رواية اخذتها بذنب ابيها الفصل التاسع 9 - بقلم مريم حسن

فهد قاعد في مكتبه وجاله رسالة من مجهول. فتحها لقى فيديو لليلة وهي واقفة في البلكونة وعليها ليزر قناص. فهد بخوف: ليلة. وهو بيتصل عليها بسرعة. ليلة: فهد. فهد: ليلة انتي فين؟ انتي كويسة؟ ليلة: أنا في البيت يا كنان. فهد: لو قاعدة في الجنينة أو في البلكونة ادخلي واقفل الباب والشباك ومتطلعيش برا لحد ما أجيلك. ليلة: حاضر. بيلاقي رسالة تانية: "دي قرصة ودن بس عشان تعرف إني واصل وهقولك على اللي عايزه أما تطمن على القمورة."

بيجيني كنان على الجراج وبيركب العربية وبيتجه للبيت بسرعة وبيدخل. ليلة بتحضنه: كنان مالك؟ فهد: مفيش، المهم إنك كويسة. ليلة: كنان ممكن أسأل سؤال؟ كنت بفكر فيه. فهد: اسألي. ليلة: انت اتجوزتني ليه؟ فهد: مش وقته. ليلة: لا وقته يا كنان، اتجوزتني ليه؟ أنا المفروض أعرف. فهد بعصبية مكتومة: بلاش تعرفي أحسن لك. ليلة: لا، أنا عايزة أعرف عشان مبقاش زي الأطرش في الزفة، أنا عايزة أعرف حالاً. فهد بعصبية كبيرة: عايزة تعرفي ليه؟ ها!

عشان أنتقم من أبوكي فيكي. أبوكي اللي اغتصب أمي وأمي ماتت بسببه، وأبويا اللي مات بعدها بسكتة قلبية. أبوكي تاجر المخدرات، أبوكي اللي بيقتل في الناس وبيسرق. ليلة بتحط إيدها على ودانها: كفاية. فهد بدموع: كنت طفل، كنت طفل عندي خمستاشر سنة. أمي ماتت بسبب أبوكي، كان ممكن أعيش وأنا مبسوط ومرتاح. أخويا مراد الصغير اللي ربيته كأنه ابني لما عيشنا مع أمي ومرات عمي اللي كلامها كان يسم البدن. عرفتي؟ عرفتي اتجوزتك ليه؟ قاطعته بقوة.

فهد: أنا بحبك، بحبك أوي. ليلة: وأنا كمان بحبك. سكتوا شوية وهنا سندين على جبين بعض، وليلة قالت: ليلة: أنا حامل. *** قاعد في أوضته بيفتكر اللي حصل من أسبوعين أما كان في المول. فلاش باك. مراد: انتي؟ سارة: مراد. مراد بصدمة: انتي؟ انتي حامل؟ سارة: نعم. مراد: من مين؟ سارة: من... خرجت حوا من غرفة القياس بمقاطعة: حبيبي. انتبه لها مراد وذهبت سارة بحزن. باك. مراد: هلاقيكي، هلاقيكي عشان أقطع الشك ده. *** ليلة: أنا حامل.

فهد: إيه؟ ليلة: حامل. فهد بتوتر: يعني... يعني أنا هبقى أب؟ ليلة: آه. بيحضنها بفرحة: دي أحلى حاجة في حياتي، أنا مبسوط. مبسوط إن بقى عندي عيلة صغيرة. ليلة: يا رب تفضل مبسوط على طول. بيجي اتصال لكنان. ليلة: رد يا كنان. فهد: مش مهم. ليلة: كنان بقى. بيبعد بضيق وبيرد على الموبايل. فهد: أظن عرفت إنك هتبقى أب، فخاف على ابنك ومراتك ورجع الشركة كلها باسمي. فهد بغضب وبيدخل المكتب: كرم. كرم: أيوه. فهد: البوليس هيبقى عندك.

كرم: قصدك إيه؟ فهد: سلام سلام يا كرم باشا. وبعد دقايق بيكون البوليس عند كرم مقبوض عليه. بعد أسبوعين بيكون فرح مراد وحوا، وبيكون فهد مقعد ليلة ومش عايزها تتحرك من مكانها، وكذلك حازم ومراد اللي طول الفرح كان شارد بعد اللي عرفه لما لقى سارة قالتله إنه ابنه. والفرح بيخلص. حوا: مراد. مراد: حبيبتي. حوا: مالك يا مراد؟ احكيلي. مراد: خايف. حوا: من إيه يا حبيبي؟ مراد: خايف أحكي، تسيبيني لما أحكي.

حوا: لما أحكي أنت هيكون أحسن، وبلاش تكمل في حاجة ممكن تهد أي حاجة. أنا بحبك. مراد: اوعديني مش هتسيبيني. حوا: أوعدك. جلس مراد بتنهيدة وقص عليها ما حدث. مراد: حوا، أنا عارف إن... حوا ضربته بالقلم: انت تخرس خالص، انت بني آدم كداب وخاين. مراد: حوا، ارجوكي يا حوا. حوا: ابعد عني، ابعد. بتدخل الحمام وبتفضل تعيط لحد ما بتنام على الأرض. *** تاني يوم. إسراء: ها يا دكتور، ولد ولا بنت؟ الدكتور: بنت. إسراء بفرحة: الله! بنت!

وبتحضن حازم. الدكتور: انتوا فرحانين إنها بنت؟ حازم: آه، في حاجة؟ الدكتور: المفروض تكون عايز أول خلفتك راجل، مش بتتمشى. فاهم إيه لازمة البنات؟ بيمسكه حازم من قميصه: ورحمة أمي لو نطقت بحاجة تانية لأكون قتلتك مكانك، وأنت هتتشطب من النقابة. إسراء: يا حازم، حازم، احسب. بيبعد عنه حازم وبياخد إسراء من إيدها وبيخرجوا برا ويروحوا يركبوا العربية. حازم: ده مجنون والله مجنون. إسراء ضحكت بخفة: يا حبيبي، اهدى.

حازم بيبوس راسها: أحلى حاجة إنك هتجيبي بنت. أنا عايز البيت يكون متدلع. عارفة البنت دي هخبيها في حضني، محدش هيشوفها غيري. إسراء: نفسي تيجي بسرعة أوي.