رواية احببتها صعيدية الفصل السابع 7 - بقلم رفيدة وائل

مازن: لا اقف على جنب خلينا نجيب جاتوه. تميم: جاتوه؟ وده لي؟ مازن: موضوع كده. تميم: موضوع إيه مازن؟ صراحة. مازن: عاوز أخطب منه أخت عمر. تميم بفرحة: إيه ده؟ بتتكلم جد؟ مازن: آها، أنا كنت مستني نجيب حق عمر بس علشان أقدر أتكلم معاها. تميم: مبروك يا صاحبي، ربنا يتمم لك على خير يا حبيبي. مازن: توافق؟ بس الأول رفيدة... لا، سيب موافقتها دي عليا أنا. تميم: طيب يلا انزلوا، وصلنا في البيت. انتصار: شوفي مين على الباب يا منه.

منه: حاضر يا ماما. بفرحة: إيه ده؟ أبيه تميم، اتفضل اتفضل. مازن من ورا تميم بهزار: في ناس تانية مع أبيه تميم؟ مش هنتفضل ولا إيه؟ منه بخجل: لا إزاي، نورتونا، اتفضلوا. تميم وشد رفيدة جنبه وحط إيده على كتفها: أحب أعرفك يا منوش، رفيدة مراتي. منه بترحيب: إيه ده بجد؟ اتجوزت؟ ألف مبروك، نورتينا، اتفضلوا. هنادي: ماما؟ رفيدة: استني، أنا جاية معاكي. منه بابتسامة: يلا. مازن ضربها في كتفها: إيه منوش دي يا بغل؟ ما تتلم.

تميم ببرود: مالك يا مازن؟ أنا قلت حاجة غلط؟ ما أنت عارف إن منوشة قلبي زي أختي. مازن ببرود مماثل: ماشي يا حبيبي، ولا يهمك. وأنا بردوا بعتبر رفيدة مراتك زي أختي. إلا يروفي، ما قلتيليش كملتي تعليم إزاي في الصعيد؟ تميم ضربه بالبوكس: روفي في عينك ياحمار؟ أنت ما تتلم. مازن ومسكه من هدومه: مش أنت اللي بدأت؟ انتصار: إيه ده يا ولاد؟ اهدوا، انتوا هتضربوا بعض ولا إيه؟ تميم وعدل هدومه: لا نضرب بعض إيه يا ماما، إحنا كنا بنهزر.

وباس إيديها: إزيك يا ست الكل؟ عاملة إيه؟ انتصار: في نعمة وخير يا حبيبي. مازن وباس إيديها هو كمان: وحشتينا والله. رفيدة بهمس لتميم: في إيه يا تميم؟ مالك أنت ومازن؟ مازن ومسك وشها بالراحة: حضرة الظابط ياحبيبتي، حضرة الظابط، متنسيش. انتصار: مراتك زي العسل يا تميم، ربنا يبارك لك فيها. تميم: تسلمي يا ماما. انتصار: طب يلا تعالوا، تعالوا نتغدى سوا. تميم: حق عمر رجع يا أمي. انتصار وقفت بصدمة وحزن: رجع؟

مازن: رجع يا أمي، وعمر ارتاح، وكل اللي إذاه خد جزاءه. انتصار قعدت على الكرسي وعيطت بحرقة: ربنا يبارك فيكوا ويحميكوا. تميم جري عليها حضنها: خلاص خلاص، علشان خاطري، أهدي وكفاية دموع. حق عمر رجع، وإحنا أهو حواليكي كلنا ومش هنسيبك أبدا. انتصار: ربنا يرحمه يا بني، كان دايما يقولي أنا مش خايف عليكوا يا أما، أنا سيبلكوا انتي ومنه أجدع صحاب، لو طلبتوا روحهم مش هيتأخروا. مكدبش يا بني، مكدبش، ربنا يحميكوا.

تميم بدموع: عمر كان أكتر من أخ ليا يا أمي، وأنا متأكد لو أنا اللي مكانه، هو مكنش هيتأخر بردوا. ربنا يرحمه. مازن بتغيير الجو: المهم يا أمي، إحنا كنا جايين في فرح، ليه الحزن ده بس؟ تميم: آآه صحيح، مش بتفكر يخطب؟ انتصار: إيده؟ بجد؟ ودي مين اللي قدرت توقعك يا حبيبي؟ منه بحزن: آآه يا أبيه، مين دي؟ حد نعرفه؟ مازن بص لها بحب: أعز المعرفة كمان. منه: مين دي؟ مازن وقعد على ركبته قدامها: تقبلي تتجوزيني؟ منه: إيه؟

مازن: تتجوزيني؟ منه هزت راسها بكسوف. انتصار زغرطت. مازن ضحك وقام حضن تميم: وافقت ياتميم، وافقت. تميم: مبروك يا حبيبي، مبروك. وقضوا اليوم في فرحة. بعد فترة. تميم: يلا يارفيدة ياحبيبتي، اصحي وصلنا. رفيدة بنوم: صحيت أهه ياتيمو. تميم: تيمو؟ لا قومي قومي بسرعة، خلينا نطلع قبل ما نمسك آداب في العربية. رفيدة ضربته بغيظ: هتبطل قلة الأدب دي إمتى؟ وسابته ونزلت. تميم: خدي بس هقولك. وبعدين وقف بصدمة. تميم في سره: (استر يارب)

. قاعدين كده لي؟ انس: أصل يادكتور...