رواية أحببتها صغيرة الفصل السادس 6 - بقلم سلمى حجازي

فررررح بتعملي إيه؟ بنفضلك المندرة يا بيه. ضحك صقر بشدة على كلماتها التي تتفوه بها دائمًا، وضحك أيضًا على منظرها، فهي كانت ترتدي جلبابًا بيضاء ذات أكمام قصيرة، وكانت طويلة عليها بشدة، وبالفعل كان وجهها ملئًا بالتراب وشعرها غير مرتب بالمرة، فحقًا كانت مضحكة. ههههههه ومين قالك بس يا فرح ترتبي المندرة؟ ماهي مرات البواب دي بتطلع تروّق أي كلام. بجد؟ أيوه. طب وجبتي الجلابية دي منين؟

دي بتاعت البواب، مرته قالتلي إنها كانت بتاعته قبل ما يتخن. هههههههههههههههههه. إنت بتضحك على إيه يا بيه، ده بدل ما تشكرني على المعروف ده. أشكرك إزاي بس يا فرح، ده إنتي بهدلتِ الأوضة مش رتبتيها. أنا آسفة. أدرك صقر أن فرح كانت تريد إسعاده لكنها لا تستطيع بسبب صغر سنها، فـ حاول إسعادها هو وطلب منها: طب إيه رأيك أغير هدومي وأروّق معاكي؟ بجد يا بيه... إنت بتعرف تروّق ولا أعلمك؟ ههههههه تعلميني إيه بس، لا أنا بعرف، يلا.

بدل صقر ملابسه وبدأ في ترتيب الغرفة ومعه فرح في جو من السعادة والمرح، وكانت فرح سعيدة جدًا لأنه كان يضحك ويلعب معها، وكان هو سعيدًا أيضًا برؤية ضحكتها البريئة الجميلة بشدة. صباح يوم جديد. في الجامعة. بقولك إيه، ما تجيب لها خدامة وخلاص بدل ما إنت كل يوم شايل همها كده. خدامة؟

أيوه، يعني واحدة تكون كبيرة كده بتاع 40 سنة وتبات عندك وتاخد بالها من فرح، وتبقى أحسن من مرات البواب اللي بتروّق لك أي كلام دي، وكمان يا عم تبقى شقتك طرية كده وبدل المزة اتنين ههههههه. إنت شكلك عايز تتربى. إنت لسه جاي تعرف دلوقتي هههههه... المهم إنت إيه رأيك؟ أنا متعودتش إن يكون فيه حد معايا، أنا بحب أعيش لوحدي. طب ما هي فرح معاك أهي. فرح أصلًا اتعودت على وجودها.

يا عم إنت شقتك بسم الله ما شاء الله واسعة جدًا، الولية اللي هتيجي مش هتحس بيها أصلًا. لا لا، وكمان الناس اللي في العمارة أكيد هيتكلموا، وده غير إن البواب ومراته هيزعلوا. طب إيه رأيك تبيع الشقة دي وتشتري لك بيت حلو ليك لوحدك؟ أنا أصلًا كنت بفكر في كده. خلاص أشطة، هشوف لك بيت كده ابن ناس وأقول لك عليه. تمام، ماشي. في الصعيد. في منزل حسن والد سعاد. أومال فين عروستنا؟ جاهزة طبعًا، قومي يا أم سعاد نودي على البت.

حاضر يا خويا. لولولولولوي. دلفت نجات إلى غرفة سعاد فوجدتها جالسة تبكي. يخر*بيتي، إنتي بتعيطي يا حز*ينة؟ قومي قط*عي رجبتك، اغسلي وشك ده. حاضر حاضر، يا رب خدني وريحني. يا أختي ياخدك على بيت جوزك الأول وبعدين ياخدك عنده. ماشي يا أمي، يلا. يلا، فين ناوليني صباع الحمرا ده والكحلة، خليني أزينك بدل ما إنتي شبه المطلقة أكده. خرجت نجات ومعها سعاد. إيه رأيك في عروستنا يا عريسنا؟ زي القمر، الله أكبر. نقرأ الفاتحة بـ.

يلا، بسم الله. صدق الله العظيم. لولولولولوي. إن شاء الله كتب الكتاب يوم الخميس الجاي، وهاخدها ونروح القاهرة، والشقة هكتبها باسمها، والمهر بتاعها هيكون البيت بتاعي هنا في الصعيد، لأني مش جاي هنا تاني، هي لو عايزة تيجي هنا هبقى أجيبها تشوفوها. ومالو يا خويا، حلو. على خيره الله. لولولولولوي. كان ذلك الحديث يدور بينهم ولن تنتبه له سعاد، فكانت هي في عالم آخر ملئ بالحزن، وكانت دائمًا تفكر في صديقتها فرح وأين هي.

