رواية اقدار واسرار الفصل الثامن عشر 18 - بقلم ولاء

عزمي... حور بنتي مالك؟ سليم... يادكتور الحقني بسرعه. يدخل الدكتور ويعطي حور حقنة مهدئ. عزمي... خير يادكتور، ف إيه؟ الدكتور... مافيش، دي إرهاق شديد وهتكون كويسه إن شاء الله. سليم... شكراً لحضرتك. عزمي... سليم، خلي بالك منها، أنا هروح مشوار وهاجي على طول. سليم... تمام، حاضر. (ف اليوم الثاني) مي... حور، انتي كويسه؟ حور... أيوة يا مي، أنا عاوزة أمشي من هنا بقا، أنا اتخنقت. سالم...

أصلاً القضية النهارده، ولازم تحضري ياحور. حور... علشان كده أنكل عزمي وسليم مش موجودين. رامي... أيوة، بس يا سالم، مش لازم حور تحضر، يعني بابا قال مش لازم علشان هي تعبانه. حور... لا، أنا عاوزة أشوف هيحصل إيه. تلبس حور وتروح المحكمة. (ف قاعة المحكمة) المحامي... دي كل الأدلة اللي تثبت إن الانسه حور خارج قضية القتل نهايئاً. ودي سيادتك الأدلة اللي تثبت الأعمال الغير شرعية في حق صافي عمران، والدة الأستاذ سليم.

وطبعاً السبب الرئيسي في قتل الحاجة كريمة والأستاذ عبد العزيز والتحريض على قتل زوجها، الأستاذ سليم، هي نور علي، اللي هي ماتت في اليوم المذكور عند حضرتك. كانت صافي تقف داخل القفص. يأتي صوت من الخلف. حور... لو سمحت، لو سمحت، عاوزة أقول حاجة. عزمي... إيه اللي جابك هنا، ياحور؟ القاضي... سكووووت. انتي مين؟ حور... أنا حور علي، أخت نور المتهمة. القاضي... عاوزة تقولي إيه يا آنسة حور؟ حور...

عاوزة أقول إن لو كانت نور عايشة، كان أكيد الحكم عليها هيكون شديد، صح؟ القاضي... طبعاً صح. حور... طيب، ودول، واللي اتعمل فيها، منهم مالوش أي عقاب؟ القاضي... انتي شايفة إيه دلوقتي؟ إحنا طبعاً بنعاقب على أي خطأ مهما كان مين السبب فيه. حور... أنا عاوزة بس أقولك كلمة يا مدام صافي، انتي عارفة كام بنت دلوقتي ماتت بسببك وبقت حياتها جحيم؟

عارفة إنك مهما كان ليكي عقاب، عمره ما هيعادل عقابك عند ربنا. واللي زيك دلوقتي أو غيرك أكيد فيه كتير زيك، بس اعرفي إن الله ليس غافل، وإن شاء الله كل واحد من أمثالكم ربنا يكشف حقيقته. القاضي... مش عاوز تقول حاجة يا أستاذ سليم؟ سليم مكنش عارف يرد يقول إيه. سليم... ينظر إلى الأسفل. لا، مش عاوز أقول حاجة. القاضي... ترفع الجلسة للحكم. يخرج الجميع إلى الاستراحة. سليم... إيه اللي خلاكي تيجي هنا، وإنتي تعبانة كده، ياحور؟

حور... أنا الحمد لله كويسه، أنا بس عاوزة أشوف البنات، وحشوني أوي أوي. مي... الدادة هتيجي بكرة، أنا اتصلت بيها وقالت هاتجيب البنات بكرة. حور... بجد يا مي؟ مي... بجد. سالم... أمرك غريب ياحور. لسه قلبك أبيض زي ما انتي، عمرك ما هتتغيري أبداً. سليم... قصدك إيه؟ سالم... قصدي إن مهما لفيتي يا سليم، عمرك ما هتلاقي حد زي حور في طيبة قلبها وحلاوة روحها. حافظ عليها وخلي بالك منها كويس. سليم...

