رواية أحببتك يا مجنونة الفصل الثامن 8 - بقلم حنين أحمد

"عند جميلة" -تن تن تن -جميلة لنفسها: إيه ده؟ أدهم... أعمل إيه؟ جاء صوت من وراها: مين اللي بيرن؟ لفت جميلة وشها بصدمة. جميلة: إيه؟ لا لا مفيش. أدهم بخبث وهو بيقرب: مين اللي بيرن يا جميلة؟ جميلة: ده... ده... أدهم بيقرب أكتر: بقولك مين اللي بيرن يا جوجو. جميلة بتوهان: جوجو... جميلة... منك. أدهم بيقرب أكتر: طيب يا جوجو، مين كان بيرن؟ جميلة: ابعد شوية طيب. أدهم بخبث: لا أنا حابب كده. جميلة بتوهان: ماشي.

أدهم: مين كان بيرن يا جوجو؟ جميلة: ده... كان... خطيبي. أدهم بعد عنها: نعم؟ إنتِ مخطوبة؟ جميلة: إيه؟ آه آه مخطوبة. أدهم بغل: وأنا معرفش ليه؟ جميلة بردح: نعم يا روح أمك... قصدي يعني دي حاجة تخصني أنا. أدهم: كده طيب ماشي. وخرج وسابها. جميلة لنفسها: أنا... لله... ليه قلت له إني مخطوبة؟ أنا... أنا... ربنا ياخدني الساحل والله. "عند حمزة" في شات على الواتساب. حمزة: إزيك يا آنسة دنيا؟ أنا حمزة.

دنيا ردت: الحمد لله يا حمزة، إنت عامل إيه؟ حمزة: أنا بخير طول ما إنتي بخير. دنيا ردت: دايماً يا رب... إيه الأخبار؟ إنت في الشغل؟ حمزة: آه أنا في الشغل، مهو لازم اشتغل وأتعب عشان أكون بيت وعيلة. دنيا ردت: ربنا يرزقك ببنت الحلال. حمزة: أيوه ادعيلي، بس حاسس إني لقيتها. دنيا ردت بكسوف: أيوه... طب أنا هروح عشان ماما بتنادي عليا. حمزة: ماشي ولا يهمك... باي. دنيا ردت: باي. وقفل. "عند جميلة" يارا: حبيبتي عاملة إيه يا جوجو؟

جميلة لنفسها: مبلاش جوجو. وكملت: الحمد لله يا حبيبتي، ها إيه الأخبار؟ يارا: مش رحنا امبارح نخطب لـ أدهم سحلية من غير ديل. جميلة: نعم؟ قصدي يعني... هي البت وحشة أوي كده؟ يارا: عارفة البومة... وربنا كيوت وحلوة عنها. جميلة: اه وعملتوا إيه بقى هناك عند البومة؟ يارا: ولا حاجة، اتفقنا وقعدنا شوية ومشّينا، بس فيه حاجة غريبة. جميلة: فيه إيه؟ أيوه... إيه الغريب؟ يارا: البت مش شبه أبوها وأمها خالص.

جميلة: تلاقيها شبه خالها ولا عمها. يارا: احتمال والله... ماشي هروح أنا بقى وأبقى أكلمك واتساب بليل. جميلة: ماشي يا حبي. يارا: أوك باي. وخرجت. وجميلة فتحت الفون بتاع حوريه. في شات على الواتساب. أدهم: إنتي يابت إنتي. جميلة ردت بضحك: نعم يا دومي؟ أدهم: إنتي شيلي الصورة بتاعتك اللي إنتي حاطاها دي. جميلة ردت: بتغير عليا يا دومي؟ أدهم: لا أنا بس قرفان أفتح الواتساب، الله يحرقك شيليها. حد يحط القرف ده؟ إنتي جاية منين؟

جميلة ردت: غيران بس مش عايز تقول، يسهلني... أهيهيهيهي. أدهم: أبو شكلك... اسمعي يابت إنتي، إنتي تقولي لأهلك إنكم معزومين عندنا بعد بكرة، وابقي هاتي دنيا معاكي. جميلة بضحك: أهي كلها حجج فارغة عشان يشوفني بس، ماشي. أدهم: غوري. وقفل. جميلة لنفسها: استنى عليا يا أدهم الكلب... "في مكتب أدهم" حمزة: شكراً يا رجولة إنك قولتلها تجيب دنيا. أدهم: على إيه يبني بس؟ حمزة: ها، قولي عملت إيه مع العتروسة بتاعتك؟

أدهم: اسكت يا حمزة، دي حاطة صورة على الواتساب ليها مخلياني قرفان من عيشتي. حمزة: هي رهيبة ولا لما بتقول أهيهيهيهي؟ أدهم: أنا دي هتجوزها تغفير ذنوب والله. بس قسماً بربي لهوريها. حمزة: اهدي بس اهدي. أدهم: ماشي، أنا هروح البيت بقى، البت خلت دماغي ورمت... بت الـ... حمزة: ههههههه، طيب ماشي، روح ارتاح. أدهم: ماشي. وخرج. عدى اليوم عادي. "في المساء" في شات على الواتساب بين أدهم وجميلة. أدهم: إنتي مخطوبة يا جميلة بجد؟

