رواية اخفى حبه الفصل الأول 1 - بقلم جنة الرحمن

أنا بحبك. هو: إيه؟ أنا: بحبك وبحبك من زمان أوي. هو: وأنا مش بحبك يا منه، على طول شايفك مدلوقة عليا. أنا: مدلوقة عليك؟ هو: أنا آسف، بس أنا بعتبرك أختي وبنت خالتي، لكن مش أكتر من كده بصراحة. أنا بحب هنا. أنا: بتحب هنا؟ أنا: بتحب هنا؟ آه، ألف مبروك يا ابن خالتي، ابقى عزمني بقى. هو: منه، أنا آسف، بس أنا بحب البنت اللي تكون صعبة. لكن إنتي معايا من وإحنا صغيرين وفي نفس الكمبوند.

أنا: فعلًا. ماشي يا أحمد، أوعدك إني هنسى حاجة اسمها حبك. وصدقني هتشوف منه تانية خالص. أنا: أنا همشي بقى، ابقى قول لخالتو إني ماشية. هو: تمشي تروحي فين؟ إنتي لسه جاية. أنا: زي بعضه. مرة تانية متنساش تقولي هتروح امتى تتقدملها. هو: بجد؟ إنتي هتيجي معايا؟ أنا: وإيه يعني؟ أنا بنت خالتك وزي اختك. هو: آه صحيح. من الأحسن تنسي الكلمة اللي قولتيها. باي بقى. ***

منه مشيت من عند خالتي وأنا زعلانة وقلبي مكسور. بس أنا معروف عني إني قوية، وعشان كده أنا قررت أنسى حبه. حتى لو معرفتش، مبين. روحت المكتبة أقرأ رواية. دي الحاجة الوحيدة اللي بتفصلني تمامًا عن كل حاجة. *** أحمد زعلت أوي إني قولتلها بالشكل ده. وندمت جدا إني قولتلها "مدلوقة". قعدت أفكر شوية، بعدين كلمت هنا. ***

منه بنت طيبة جدا وبتحب أحمد جدا. عندها 21 سنة، في كلية هندسة. عينيها لونها زيتي وبشرتها بيضا وشعرها طويل وناعم لونه أسود في بني. أحمد ابن خالة منه. عنده 27 سنة، دكتور في كلية منه. جسمه رياضي وطويل وبشرته قمحاوي. عينيه لونها بني فاتح وشعره أسود ناعم. هنا بنت جميلة بتغير من منه دايما. عندها 21 سنة في نفس كلية منه. عينيها عسلي، بشرتها قمحاوية سيكة. شعرها كيرلي. مش بتحب أحمد بس بتتكلموا عندها في منه. ***

هنا: الو يا حبيبي، عامل إيه؟ أحمد: كويس. إنتي عاملة إيه؟ هنا: الحمد لله. آه صحيح، حددلك معاد مع بابا. أحمد: بجد؟ امتى؟ هنا: بعد بكرة الساعة 8. أحمد: ماشي يا حبيبي. أنا مبسوط أوي. هنا: ها، وأنا كمان. هنا: أنا هقفل بقى عشان ماما عايزاني. أحمد: اوكي. باي. هنا: باي. *** عند منه. قعدت شوية في المكتبة وبعدين روحت. أمي: إيه يا حبيبتي؟ كنتي فين؟ خالتك رنت عليا قالت إنك مشيتي من عندها بسرعة وزعلانة منكم.

