رواية اخترقت قلب العشق الفصل الحادي والعشرون 21 - بقلم جاسمين محمد

صخر بعصبية... عشق متعصبنيش عشان هتصرفي تصرف وحش اسمعي الكلام ويلا اطلعي على السرير. عشق بخوف من منظره... حاضر. وطلعت على السرير ونامت على الحرف وصخر رقد وراح شددها لحضنه. عشق... صخر... ابعد. صخر... هشششش نامي يا عشق عشان مش قادر. عشق سكتت ونامت. في صباح يوم جديد. عشق صحت من النوم لقت نفسها لسه في حضن صخر فضلت باصه ليه وحطت إيدها وبتمشها على وشه. عشق بسرحان... يخربيت جمال أمك يا شيخ دانت مز أوي. صخر فتح عين وعين...

لا... قوليلي والله. عشق وشها جاب ألوان الطيف كلهم من كتر الكسوف والإحراج وراحت خبت وشها في البطانية. صخر بضحكة رجولية... هههههه هي المزه بتتكسف ولا إيه فين السان الطويل. عشق طلعت راسها من تحت البطانية... تصدق إنك بارد ورخم وغتت. صخر... وبحبك. عشق وشها أحمر من كتر الكسوف. صخر بضحك... هههه أموت فيكي وأنتي شبه الطماطم كدا. عشق خبطته في كتفه... عبوشكلك. وجت تقوم صخر شدها وقلبها خلاها تحت وهو فوقها. عشق بكسوف... صخر ابعد.

صخر... هبعد بس لما تصبحي عليا. عشق برفع حاجب... صباح الزفت ابعد بقى. صخر برفع حاجة... بقى كدا. وراح باسها من شفايفها راحت عشق ضربه وزاحته بعيد. عشق بعصبية... تصدق إنك قليل الأدب متقربش مني تاني. صخر بسرحان من تأثير شفايفها... بس معرفش إن شفايفك طعمها كريز كدا. عشق بدبّدت في الأرض برجلها ودخلت الحمام. صخر... يخربيتك جننتيني. وقام غيّر لبسه. ــــــــــــــــــــــــــــــــــــ رحاب بخوف وعياط...

ليلي اترني على صخر أو جو شوفيهم فين دول مختفين من أول إمبارح شوفيهم يمكن يكونوا عارفين حاجة عن عشق. ليلي بحزن... حاضر يا خالتوا هرن عليهم. داليا داخلة من الباب وعماله تغني. رحاب بصتلها بقرف. ليلي... تصدقي إنك واحدة مش محترمة ومعندهاش دم. داليا بعصبية... بت أنتي احترمي نفسك واعرفي أنتي بتكلمي مين وأنتي ضيفة هنا فاحترمي نفسك. رحاب وقفت على حيلها وبعصبية...

داليا متنسيش نفسك كمان إنك ضيفة هنا فتحترمي اللي موجودين في البيت وليلي بتكون بنتي زي عشق ومش عشان صخر جابك هنا وأنتي صديقته من الطفولة يبقى تعملي اللي عايزة هنا لا أنا هنا اللي أقول أصلاً مين يقعد ومين يمشي واعملي اللي عايزة أنتي سامعة. داليا بغضب مكتوم... أنا آسفة يا عمتي رحاب مش قصدي. رحاب... قصدك ولا مش قصدك أنا فهمتك كلامي وياريت متنسيوش. داليا بصت ليلي اللي واقفة فرحانة وبعصبية... ماشي. وسابتها وراحت أوضتها.

ليلي حضنت رحاب وبحب... ربنا يبارك في عمرك يارب وميحرمنيش منك أبداً يارب. رحاب... يارب يا بنتي ونلاقي عشق يارب. ليلي... إن شاء الله هترجع استني أرن على جو. رحاب... ماشي رني. ـــــــــــــــــــــــــــــــــــــــــــــــــ عشق وصخر نزلوا تحت لاقيوا زين بيلعب مع جو. عشق... صباح العسل على الناس العسل. زين وجو... صباح الورد. وزين جري حضن عشق. عشق بحب... حبيب ماما عامل إيه. زين... حبيب ماما كويس طول ما هي كويسة. صخر...

