رواية احببتها صعيدية الفصل الثالث عشر 13 - بقلم رفيدة وائل

مازن: والله أنا شغال مش ساكت، فكر أنت في حق عمرو. تميم: مش هسيبهم والله، مش هسيبهم. مازن: هانت ياصاحبي. تميم: طب أنا همشي أنا. مازن: ماتيجي تسهر معانا. تميم: لا ياعم روحوا انتوا، أنا سايب رفيدة لروحها. مازن: طب ياصديقي، يلا سلام. في البيت. تميم: هي الدنيا هادية كده ليه؟ رفيدة، رفيدة. رفيدة: إحنا هنا ياتميم، تعالي. تميم: انتوا لسه سهرانين؟ رنا: الله ياتميم، انت جايب تسالي؟

تميم وهو بيشد إيدها: تسالي إيه يابت، يلا على بيتك يالا. رنا: ودبدبت في الأرض بغيظ. تميم: رخمة. تميم: إلا هو القمر سهران ليه؟ رفيدة: كنا بنرغي أنا ورنا، يلا تصبح على خير. تميم: تصبح على خير إيه بس، هو إذا حضرت الشياطين ذهبت الملائكة، وغمز. ماتررغي معايا أنا كمان شوية. رفيدة بتوتر: هه، لا أنا عايزة أنام. تميم بضحك: ماشي، هسيبك النهاردة، بس ماتتعوديش على كده، وهروح أنا أسهر مع مازن.

رفيدة: يلهوووي، يعني داليا وسردين وقلت ماشي، أمّال مين مازن ده هو كمان؟ تميم بضحك: حبيبي. رفيدة: ومسكت من هدومه: انت بتكدب صح؟ تميم وخبط راسها بخفة: أكيد بكدب ياهبلة، مالك. رفيدة: طب ابعد كده، شيل إيدك. تميم: ماتخليكي شوية، دا أنا حضني حلو. رفيدة: قليل الأدب، ابعد ابعد. تميم: وإن ما بعدتش؟ رفيدة: هعمل كده، وعضت إيده وجريت. تميم: آآآه يابنت المفجوعة، أنا لازم أشوف حل في الحوار ده. تاني يوم الصبح.

تميم: أنا نازل الكلية يافراشتي، هتعوزي حاجة؟ رفيدة: لا شكراً. تميم: باس راسها بهدوء، طب يلا سلام، واه صحيح، ماتنزليش تحت لحد ما أرجع، لو كده أنا هبعتلك رنا. رفيدة بتوتر: هه، حاضر. بعد ساعة. رفيدة: يلا يارنا بسرعة، مفيش وقت للتفسير. رنا: أنا خايفة نتقفش زي المرة اللي فاتت، ماتتصلي بيه. رفيدة: هندخل في س وج، وهيقولي هجبلك أنا اللي انتي عايزاه. رنا: بس. رفيدة: يلا، مفيش بس، انس أكدلي إنه مش هيكون موجود، يلا.

رنا: يلا يختي، ربنا يستر. رفيدة: ماما، إحنا هننزل نشتري شوية حاجات. هدي: عرفتي تميم علشان مش يتخانق تاني؟ رفيدة: أيوه ياماما عرفته، يلا بقا يارنا. اسر: ماتيجوا أوصلكوا. رنا: لا شكراً، يلا يرفيدة. اسر وهو بيمسك إيد رفيدة: لي بس بدل بهدلة المواصلات. رفيدة شدت إيديها بعصبية: انت مبتفهمش، ماقلتلك لا، وإيدك دي تتمد وتلمسني تاني لتكون وحشاك. اسر: أنا يعني. رفيدة: انت لسه هترغي، ماقلنا، وسع من طريقنا، وشدت رنا: يلا.

رنا: يلهووي، اسر لو عرف باللي حصل ده ليكون نهاية اسر النهاردة. رفيدة: وإيه اللي هيعرف تميم بس، ماالموضوع خلص خلاص. رنا: ربنا يستر، علشان كده الموضوع لسه بيبتدي. رفيدة: طب خلاص، بطلي خوف. رفيدة: الو، أيوه يادكتور انس، أنا قدام الكافيه أهه. انس: أيوه، أنا شوفتك أهه، شوفتيني؟ رفيدة: أيوه، خلاص سلام. انس: حمد الله على السلامة يادكتورة، نورتي الاجتماع. رفيدة: تسلم يادكتور. انس وهو بيبص على رنا: مش عرفتينا؟

رفيدة: دي المهندسة رنا بنت عمي. انس: يعني. رفيدة: لا متخافش، هي عارفة ومعايا. انس بابتسامة لرنا: طب اتفضلي ياباشمهندسة. واخدهم على مكان الاجتماع، وبدأت المناقشة. بعد ساعة. رنا: أنا فخورة بيكي يابنتي، بسم الله ماشاء الله، إيه ده، متحدثة لبقة. رفيدة: لا داعي للتسقيف، دعونا نعمل في صمت. صوت من وراها: رفييييدة.