رواية احببتها منتقبه الفصل الأول 1 - بقلم جنة الرحمن

_ايه ياماما سبيني أنام لسه بدري. =لا ياعائشه مش بدري، الفجر خلاص هيأذن يلا علشان تصلي. _حاضر ياماما، هقوم أهو. قمت دخلت الحمام واتوضيت وطلعت، كان الفجر أذن. صليت الفجر أنا وماما وقعدنا مستنين بابا ومالك يرجعوا من المسجد. =السلام عليكم ورحمة الله وبركاته. _وعليكم السلام ورحمة الله وبركاته، حمد الله على السلامة ياحميد يعسل أنت. قلت لبابا كده وروحت حضنته وبوسته، وروحت عند مالك خليته يشيلني ويدوخني. نسيت أعرفكم علينا.

أنا عائشه، عندي 20 سنة في تانية كلية هندسة، وماما خديجة عندها 45 سنة، وبابا أحمد عنده 47 سنة، ومالك أخويا عنده 18 سنة في تالتة ثانوي. نرجع للأحداث. عائشه: أنا هقوم ألبس وأجي أفطر علشان أنزل أروح الكلية. خديجه: ماشي يا عائشة، خدي بالك من نفسك. خديجه: قوم يا مالك معلش، ساعدني في ترتيب السفرة. _حاضر ياماما. خديجه: يلا يا عائشه، السفرة جهزت. عائشه: حاضر ياماما، طالعة أهو. احمد: ما شاء الله عليكي يا عائشه، قمر.

كانت عائشه لابسة إدناء أسود وعليه خمار ونقاب أوف وايت، وعنيها الزرقة اللي ورثتها عن مامتها اللي تسحر أي حد يشوفها، كانت عاملة زي الملاك. خديجه: تعالي اقعدي افطري. نسيب عائشه ونروح في مكان تاني، في كل حاجة ربنا حرمها والبنات فيه كأنها مش لابسة أصلًا. كان في شاب قاعد وبيشرب كاس وجنبه بنت بتدلع عليه. البنت: إيه يصقوري؟ يلا علشان نمشي. الشاب: اسمي صقر، وبعدين أنا همشي معاكي.

سبتها وطلعت وأنا سكران، روحت عند عربيتي فتحتها وروحت على البيت. دخلت لقيت أختي قاعدة مستناني، أول ما شافتني جريت عليا تسندني، دخلتني على الحمام تغسل وشي، وكل دا وهي بتتخانق معايا، وبعد كدا سابتني وراحت للدادة، طلبت منها تعمل قهوة ورجعتلي. أعرفكم بالشخصيات الجديدة. صقر: 29 سنة، دكتور في الجامعة، بس تقدروا تقولوا بيعمل حاجات كتيرة محرمة. أخته مليكه: 20 سنة، وهي صحبت عائشه الوحيدة، مختمرة في تانية كلية هندسة زي عائشه.

أبوهم وأمهم ماتوا وهما صغيرين، وصقر هو اللي شال مسؤولية أخته. نرجع للأحداث. مليكه: بردو ياصقر مش هتبطل اللي بتعمله ده؟ حرام عليك كدا. صقر: خلاص يامليكه، يلا علشان الكلية، انهارده أول يوم مش لازم نتأخر. دخلت مليكه الأول وراحت على المسجد. دخل الصقر الكلية.