طيب مافيش حضن لصخر زي ماما ولا إيه. زين... في أكيد يا بطلّي. وساب عشق وجري حضن صخر. صخر... صباح الخير يا بطلّي يا صغير. زين بحب... صباح النور يا بطلّي يا كبير. عشق... جو مطلوبنا أكل أنا جعانة. جو... عيب عليكي يا مفجوعة عارف فطلبت من بدري. عشق... عبوشكلك يا ضحكت التاني وإيه مفجوعة دي واحدة صاحية جعانة عادي يعني. جو... ههههه مانا عارف أصلاً إنه العادي بتاعك المهم الأكل شوية وجاي. عشق... تمام يا مزي.

وبعتتلو بوسة في الهوا. صخر غار وتعصّب وعروق إيده برزت... عشققق اتلمي. عشق... هو أنا عملت إيه. جو واقف هيموت على نفسه من الضحك على غيرة صخر بس كاتم ضحكته. صخر... كتمها ليه يا خوي مطلعها أحسن تتفق تموت من الضحك. جو مصدّق... هههههههههه والله يا بني كتر خيرك ههههههههه. عشق بعصبية... وانت التاني بتضحك على إيه. جو... هههه ولا حاجة. وتلفونه رن. جو... ليلي بترن. صخر... أكيد هتسالك على عشق قولها إنك متعرفش مكانها لسه ماشي.

عشق باستفهام... ليه. صخر... هفهمك بعدين يلا رد يا جو. جو... ألو إيهو يا ليلي عاملة إيه. ليلي... الحمدلله أنت عامل إيه. جو... الحمدلله بخير. ليلي... يارب دايماً جو معرفتش حاجة عن عشق لسه. جو... لسه عمالين نحاول أنا وصخر اهو عشان نعرف نوصل ليها. ليلي بحزن... ماشي لو عرفتوا حاجة عرفونا عشان أنا وخالتوا رحاب قاعدين قلقانين. جو... حاضر خلي بالك من نفسك أنتي بس. ليلي... حاضر. جو... هتعوزي حاجة. ليلي... عايزة سلامتك. جو...

تسلميلي يا قلبي. ليلي بكسوف... تسلميلي أنت سلام. جو... سلام يا حبيبتي. عشق بعد ما قفل... يخربيت أم المحن بتاعك يا شيخ. جو برفع حاجة... نتلم عشان كل واحد وهيجيلو يوم. عشق بغرور... ولو مش هيجيلي يوم أنا في المحن اللي يمغص ده. جو... ههههه هنشوف يا مزتي. وراح واخد بوكس في وشه. جو... آآآاه يا خي حرام عليك إيدك تقيلة. صخر... عشان تحترم نفسك بعد كدا يا روح أمك. جو... يا خي دي زي أختي. صخر... زي يعني مش أختك فتلم. جو...

حاضر يا باشا هو أنا مستغني عن حياتي. زين... صخر صخر. صخر... إيه يا حبيبي. زين... هو احنا هنرجع إمتى. عشق... آه عايزة أفهم إيه وليه كدبتوا دلوقتي على ليلي. صخر... حاضر هفهمك بصي طبعاً أنتي عارفة إن أبوكي اللي كان خاطفك صخر حس إن عشق أدت أدقت لما قال أبوكي راح غيّر كلامه قصدي يعني داود الأنصاري واليوم اللي أنتي مشيتي فيه محدش يعرف إنك ماشية فيه فكيف هو عرف إنك طلعتي من البيت وهو مش معانا في البيت. جو باستفهام...

قصدك إيه. صخر... قصدي إن في حد في البيت عرفه إن أنتي طلعتي من البيت فعشان كدا لازم محدش في البيت يعرف إن أنتي موجودة معانا لأنه دلوقتي أكيد فاكر إن أنتي الديابة أكلت وموتي وهيبقى في خطر عليكي. عشق... يعني هعمل إيه دلوقتي. صخر... يعني هتفضلي موجودة هنا لحد ما نشوف مين اللي قاعد في بيتنا وشغال مع داود الأنصاري. عشق... أممم تمام. والباب خبط. صخر... عشق ادخلي جو أنتي وزين وأنت يا جو قوم شوف مين. جو... حاضر.

وطلع لقى الأكل اللي كان طالبه خده ودخل الشاليه وقفل الباب. عشق زين يلا عشان ناكل. عشق وزين طلعوا وجهزوا الأكل وقعدوا كلهم كلوا سوا. ـــــــــــــــــــــــــــــــــــــــــــــــــ داليا بصدمة... أنت بتقول إيه شوفت حد مع صخر في الشاليه في إسكندرية.