رواية اخت بلا رحمه الفصل السابع 7 - بقلم ايه عرفات

قمر وزين في العربية. قمر: خير يا باش مهندس. زين: انتي لسه زعلانه مني؟ قمر: قولت حصل خير. زين: واي اللي يثبتلي انك مش زعلانه؟ قمر: مش فاهمه يعني. زين: ممكن رقم تليفونك. قمر: ليه بس؟ زين: يعني انتي دكتوره، افرض تعبت ولا حاجة أكلمك تديني علاج. قمر: أنا لسه طالبة. زين: تبقا لسه زعلانه مني. قمر: والله ما زعلانه خلاص. زين: ممكن تكتبيلي رقمك. قمر خدت تليفون زين وكتبت الرقم. قمر: ده رقمي، لو في أي حاجة ضرورية ابقى كلمني.

زين: متشكر أوي. قمر نزلت من العربية. زين: قمر. قمر: نعم. زين: خلي بالك من نفسك. قمر: حاضر. قمر طلعت على السلم وهي مبسوطة أوي، أول ما فتحت باب الشقة شمس كانت مستنياها. شمس: كان بيقولك إيه يا هانم؟ قمر: مفيش حاجة عادي، كان بيسألني على حاجة. شمس: وحاجة إيه دي بقى؟ قمر: في إيه يا شمس؟ متهدي شوية. شمس: كان بيقولك إيه؟ انطقي. قمر: كان عايزني أخلي بالي من أمنية بنت عمه، ارتحتي؟ شمس: وليه مش قالي أنا؟

قمر: معرفش، روحي اسأليه. شمس: طب ادخلي أوضتك، جاتك القرف. قمر دخلت أوضتها وكانت مخنوقة، غيرت هدومها وكانت بتقرأ في القرآن وتليفونها رن. قمر: الو. قمر: أيوه مين. زين: أنا زين. قمر فرحت أوي. قمر: وعايز إيه بقى؟ زين: مش أنتي قولتي لما يكون في حاجة أرن؟ قمر: آه. زين: طب أنا دلوقتي تعبان ومش عارف أعمل إيه. قمر: طب احكيلي عندك إيه. زين: قلبي. قمر: مالو؟ زين: بيوجعني أوي. قمر: طب من إيه؟ أكيد فيه سبب. زين: آه، بيحب جديد.

قمر: والله؟ زين: آه والله، بس بيحب بقا واحدة غريبة دماغها ناشفة. قمر: ومين دي بقى؟ زين: قمر. قمر: نعم أفندم. زين: قصدي اللي بحبه تبقا زي القمر. قمر: طب ربنا يخليه لك، إيه المطلوب مني بقى؟ زين: مش عارف، حسيت إني وحشني صوتك فرنيت عليك. قمر قفلت السكة في وشه. زين رن على شمس. شمس: معقول أنت بترن عليا؟ زين: أنا عايزك بكرة ضروري. شمس: خير؟ زين: بكرة هتعرفي، هعدي عليكي الساعة اتنين. شمس: خلاص أوك. زين: بقوالك إيه؟ شمس: خير.

زين: أنا عيد ميلادي بكرة. شمس: بجد؟ كل سنة وانت طيب. زين: وانت طيب، أما أشوف بقى هتجيبالي هدية إيه. شمس: أنا عنيا ليك. زين قفل مع شمس، وتاني يوم راح اشتري عقد دهب لقمر وأسورة لشمس. جات الساعة اتنين وشمس ركبت مع زين وراحوا مطعم. شمس: خير بقى في إيه؟ زين: لو أنا بحب واحدة وبحبه أوي، تفتكري أروح أقوله أنا بحبك ولا أتقدمله أحسن؟ شمس: فكرة إن الكلام ليه. زين: تفتكري أعمل إيه؟ شمس: تروح تتقدمله طبعًا. زين: بجد؟ شمس: طبعًا.

زين: طب ممكن تحددي معاد مع أبوكي وإخواتك بليل، بس من غير ما تقوليلهم أي حاجة عن الموضوع ده. شمس: بس كده، حاضر. زين: اتفضلي، دي هدية عيد ميلادك. شمس: واو، الأسورة تحفة، تعيش وتجيبالي يارب. زين: يارب. شمس: همشي أنا بقى عشان أعرف بابا. زين: اتفضلي. شمس راحت قالت لأهلها بس مجابتش سيرة الموضوع خالص. الكل في انتظار زين لحد ما وصل. الأب: منور يا ابني. زين: ده نورك يا عم، يسعدني ويشرفني إني أطلب إيد بنتك.

الأب: مش شايف إني شمس صغيرة أوي عليك؟ زين: آسف، بس مش قصدي على شمس. الأب: امال قصدك على قمر؟ زين: آه، أنا يسعدني إني أطلب إيديها. الأب: مش شايف إنه صغير أوي على الجواز؟ زين: أنا مستعد أستناها ميت سنة. أحمد: بس هي لسه صغيرة. زين: أظن انت لسه خاطب واحدة إمبارح في دور قمر كده. أحمد: خلاص، سيبنا وقت نفكر وناخد رأي العروسة ونرد. زين: وأنا مستني الرد. أحمد: بإذن الله. زين: طب أستأذن أنا عشان ورايا شغل. أحمد: مع السلامة.

زين: سلام. زين مشي وشمس وقمر طلعوا من أوضهم. شمس وهي فرحانة: خير يا بابا. أحمد: بصراحة العريس ميترفضش، محترم وغني وذكي ومتعلم، فيه كل حاجة حلوة. أحمد: معاك حق. الأب: استنى ناخد رأي أختكم الأول. شمس: أنا موافقة طبعًا يا بابا. أحمد: موافقة على إيه بالظبط؟ شمس: على جوازي من زين. أحمد: هو انتي لازقة في أي حاجة؟ شمس: مش فاهمة. أحمد: أفهمك أنا، مستر زين كان جاي يطلب إيد قمر، مش انتي. قمر: أنا. أحمد: أيوه يا قلبي، انتي.

شمس وهي مصدومة: لا أكيد بتهزروا يا جماعة. أحمد: والله ما بهزر. شمس اتحرجت. شمس: ههههه، عادي، أنا بهزر، مبروك يا عروسة. شمس دخلت أوضتها. الأب: قولتي إيه يا قمر؟ إيه رأيك؟ قمر: يا بابا، أنا لسه المشوار قدامي طويل. أحمد: متقلقيش، هو مستعد يستناكي. قمر: اللي انتوا شايفينه. أحمد: هو من كلامي معاه بيحبك انتي، إيه نظامك بقى؟ عايزة ولا لأ؟ قمر وهي مكثوفة: خلاص، أنا موافقة. الأب: ألف مبروك يا حبيبتي. شمس رنت على زين.

شمس: ممكن تنزل تقابلني دلوقتي؟ زين: مش فاضي. شمس: أنا قلت دلوقتي. زين: خلاص، سلام. زين راح علشان يقابل شمس. شمس: أنت إنسان حيوان وزبالة وواطي.