رواية احلام طفله الفصل التاسع 9 - بقلم علا

فهد بدهشة: طلب مين؟ ويارا موافقة على إيه؟ أنا مش فاهم حاجة. ليان: ولا أنا. هو أنا اتخطفت كتير ولا إيه؟ كامل بابتسامة: لا يا لمضة. يوسف طلب إيد يارا وكرم وأمير وافقوا. وطبعاً عروستنا موافقة. ناقص موافقتك يا فهد. بس عشان سيدك أربع وعشرين ساعة مش في البيت فتعرف منين؟ فهد بفرحة: طبعاً موافق. يوسف أخويا وأنا واثق من أخلاقه كويس. وراح ليوسف. مبروك يا جو. وسابه وراح ليارا وخدها في حضنه وضمها ليه.

مبروك يا قلبي. أنتي أختي الصغيرة وبهزار. ليكي عليا لو عملك حاجة هعلقه من رجليه. اه. أنا أختي تدلع براحتها. يارا: ربنا يخليك ليا يا فهد. أمير بمزاح وخبث ميفهمهوش حد غير فهد: بلاش لحسن تدحط في نفس الموقف. وأنت عارف. معتز: إيه ده؟ أنا شامم ريحة عروسة تانية صح؟ أوعي تقول فهد وقع. أمير بمزاح: ياريت وقع بس ده تزحلق على وشه كمان. وحب يا ميزو. فهد حب. آآآه. معتز: أوعي تقول. مين سعيدة الحظ؟ ولا أقول تعيسة الحظ؟

فهد: تعيسة في عينك. ثم ملكش دعوة أنت. أنت لسه مقولتش على هااا. أنت فاهم. وبغيث: ثم يا إيه يا ميرو فينا من كده؟ يوسف: لا أنا لازم أفهم. إنتوا فاهمين حاجة؟ الجميع بص لفهد وأمير. لاء. وعاوزين نفهم. فهد بغيث: عجبك كده يا قرد أنا؟ أمير: طب قول أحسن ما أقول أنا. فهد: والله أقطع لسانك فيها اتلم. وبص ليهم بعدين صدقوني قريب بس فعلاً مش دلوقتي. وسبهم ومشي. يارا: أنا مش فاهمة حاجة. فهد يحب مين سعيدة الحظ دي؟

يابختها. دا أنا أخته وبموت عليه. يوسف بص لها بغيرة ووعيد لها من جواه. كامل: طالما الحمد لله الحال اتصلح. وخلصنا من الخطر. يبقى نحدد معاد الخطوبة. يوسف: لا. أنا هعمل كتب كتاب على طول. ولو ينفع زفاف يبقى كتر خيركم. خديجة: إيه يا حبيبي اللي أنت بتقوله ده؟ لا لازم العروسة توافق الأول. يارا: لا فرح إيه؟ لا أنا موافقة بس يعني خطوبة من زفاف. يوسف قرب منها نسبياً: ليه يا يارا؟ وبعدين انتي خايفة مني؟

كامل: يارا عندها حق. وبعدين إنتوا لسه في البداية. اتكلموا مع بعض. وبعدين حكاية الفرح أو الخطوبة دي بعدين. يلا. يوسف: حاضر يا بابا. اللي تشوفه. وأنا جاهز من دلوقتي لو عاوزة تكلمني. كرم: ها يا يارا. عاوزة تتكلموا دلوقتي. ولا. يارا بخجل: اللي تشوفه ماشي. كرم: خلاص اتكلموا. هنا في الجنينة. وشوفوا الأول هتستريحوا ولا. يوسف: حاضر. والتفت لي يارا. اتفضلي. وراحوا الجنينة. في أوضة فهد. كده يا غبي كسفتني جامد قدامهم.

أمير: دي غلطتي إني بنطق أبو الهول. يا ابني مكنت اتكلمت عن ليان وخلصنا. ده يوسف نطق. فهد: خفت أوي يا أمير. وبعدين البنت لسه جايبها من حالة خطف. أقوم أقول أنا عاوز أتجوزها. أكيد مينفعش. هتتفهم غلط. ومش بعيد هيشكوا إنها حصلها حاجة. وأنا استحالة أحطها في محور شك. أمير: طب الأسنان تعمل إيه؟ فهد: بقولك. خلاص هقول يوم خطوبة يوسف ويارا. وتعملها مفاجأة. بس أخاف تكسفني. أنا عاوز أكلمها الأول.

أمير: وده رأيي بردو. عشان تكون مستريح. فهد: خلاص هظبط نفسي وأموري وأكلمها في أقرب وقت ممكن. قبل خطوبة يوسف. أمير: حبيبي هو ده الكلام الصح. يلا بقا عشان هروح أنام. باي. وأمير ساب فهد وراح أوضة. فهد كان هيموت مش عارف هي عمله إيه دلوقتي. في غرفة ليان. خلاص يا ماما. والله ما فيا حاجة. هو بس قلم بسيط مش أكتر. وبعدين روحي بقا زمان بابا عاوز ينام ومش عارف ينام من غيرك يا جميل.

