رواية اخترق حياتي الفصل الثاني 2 - بقلم ندى احمد

دانيا: أنا مش زي ما أنت فاهم، أنا وهو هنتجوز. نوح: يعني واحدة جميلة وقمر زيك مش عارفة إن محمد بيضحك عليكِ يا قطة، وكان عايزك امبارح تروحي معاه شقته؟ دانيا ساكتة وبتعيط. نوح: دلوقتي بتعيطي وندمانة؟ روحي صلي ركعتين وابقي كلميني. وراجعي نفسك عشان النهاردة احتمال أعرف عمك بكل حاجة. دانيا: أنت عايز مني إيه؟ عمي لو عرف حاجة زي دي هتروح فيها رقبتي. نوح: ما كنتيش خايفة على نفسك ليه من الأول؟ دانيا: مش هكررها تاني والله، هو ضحك عليا وأنا وهو كنا بنحب بعض. نوح: تعالي في العنوان ده بعد ساعة. دانيا: أنت عايز مني إيه؟ نوح: متخافيش، أنا مش هعملك حاجة، أنا راجل مش زي العيل اللي ماشية معاه. دانيا لبست ونزلت، وكان المكان في عمارة. دانيا: أنت مديني عنوان شقة؟ نوح: أومال عايزاني أقابلك فين إن شاء الله؟ في الهلتون؟ اطلعِ ومتخليش حد يشوف إنك طالعة عندي، ولا أنتِ عارفة أنا ممكن أعمل إيه. دانيا: خلاص طالعة. وطلعت دانيا الشقة. أول ما فتحت الباب اتصدمت. نوح: إزيك يا بنت عمي؟ ادخلي. دانيا: أنا مش فاهمة حاجة.