منه بحزن: عادي يا ماما، ابقى أكلمها أعتذر لها. روحت المكتبة. أمي: ماشي يا حبيبتي. إنتي كويسة؟ منه: آه يا ماما كويسة. أنا بس عايزة أنام شوية. أمي: ماشي يا حبيبتي، روحي ارتاحي شوية. منه: ماشي. هو بابا جه؟ أمي: لا يا حبيبتي، لسه في الشغل. منه: آه ماشي. هروح أنام بقى. أمي: ماشي يا قلبي. ***

أحمد. قفلت مع هنا وروحت. قولت لماما، حسيت إنها زعلت. دخلت أوضتي وأنا زعلان إني قولت لمنه كده. وكمان متعودة تكلمني، لكن مكلمتنيش خالص. مرضتش أكلمها عشان عارف إنها أكيد زعلانة وقلبها مكسور. ***

منه. دخلت أنام عشان مش عايزة أفكر في حاجة. أنا طبيعتي إني بكتم الوجع جوايا. حاولت أنام معرفتش. قمت أذاكر شوية، أعمل أي حاجة عشان مفكرش. في الليل كلمت ليلى صحبتي، حكيتلها كل حاجة. واتفقنا ننزل نجيب حاجات للكلية وهنروح مطعم وكده. لبست وطلعت. *** أحمد. اتفاجأت إني هطلع أنا وهنا. قمت لبست وبصيت على التليفون أشوف منه رنت ولا لأ. ملقتش حتى مسج. *** منه: ماما، يا ماما، يا ماما. أمي: عايزة إيه؟ منه: هو بابا جه؟

أمي: آه يختي جه وسأل عليكي. منه: ماشي. هدخل أسلم عليه وآخد منه فلوس أجيب حاجات للكلية وهدوم. أمي: ما ده اللي إنتي فالحة فيه يختي. منه: إنتي اختي، لا، أنا بنتك. هروح لبابا حبيبي. أمي: روحي، نشوف آخرتها. منه وهي تدخل أوضة بابا: آخرتها مزة زيك يا روحي. عادل (أبو منه) : بس يا بت، متعاكسيش مراتي. منه: الله، ما هي أمي برضو. عادل: ماشي يا أخرت صبري. عاملة إيه في كليتك؟ منه: مية مية يا قلبي. عادل: حلو. قوليلي بقى عايزة إيه؟

منه: فلوس. عادل: هتعملي بيها إيه؟ منه: هجيب حاجات للكلية وهدوم. عادل: ماشي يختي. عايزة كام؟ منه: يختي إيه حكاية الكلمة دي معاكم؟ بس مش مهم. اللي تجيبه يا حبيبي. عادل: (أعطاها فلوس) . وطلعت من البيت. لحقت عند عربيتها. قابلت أحمد. أحمد: منه، هاي. رايحة فين؟ منه بابتسامة: هاي. رايحة أجيب حاجات. أحمد: تعالي أوصلك طيب. منه: لا شكرا. هروح بعربيتي عشان أعدي على ليلى. أحمد: اوكي. عايزة حاجة؟ منه: لا شكرا. كل واحد ركب عربيته.

*** عند منه. قابلت ليلى. جابت حاجات للكلية وهدوم وراحوا كافيه. *** أحمد. بعد ما سبت منه، لوحت. جبت هنا وروحتنا قعدنا في كافيه. *** منه دخلت الكافيه. شفت أحمد قاعد مع هنا. قلبي وجعني أوي، بس ابتسمت ودريت وجعي. وروحت قعدت أنا وليلى بعيد عنهم. بس أحمد أخد باله مني وابتسملي. جه يقوم، هنا مسكت إيده. اتضايقت أوي. ***

منه. أخدت بالي إن أحمد كل شوية يبصلي، بس عملت نفسي مش واخدة بالي. بعد شوية دخل وائل معانا في الكلية. جه يسلم عليا. مدلي إيده. وائل: منه، إزيك؟ عاملة إيه؟ حطيت إيدي في إيده وسلمت عليه. منه: كويسة. وإنت عامل إيه؟ وائل: بخير الحمد لله. إزيك يا ليلى؟ عاملة إيه؟ ليلى: كويسة. وإنت أخبارك إيه؟ وائل: تمام الحمد لله. بص لقى أحمد وهنا قاعدين مع بعض. وائل: ده أحمد وهنا هناك أهو. ليلى: آه. منه: اقعد يا ابني.

