رواية اخترق حياتي الفصل العاشر 10 - بقلم ندى احمد

محمد: مراتك حامل مني وعملت حوار الدورة ده لعبة علشان تصدقها. نوح: أنت بتقول إيه؟ محمد: مش المدام عملت إنها عندها عذر ومش هتقدر تتأكد إذا كانت بنت ولا لأ؟ أنا دانيا معرفاني كل حاجة، أنت بس اللي فاكر إنك عارف كل حاجة وأنت متعرفش أي حاجة. نوح: أنت كداب، أنت بتحاول توقعني معاها. محمد: طب روح النهاردة اتأكد بنفسك، ولا صحيح هتقضي النهاردة عند مراتك وابنك؟ نوح: ابعد عنها أحسن لك. عند دانيا في البيت قاعدة.

نوح دخل وسحبها أوضتهم من غير ولا كلمة. دانيا: نوح ابعد عني، في إيه؟ ابعععد عني. نوح: اقلعي هدومك كلها قدامي. دانيا: أنت بتقول إيه؟ نوح: انجزي بقولك. دانيا: نوح اطلع بره. نوح: بقولك يلا. دانيا: في إيه؟ عايز مني إيه؟ نوح: عايز حقي. دانيا: مينفعش اليومين دول. نوح: لا ما أنا هتأكد بنفسي. دانيا بدموع: والله يا نوح مينفعش، حرام عليك. نوح حس إنها بتقول الحقيقة، ضمها له: طب اهدي.

دانيا بتحاول تبعد عنه بس هو كان محاوطها علشان متفلتش منه. دانيا: ممكن تبعد لو سمحت. نوح: حاضر، وراح قام طلع هدية من الدولاب. نوح: ده موبايل جديد ليكي بدل القديم. دانيا: ده ليا؟ نوح: أيوه ليكي. دانيا: شكرًا يا نوح. نوح: مفيش بينا شكرًا يا قمر. دانيا بصت له وافتكرت مكالمة الصبح. دانيا سابت الموبايل من إيديها وخرجت. نوح خرج وراها وهو بينادي عليها وهي مش بترد عليه. نوح: دانيا في إيه؟ دانيا أغمي عليها فجأة.

نوح: دااااانيا فوقي، وراح شالها وجاب الدكتورة. الدكتورة دخلت كشفت عليها. نوح: خير مالها يا دكتورة؟ الدكتورة: مدام دانيا حامل.