جميلة ردت: أيوه... آه. أدهم: طيب ماشي، ألف مبروك. جميلة ردت: وإنت عامل إيه مع خطيبتك؟ أدهم: بخير، أنا بحبها وهي بتحبني. جميلة ردت: اممم، ربنا يخليهالك يا رب. أدهم: بتحبيه؟ جميلة ردت: امم... آه بحبه. أدهم: طيب ربنا يخليهولك يا رب. جميلة: ربنا يخليك... أنا هنام. أدهم: تمام، تصبحي على خير. جميلة: وإنت من أهله. وقفلوا. فتحت الفون التاني، في شات على الواتساب بردك. جميلة: إيه يا دومي، لسه صاحي ليه؟ بتفكر فيا؟ "عند أدهم"

تن تن تن، مسدج من جعفر. فتح ورد. أدهم: آه صح، كنت بفكر في صفيحة زبالة... إنتي مجنونة إبت؟ بفكر في مين؟ جميلة بضحك ردت: ربنا يخليك، يخربيت الحب بيموت فيا. أدهم: بت غوري نامي، امشي. جميلة: حاضر يا دومي، أنا غيرت الصورة، حلوة. أدهم: تقرف عن اللي قبلها، امشي. آه صحيح، ابقي هاتي دنيا معاكي. وفل. مامت أدهم: حبيبي، انزل لابوك عشان عايزك. أدهم: حاضر يماما. ونزل. "في الصالون" أدهم: نعم يا بابا؟ والد أدهم: كلمت حوريه؟

أدهم لنفسه: كلمت جعفر أصدق. وكملت بصوت عالي: آه، قلت لها. والد أدهم: وأنا كمان قلت لأهلها، عايزك تاخد إجازة بقى. أدهم: طيب يا بابا، عن إذنك. وراح على الأوضة. "عند جميلة" جميلة لنفسها: هيهيهي، جنيته خلاص. مامت جميلة: بت يموكوسه، أبو أدهمكلمنا وعازمنا بعد بكرة. جميلة: أهه، أدهم قالي. مامت جميلة: ماشي يبت. جميلة: استني بقى عشان لازم أعمل لدومي مفاجأة. مامت جميلة: هتعملي إيه؟ يخربيتك. جميلة: اسمعي... وبس كده، أهيهيهيهي.

مامت جميلة: يخربيتك يبت القرود. جميلة: ماما خلي بالك، بتشتمي نفسك إنتي والحج الغلبان اللي جوه. مامت جميلة: أهه صح... يخربيت عقلك، مكنتش نومه على السلم دي. جميلة: أنا هوريه، أهيهيهيهي. مامت جميلة: تعرفي، على قد ما زعلانة على اللي بتعمليه في الولد، على قد ما فرحانة إن ربنا رزقك بعريس زيه. جميلة: هيهيهي، بس يا ماما، بس يا حبيبتي، هنام أنا بقى. مامت جميلة: ماشي يا أختي، أما أروح أشوف حجوجي. جميلة: دي آخرة تربيتي فيكي.

مامت جميلة: بس يبت اختشي. وخرجت. وطبعاً اتعودنا إن الناس بتنام بليل. "الصبح في بيت أدهم" يارا: يلا يا أدهم، قوم بقى عشان نفطر. أدهم: ماشي يا حبيبتي، هاخد شاور وأنزل. يارا: ماشي يا دومي. وخرجت. فتحت الواتساب. شافت مسدج من جعفر. جميلة: صباح الخير يا حبيبي، أهيهيهيهي. أدهم: صباح الزفت. وقفل. اليوم عدى هادي، ونظرات الشك لـ جميلة من أدهم وهي بتعمل كأنها مش شايفة، بدل ما تعترف. "يوم العزومة"

مامت جميلة: يلا يا بنتي قومي البسي وجهزي نفسك عشان نروح للناس. جميلة: أنا صاحية أساساً. أهيهيهيهي، وهروح ألبس بقى وأستعد لـ حوريه، أهيهيهيهي. مامت جميلة: بت بطلي أهيهيهيهي دي. جميلة: دي كلمة حوريه المشهورة، الله، يلا بقى خليني ألبس. مامت جميلة: طيب يا أختي. "بعد ساعة" جميلة: أنا جاهزة، أهيهيهيهي. والد جميلة: إيه ده؟! أعاااااا! فين بنتي؟ إيه اللي إنتي عاملاه ده؟ يخربيتك. جميلة: بابا لو سمحت، دي الموضة، يلا بقى.

مامت جميلة: ... جميلة: إيه؟ ماما بصالي كده ليه؟ يلا يا حاجة يلا. ونزلو. "في فيلا المنشاوي" طق طق طق. الخادمة: سلاماً قولاً من رب رحيم، اتفضلوا، كلكم مستنين جوه. جميلة: مالها دي. ودخلوا. وبعد السلامات والقبولات والحلويات. قعدوا. جميلة: أمال فين أدهم؟ يطنط. مامت أدهم: إيه؟ مين؟ آه، نايم يا حبيبتي. جميلة لنفسها: مالها متنحة ليه؟ أكيد من جمالي. وكملت بصوت عالي: طب أنا هطلع أصحيه. كلهم: إيه؟

جميلة بخبث: عايزة أعمله مفاجأة. والد أدهم: اطلعي يا حبيبتي، أهي الأوضة دي. مامت جميلة بهمس: يابت اقعدي، هيجيله صرع. جميلة بنفس الهمس: استني بس. وطلعت. "مكنش يومك يدومي" طلعت ودخلت الأوضة. جميلة: حبيبيبي. أدهم بنوم: إيه الصوت ده؟ جميلة وهي مقربة منه: حبيبيييييييي. أدهم لسه بيقوم من النوم. وهوب.