه رجعت طفلنا آسف ولا نستنى إنك اتجوزت مايا. وطلعت نور على بيت مامتها لقت أخوها وقالتلو كل حاجة. أحمد بحزن: -معلش ي أختي هي أيام صعبة وهتعدي أنا آسف. عدا يومين وشريف كل يوم يجي تحت البيت ويستناها ويعتذر. نور وهي في الكلية اتعدوا عليها بنتين بس جه شريف وفصلهم وخدها في العربية. نور بعياط: -ننزلني. شريف بغضب: -مش أسمع منك ولا كلمة أنتي لسه مراتي وعلى ذمتي. نور فضلت تعيط شريف وقف العربية وحضنها:

-مطعيطيش ي نور أنا مش قادر مش قادر أشوف دموعك بتحرقني. نور بعياط: -أنت السبب فيها أنت السبب في كل حاجة وحشة بتحصلي. شريف بحزن: -أنا آسف اديني فرصة واحدة هعوضك عن كل حاجة والله ي نوري والله هعوضك فرصة أنا بحبك. نور بعياط: -وأنا كمان بحبك يا شريف. وراحوا على بيت الجبراوني. أحلام: -أخيرا أخيرا رجعتي ي حبيبتي. وأخدتها بالحضن. -مفيش غياب تاني عن البيت. محمد: -أنا آسف ي بنتي بس إن شاء الله الأيام الجاية هتكون العوض. نور:

-أنتو بيتي وعيلتي. وعدوا اليوم بسعادة. أحمد كان في البيت بعد ما جه من الدرس. الباب خبط وأحمد فتح لقى الشرطة. أحمد باستغراب: -نعم يا أفندم فيه حاجة؟ الشرطة: -فيه شكوى أنو البيت فيه مخدرات ومطلوب تفتيش. أحمد بصدمة: -أي مين اللي قدم الشكوى اتفضل. وفعلا لقيوا مخدرات أخدوه على القسم. اتصل أحمد بنور من مركز الشرطة وقالها كل حاجة. نور بصدمة: -طيب ي حبيبي اهدى واديني جاية. راحت هي وكريم علشان شريف كان في الشركة. نور:

-مين اللي قدم الشكوى؟ الشرطي: -الأستاذ***. نور وكريم بصدمة: -أااااااااااااااااييييييييييي.