رواية احببتك الفصل الثالث 3 - بقلم ياسمين مصطفى

في اليوم التاني..... كانت هايدي نازلة رايحة شغالها.... وفجأه طلع قدامها خالد... خالد: انتي حقيقي مش فكراني؟ هايدي: بسم الله الرحمن الرحيم... إيه يبني خضتني. خالد: انتي بجد مش فكراني؟ هايدي: أيوا انت بتاع الميكروباص. خالد بحزن: طيب ماشي... سلام. ومشي خالد.... فقالت هايدي: هو دا مجنون ولا إيه. وبتبص ع الأرض لقت كارنيه... فقالت هايدي بصدمه: لا مش معقول. وكملت بدموع: هو... هو طلع فاكرني.. لكن أنا غبية نسيته إزاي... إزاي قدرت أنساه. وقررت أنها هتروح المحل اللي خالد شغال فيه.... هايدي دخلت وسألت واحد. هايدي: لو سمحت.... فين ألاقي خالد أنور؟ محمد: وانتي بتسألي عليه ليه؟ انتي مين؟ هايدي: معرفة قديمة. محمد: أنا حاسس إني شوفتك قبل كدة. هايدي: أنا هايدي كرم. محمد بصدمه: انتي.... هايدي: ممكن تقولي حضرتك فين خالد؟ محمد بحزن: خالد ساب الشغل النهارده وسابلي الورقة دي. هايدي قرأت الورقة اللي مكتوب فيها الرسالة: "اللي جيت عشانه انتهي ولازم أرجع بلدي". هايدي: طب متعرفش ممكن ألاقيه فين؟ محمد: هتلاقيه دلوقتي ع البحر هو لما بيتدايق بيروح هناك... وبيشكي همومه للبحر. هايدي: طيب تمام شكراً جدا. وكانت هتمشي وتسيبه لكنه قال. محمد: على فكرا بقا خالد بيحبك... و أجا هنا عشان يدور عليكي... بعد ما عرف إنك لسه عايشة.