بما إنك فتحت الموضوع ده، لو سمحت يا أنكل عزمي، أنا عاوز أطلب إيد حور. الكل يقعد يضحك. مي... دا إنت لخمة خالص، في حد يطلب إيد حد في المحكمة، يابني؟ حور... معقول، أصبر كل ده علشان يطلب إيدي في المحكمة، يا خرااابي. المحامي... يلا، الجلسة الأخيرة هتبدأ. (قاعة المحكمة) القاضي... حكم المحكمة حضوري ببراءة حور من التهمة المنسوبة إليها. وحكم المحكمة حضوري بالسجن 10 سنوات لـ ياسر عرفات للأعمال الغير شرعية.

وحكم المحكمة حضوري بالسجن 15 سنة على محمد عرفة لحين القبض عليه. وحكم المحكمة حضوري بالسجن 12 سنة على صافي عمران. نرفع الجلسة. رامي... الله ينور، أيوة كده، ظهر الحق وزهق الباطل. مبروك ياحور، قدرتي تعرفي كل ده. ربنا وقفك للحق. عزمي... عاوزين بقا نور البيت علشان نحتفل باليوم ده. سالم... أنا جري، هحضر العربية. (ف منزل اللواء عزمي) كان الجو كله احتفال. سليم...

إيه رأيكم يا جماعة، أنا عاوز أكتب كتب كتابي على حور في أقرب وقت. مي... لولولولولوي، ياااريت، بقالنا كتير مفرحناش. حور... أنا مش هعمل حاجة من غير البنات. سليم... ياستي، إنتي شايفة المأذون على الباب. عزمي... خلاص، الفرح الخميس الجاي إن شاء الله. رامي... طيب، وأنا ومي، يابابا، إحنا هنخلل كده. عزمي... لا، بعدين بعدين. مي... كل مرة بعدين بعدين. عزمي... بتقولي حاجة يا مي؟ مي... لا يا عمي، يا حبيبي، أنا أقدر. (يوم الفرح ❤️)

سليم... إيه يا دادة، حور جاهزة؟ المأذون بقاله ساعة قاعد. الدادة... اطلع، هي عاوزة تتكلم معاك الأول. يدخل سليم الأوضة، وكان واقف فرحان لما شاف حور بالفستان الأبيض والطرحة الطويلة اللي نازلة على الأرض، وملامح وجهها اللي كانت بتعبر عن طيبتها وروحها النقية. حور... شكلك صغير أوي يا سليم، حاسة إن إنت واحد تاني. سليم... دا علشان إنتي قصادي بس، علشان شايفك وشايف حبك ياحور. حور... والله، من امتى الكلام الحلو ده بقا؟ سليم...

من دلوقتي ياحور، عاوز أنسي الحزن اللي كنا فيه، عاوز أعيش معاكي إنتي والبنات حياة تانية خالص، أبنيها على الفرح والطاعة في حب الله، مع بناتي ومعاكي. حور... طيب، يلا بقا علشان هنتاخر على الناس. سليم... تصدقي، نسيت الناس من عيونك الحلوين. حور... طيب، يلا يا بو كلام حلو. تنزل حور مع سليم. المأذون... بارك الله لكم وبارك عليكم وجمع بينكما في خير. الدادة... لولولولولوي، ألف ألف مبروك ياحبيبتي، ربنا يفرح قلبك ويريح بالك.

مي... أخيرااا بقااا حور عروسة، ياناس، عروووووسه. سليم... يلا علشان شهر العسل. حور... دلوقتي، والبنات؟ الدادة... روحي إنتي بس، البنات في عيوني. يشد سليم حور ويحضنها ويلف بيها من الفرحة، ويجري ويركب العربية ويروح شهر العسل. كااااااااااااااات ♥️♥️♥️ أقدار وأسرار ♥️