وائل قعد معاهم. قعدوا يهزروا ويضحكوا. كل ده وأحمد قاعد متغاظ ومضايق أوي. وهنا مضايقة أكتر. (هنا بتحب وائل جدا. لما رفض حبها ارتبطت بأحمد عشان تخليه يغير) هنا: ما تيجي يا أحمد نقعد معاهم بدل ما قاعدين لوحدنا؟ مش منه بنت خالتك برضو. أحمد: أكيد. ما الهانم قاعدة معاه تضحك وتهزر، وكأن أنا ابن خالتها. أحمد راح عندهم وهو متعصب. أحمد: ممكن أعرف الأستاذ قاعد معاكم بإمارة إيه؟ منه: أحمد، وطّي صوتك. وائل زميلنا قاعد معانا عادي.

أحمد: لا طبعًا مش عادي. ولد يقعد مع بنتين وهو ولا قريبهم ولا نيلة يقعد بصفة إيه إن شاء الله؟ منه: بصفته زميلنا. أحمد: منه، متنرفزنيش. يعني إيه زميلك؟ زميلك في الكلية وبس. وائل: أنا آسف جدا، بس أنا بعتبر ليلى ومنه أخواتي وزمايلي. مش قصدي حاجة. منه: متعتذرش، إنت مش غلطان في حاجة. هو اللي غلطان. أحمد: غلطان؟ منه: أها. أحمد: منه، على البيت وكلامي مع أبوكي. منه: إنت مالك؟ إنت؟

أنا مش بعمل حاجة غلط. وأنا بنفسي هروح أقول لبابا. وبعدين إحنا في مكان عام. ليلى: خلاص يا جماعة، حصل خير. هنا بدلع: آه يلا يا أحمد، نمشي إحنا عشان اتأخرنا. وائل جاله تليفون. وائل: عن إذنكم، أنا لازم أمشي. ليلى ومنه: اتفضل. أحمد حب يضايق منها. أحمد: آه يلا بينا يا هنون، أروحكم. منه: (كانت هتموت من الغيرة، بس بينت إن ولا همها) منه: آه، مع السلامة. أحمد: إنتي مش هتروحي؟ منه: لا. أحمد: لا إيه؟ منه: إيه اللي لا إيه؟

لا مش هروح دلوقتي. أنا قايلة لبابا إني هقعد مع ليلى. ليلى: آه، إحنا قاعدين شوية. هنا: براحتكم. يلا بينا يا روحي نمشي إحنا. أحمد بغيظ: يلا. أحمد وهنا مشوا. مفضلش غير ليلى ومنه. *** منه: بصي بيعمل إيه. ليلى: زي بعضه يا قلبي. انسى. هتلاقي أحسن منه بكتير. منه: مش بسهولة دي يا ليلى. أحمد حب عمري. أنا ببين قدامه إني مش هممني، لكن أنا بموت. قلبي وجعني أوي يا ليلى، بجد.

ليلى: حاسة بيكي يا قلبي والله. ربنا يريح قلبك يا قلبي يا رب. منه: يارب. ليلى: مش يلا بينا بقى عشان بابا؟ منه: آه يلا بينا. حاسبوا ومشوا. *** أحمد. روح هنا وقعد يلف بعربية وهو هيموت من الغيظ. أحمد لنفسه: وأنا مضايق ليه؟ ما تولع! أنا مالي أنا. لا، مالي. إزاي؟ دي بنت خالتي، يعني مالي ونص كمان. أكيد مضايق عشان بنت خالتي وبس. في الصبح بحبك، وفي الليل مع سي زفت ده. وإنت مالك؟ قال. ***

عدى يومين ومنه مبتتكلمش أحمد خالص زي الأول. وهو مضايق من كده. *** جه اليوم اللي المفروض هيتقدم فيه أحمد لهنا.