في القاهرة. في منزل زياد. دلف زياد إلى المنزل فوجد نعيمة في وجهه تصرخ. إيه إيه، فيه إيه يا نعناعة؟ مالك؟ أنا خلاص جض*يت من أمك. هههههههههه، إيه ده، اتعلمتي جض*يت منين دي؟ هموت ههههههه. من البت الماي*عة الشغالة الجديدة اللي عاجبه المدام أمك، بقى أنا يا زياد قاعدة معاكوا بقالي عشرين سنة، عمرك شفت مني حاجة وحشة يا ابني؟ الصراحة لا، وبعدين ده إنتي اللي مربياني يا نعناعة.

قول لأمك بقى، من ساعة ما جابوا الشغالة الجديدة وهي مش عاجبها أي حاجة بعملها، عشان البت بتقعد تزوق لها الأكل وتحط لها ورد وتزين وتعمل، ولامؤاخذة بقى أمك هايفة وبيتعجبها الكلام الهايف ده، وأنا يا ابني عضمتي كبرت مبقتش أستحمل ده كله، فأنا هروح أخدم عند حد تاني عشان بجد معاملة أمك ليا مبقتش أستحملها. صلي على النبي كده يا نعناعة، فيه إيه؟ هو أنا أقدر أعيش من غيرك؟ ادخلي بس كده، وأي الشنطة اللي في إيدك دي؟

إمتى كنتي ناوية تمشي بالشنطة دي؟ ههههه. اللي حيلتي يا ابني. ده أنا أجيب لك الدنيا كلها عندك يا نعناعة، تعالي بس. يا ابني ماهي أمك عندها حق برضو، أنا راحت عليا خلاص. راحت على مين يا بطة؟ إنت والنبي اسكتي، لولا إنك مش موافقة أنا كنت اتجوزتك أصلًا. ههههههه، اتلم ياض إنت. حمد لله على السلامة يا زياد بيه، تؤمرني بحاجة؟ لا، شكرًا يا هنا. طب عن إذنك. شوفت البت ماي*عة إزاي؟ ماي*عة بس مزة.

يا واد اتلم، يخسارة تربيتي فيك، يخسارة. ههههههههه، ماشي يا ست. شركة OSA للملابس. إيه يا أستاذ صقر؟ كل التأخير ده؟ أنا أسف جدًا، العربية عطلت بيا في الطريق. لا يا صقر، إنت بقالك أسبوع بتيجي كل يوم متأخر، ودي مش عادتك. أنا أسف جدًا والله، مش هتتكرر تاني. أما نشوف يا صقر، إنت لسه مترقّي من أسبوع، متخلينيش أندم إني رقيتك. حاضر يا فندم. اتفضل على مكتبك. عن إذن حضرتك.

ذهب صقر إلى مكتبه، وبعد قليل دخلت حبيبة المكتب دون استئذان. إيه ده، مخبطيش لي قبل ما تدخلي؟ والله إنت بتقولي أنا كده. حبيبة، إحنا في الشغل، الطريقة دي متنفعش. وبرضو طريقتك معايا متنفعنيش، من ساعة ما الزف*تة فرح دي دخلت حياتنا. حبيبه، اتكلمي كويس. ماشي يا أستاذ صقر، عن إذنك. استني بس... أنا آسف، متزعليش، بس والله غصب عني. وأنا ذنبي إيه؟ خلاص بقى، متزعليش، حقك عليا، أوعدك إني هظبط كل حاجة. ماشي يا صقر...

إيه رأيك نتعشى سوا النهاردة؟ أصل اا.... لا بقا، لا أصل ولا فصل، عاوزني أصلحك، تعالي نتعشى مع بعض، إنت وحشتني أوي. خلاص، ماشي. بحبك. وأنا كمان. في المساء. كان صقر يجلس مع حبيبة في جو رومانسي لتناول وجبة العشاء. أنا مبسوطة أوي، بقالنا كتير مقعدناش مع بعض. والله يا حبيبة، أنا أهم حاجة عندي إنك تكوني مبسوطة. عارفة والله، وعشان كده أنا بحبك أوي، بس حاسة إنك بعدت عني الفترة دي. غصب عني والله، وأوعدك إني هعوضك.

ماشي، يلا نرقص. يلا. قطع حديثهما صوت رنين يصدر من هاتف صقر. ثواني، هرد على زياد. ماشي. الو يا زياد. افرح يا عم، ربنا مسهلها معاك، ولقيت لك بيت، لقيته وقريب من شقتك كمان. بجد؟ آه والله، والسمسار اللي كلمته لقالك بيعة للشقة كمان. طب الحمد لله. يلا، أي خدمة... إنت في البيت صح؟ لا، أنا بره مع حبيبة. ماشي يا عم، الله يسهله. طب اقفل بقى. سا سلا سلام. خلصت؟ آه. طب يلا، وبعد كده اقفل تليفونك. حا. الو يا فرح.

الحقنيييي يا ابيييييه. فررررح، الوووو، فرررررح.