خديجة: بس بت عيب كده. فضحتنا. عيلة بلوة يالا. تصبحي على خير. ليان: وإنتي من أهله. يارا: وإنتي من أهله يا طنط. خديجة: لا طنط إيه؟ من النهارده تقوليلي يا ماما. يارا بخجل وكسوف منها: حاضر يا ماما. خديجة خرجت وسابت ليان ويارا مع بعض. ليان: لاء يا بت وش كسوف أوي إنتي. بقا يا جزمة متقوليش من إمتي وإنتي مستغفلاني. هااا.

يارا: والله أبداً. أنا لو كنت أعرف من بدري كنت قولت. أنا مش بابا قالي الصبح إنه عاوزني. بعد ما إنتي مشيتي رحتله وقالي. أنا بصراحة كده. كنت عاوزة أقوله وقتها إني موافقة بالعشرة بس اتكسفت. فالما قالي وقتها قولتها بقا وخلاص. ليان: من إمتي بقا وإنتي واقعة كده؟ انطقي واعترفي. يارا: بأمانة كده من وأنا صغننة وأنا باحب أخوكي في الدكاكيني. ليان: صغننة؟ ودكاكيني؟

لا إله إلا الله. فول واتقسمت نصين. بس بجد فرحت جداً. مبروك يا قلبي. يارا: أقولك على حاجة؟ بس توعديني إنها تفضل بينا العمر كله. ليا: تفضل العمر كله. حاضر. قولي ربنا يستر. يارا: أصل أنا كنت بحب أخوكي من وإحنا صغيرين. وكمان أنا بكتب كل موقف وكل كلمة دارت بينا لحن دلوقتي. مش مصدقة نفسي يا ليان. حلمي. حلمي اتحقق. حلم طفلة صغيرة اتحقق قدام عنيا. يوسف طلبني وخطوبتي قربت. أنا فرحانة جداً فرحانة. عقبالك يا ليو.

ليان: يارب. بس يكون زي ما أنا نفسي. حاجة كده شخصية. يارا بمزاح: يبقى فهد. طالما شخصية يبقى فهد. هههههه. ليان: حرام عليكي. هو شخصية. بس مش قوي كده. ده عدى كل حدود الهيبة. ده أنا بخاف لما بهزر معاه. يارا: ليه يا ليو؟ والله ما فيش أحن من فهد. ليان: يعني بحس إن أمير أخف جمودية منه. يارا: مين اللي قالك كده؟

هو آه في فرق فظيع مابين أمير وفهد. أمير بيتعصب بسرعة. وكمان شديد. إنما فهد صبور شوية عن أمير. هو آه ملهوش في الهزار. بس لما تعرفيه هتحسي معاه بالحنان أكتر. أنا بتكلم مع فهد أكتر من أمير. حرام والله اللي فاكرة عنه. ليان: مش مهم. هو أحسن أمير أحسن. مليش فيه. المهم. هو في حاجة كده أنا عاوزة أقولها لك. يارا: هااا. في إيه؟ ليان: كريم. اعترفلي إنه بيحبني وكمان طلب مني الجواز. يارا: ااااايه؟ بيحبك؟ وكمان جواز؟

ده ميعرفكيش غير من كام شهر. لحق يحب وكمان يطلب. ليان: مش عارفة. بس فاجئني أوي. معرفتش أرد عليه. حاسة إن في حاجة كده مش مرتاحة. يارا: طب إيه. يعني هتعملي إيه؟ ليان: مش عارفة. بس هفكر في الموضوع. يعني هو آه مش زي ما أنا حطاه في دماغي. بس فيه حاجات مشتركة. يمكن أكتشف فيه حاجات مش عارفاها.

وهما عمالين يتكلموا ويفكروا كان فيه قلب بينكسر من اللي سمعه من طفلته الصغيرة من حبيبة قلبه وروحه. ورجع أوضة وهو مصدوم. معقول ممكن حبيبته تروح منه ويمتلكها شخص آخر. لا يا فهد. أنت عمرك ما خسرت حاجة. تقوم أول ما تخسر. تخسر حبيبتك. لا. وألف لا. صباح يوم جديد على الجميع. كامل: ها يا ولاد الخطوبة حددت خلاص آخر الأسبوع. يوسف: آه يا بابا. وبص على يارا وابتسم. وهي اتكسفت من نظراته لها. خديجة: ربنا يتمم بخير يا ولاد.

كامل وكرم: اللهم آمين. في مكتب أمير. لو سمحت يا أسيل. إنتي ليه رافضة موضوع الارتباط. هو أنا بقولك نمشي مع بعض؟ أنا بقولك عاوز أتزوجك. ولو إنتي حاسة إنك لسه محلتنيش نعمل خطوبة. أسيل: صدقني يا أمير بيه. أنا مش هينفع ارتبط. أنا آسفة مش موافقة. أمير بعصبية: ليه؟ هو أنا فيا عيب؟ أسيل ببكاء: لا. أنا اللي فيا. أمير: اهدي يا أسيل. أنا مش قصدي أتعصب بس رفضك ليه كتير ده عصبني. ممكن أعرف؟ أسيل: حضرتك عاوز تعرف؟ حاضر.

وبانهيار: الموضوع هو إني تم اغتصابي من تلات سنين.