رواية اختفاء مجهول الفصل الأول 1 - بقلم يارا محمد

أنا ريما، متزوجة من ياسر الفرماوي، ولدينا بنت حلوة أوي. كنت عايشة مبسوطة وفي سلام، لحد اليوم اللي غير حياتي وقلب كل حاجة. كنت دايماً أحس إن ياسر مخبي حاجة عني، وساعات بيكون غامض ومش مفهوم بالنسبة لي، وده اللي خلاني أشك فيه. دورت وراه بس ما لقيتش حاجة. في يوم، نزلت أنا وياسر المول. واحنا راجعين، ما أخدتش بالي من العربية الكبيرة اللي دخلت فينا. ياسر: بخوف، حاسبي يا مامي العربية.

ريما بصعوبة: حاولت أتفاداها بس ما عرفتش، فاتخبطت فيها. بعد أسبوع في المستشفى، لأنها كانت في غيبوبة، فاقت ريما على كابوس الحادثة. كانت حاسة بوجع، نظرًا لكسر إيدها والكدمات اللي فيها. كانت بتاخد نفس سريع وحاسة بوجع. الدكتور دخل عندها وكشف عليها وشاف إنها اجتازت الخطر، وإن مافيش حاجة ممكن تحصلها. أخدت نفس وسألته: ريما: بوجع، دكتور، هي بنتي فين؟ عايزاها. الدكتور بص لها باستغراب واتكلم:

الدكتور: ارتاحي دلوقتي يا مدام، إنتي لسه تعبانة. ريما: دكتور، أنا مش عايزة أرتاح، أنا عايزة بنتي. ممكن تقولي هي في أي أوضة؟ الدكتور: مدام ريما، الظاهر إن دماغك اتأثرت بالحادثة. على العموم، هنعمل لك أشعة عليها. ريما: بغضب، أشعة إيه وحادثة إيه اللي بتكلمني عنهم؟ بقول لك إني عايزة بنتي، هي فين؟ ويا ترى أوعى تقول إنها ماتت. الدكتور: مدام، اهدي. إنتي محدش كان معاكي لما وصلتي. كنتي لوحدك وبتتموتي، وإحنا أنقذناكي.

ريما: بعدم تصديق، إنت أكيد دكتور مجنون. أنا كان معايا بنتي في العربية. أنا هتصل بجوزي، هخليه يجيبها. ممكن تليفوني؟ الدكتور أداها التليفون، واتصلت بياسر كتير، بس الرقم غير متاح. حاولت كتير وفشلت، لدرجة إنها هبطت الفون من عصبيتها على الأرض. ريما: بغضب، أنا عايزة بنتي، إنتوا أكيد مخبينها عني. هاتولي بنتي. وبعدين، هو مين دفع فلوس المستشفى؟ الدكتور: أهلك دفعوها، وكانوا بييجوا يطمنوا ويمشوا. أنا هبلغهم إنك فوقتي.

الدكتور بلّغ أهل ريما إنها فاقت، ووالدتها راحت لها وضمتها بحب. مروة: يابنتي، قلقتينا عليكي. إنتي كويسة دلوقتي؟ ريما: ماما، ياسر فين؟ هي كانت معايا في العربية لما عملنا الحادثة، والدكتور بيقول إنه محدش كان معايا. ممكن تجيبهالي؟ مروة: بخوف، سلامتك يا بنتي. ياسر مين بس؟ ممكن تهدي شوية، إنتي لسه تعبانة. ريما: ماما، بنتي فين؟ انطقي. مروة: ريما، اهدي. ريما: بغضب، بقول لكم بنتي فين؟ انطقوا. مروة...