رواية احببتك بدون مقابل الفصل الثالث 3 - بقلم ايات قرآنيه

صباح الخير، بكتب البارت طويل بس ما بعرف ليه بتنشر قصير. ابتلعت غصة ومسحت دموعها، مع دخول محمد وازدهار الذي ألقوا الصباح وجلس محمد بانتظار الإفطار كالعادة. بدرية: أخوك اتصل وقال جاي بكرة، فضي نفسك يا ابني عشان تجيبه هو ومراته. محمد بصدمة: جاي؟ ثم أردف: حاضر يا ماما. بدرية: أنا حطلع أنضف الشقة وأجهزها له. صدمت ازدهار بمعرفة مجيئه. ماذا عن أهلة؟ جلست بجوارهم على الطاولة تتناول إفطارها بصمت وتطعم ابنتها.

بدرية بعفوية: حبيبتي أهلة، أنا طالعة شقتكم أنضفها، وانتِ استنيني لما أجي ليك. أهلة: حاضر يا ماما، إذنك دلوقتي، عندي حصص كتير اليوم. وأخذت ابنتها بيدها وخرجت. محمد: في إيه يا ماما؟ وأهلة حتعمل إيه؟ بدرية: أهلة مش حتطلع من البيت، دا بيتها ومطرحها. محمد: بس يحي يا ماما. بدرية: ويحي ماله بيها؟ هو اتجوز وجايب مراته معاه. انت بس استناه يا حبيبي في المطار. محمد: حاضر يا ماما.

في خارج البلاد، حيث أستراليا، كان يقف في نافذة فيلته شارد الذهن، أفاق على صوت ولمسات. ماريا: حبيبي سرحان في إيه؟ يحي: كلها ساعات ونرجع البلد ونستقر هناك. ماريا: أنا مبسوطة أوي إني أخيراً حأشوف طنط بدرية وناس البيت. يحي: أممم، على العموم خلصت إجراءات التصفية هنا ونقلت كل الشغل، يعني مش حتبعدي عن أهلك تاني. احتضنته ماريا: ربنا يخليك لي يا رب. يحي بابتسامة: ويخليك لي يا رب.

في المدرسة الثانوية، حيث تحضر للحصة التالية، فهي تحت التدريب إلى أن يأتي وقت تعيينها. نهى زميلتها في المكتب: حضرتي حصتك يا أهلة؟ أهلة: خلصت أهو، قايمة فاضل دقيقتين، عن إذنك. دخلت الفصل وألقت التحية على الطلاب والطالبات وبدأت في إلقاء الحصة. في منتصف النهار، عادت أهلة ودخلت البيت بعد أن اتصلت بازدهار وقالت لها بتعب: بدرية ألقت السلام. ازدهار: إذنك يا حاجة بدرية، مدام أهلة جات أروح أنا أروق الشقة بدالك.

بدرية: معلش يا بنتي اتعبك معايا، بس الشقة كبيرة وحتتعبك. ابتلعت أهلة غصة قوية وتحاملت على نفسها، ثم قالت: أنا طالعة معاك يا ازدهار. ثم انحنت إلى مستوى ابنتها: حبيبتي نجوم خليك جمب تيته ماشي. نجوم: حاضر يا ماما.