رواية اخفى حبه الفصل السادس 6 - بقلم جنة الرحمن

قامت لبست بنطلون جينز و بلوزه سوده و عملت شعرها ديل حصان و كوتش اسود و نزلت. منه: صباح الخير يا مامامي. مي: صباح النور يا حبيبتي، رايحه الكليه؟ منه: اه، عندي محاضرات كتير النهارده. مي: ماشي يا حبيبتي ربنا معاكي، خدي بالك من نفسك. مشت منه. ركبت العربيه. عربيتها جت جنب عربية احمد. أحمد: صباح الخير. منه: صباح النور. هم الاتنين مشوا. وصلوا بعد شويه. عند الكليه. وقفو مع بعض.

أحمد: ياريت ميكونش في صداقه من زفت ولاد تاني، اديكي شفتي اللي حصل. منه: الله وانا مالي، و بعدين قولتلك قبل كده ملكش دعوه بيا. أحمد: فعلا مليش دعوه بيكي. منه: من الأحسن. جت عليهم هنا. هنا: صباح الخير، عاملين ايه؟ أحمد و منه: الحمدلله. منه: انتي عامله ايه دلوقتي؟ هنا: احسن بكتير. منه: كويسه. هنا: احمد عملت ايه في موضوع اخويا؟ أحمد: متقلقيش، هيطلع بكره ان شاء الله بكفالة. هنا: اه ماشي كويس.

منه: انا اسفه في اللي هقوله بس هو لازم يفضل شويه يتربي. هنا: عندك حق، بس مهما كان ده اخويا، و هو عمل كده عشان الحيوان وائل كان مفهمه انو هيقتلني. منه: اه ربنا يهديه. جيه عليهم اسلام (اللي كان صديق وائل) إسلام: صباح الخير. منه و هنا و أحمد: صباح النور. إسلام: انا اه كنت صديق وائل بس انا والله ما كنت اعرف انه كده. هنا: اه بس كنت صحبه. إسلام: كنت، و انا اسف و ندمان اني كنت مصاحب شخص زي ده.

أحمد: مفيش داعي لاعتذار، انت ملكش دخل باللي عمله. منه: اه فعلا. أحمد: يلا بينا عشان المحاضرة هتبدأ، و لو شخص دخل بعدي انا مش هدخل. هنا: ماشي يا حضرت الدكتور، بس علي فكره لسه قاعد تلت ساعه علي المحاضرة. منه: حلو اوي، تعالي نشوف البنت ليلي فينه. هنا: اوكي يلا بينا. راحوا يشوفوا ليلي. لقوها في الكافتيريا. منه بصوت عالي: لولي. ليلي: قلب لولي. منه: بس ايه المز اللي كان في الخطوبه امبارح ده.

ليلي: يختي ياريت كان بي فايده، الخطوبه باظت و مفيش والا حتي عريس، يوحد ربنا. منه: يخرب بيتك، انتي رايحه الخطوبه والا رايحه تشقطي. ليلي: ✌️ الاتنين. ليلي بصت علي هنا بصه كده (في اكيد هيفهمها😏) هنا: بصي، انا عارفه انك مش بتحبيني، بس والله انا اتغيرت، انا اسفه بجد علي كل اللي عملتولي. ليلي ساكته 😒. هنا: اسفه 😔. منه ضربت ليلي علي كتفها: بت افردي وشك ده. وبعدين من امتي الدم ده. ليلي: انا اقدر ازعل منك برضو يا هنونه.

هنا: بجد. ليلي: اومال. منه: مش وقته، المحاضرة هتبدأ. ليلي و هنا: يلا بينا. وراحوا المحاضرة. راحوا المحاضرة و بعد شويه دخل أحمد و بدأ يشرح. خلص بعد ساعتين. كانت ماشيه منه و هنا و ليلي. منه خبطت في واحده. منه بصدمه: انتي.