عشق بدأت تفوق ومش بتتكلم وعينها عمالة تشير دموع.
صخر جه جري هو وداليا من برا على صوت الصوت، وأول مشاف جيسيكا وقف مكانه مصدوم هو وداليا.
داليا بصدمة... جيسيكا.
ليلي وجو وعشق بصوا بصدمة لداليا، وعشق وجهت نظرها لصخر.
داليا باستغراب... انتو بتعملوا إيه هنا.
رحاب باستغراب... هو إيه اللي بيعملوا إيه هنا عشق بنتي يا داليا.
صخر باستغراب... عشق مين أنتي، مش اسمك جيسيكا.
جو... لا اسمها عشق، اسم جيسيكا ده هي أطلقته على نفسها لما سافرت برا بس.
رحاب... بنتي اطلعي ارتاحي فوق شوية عشان أكيد تعبانة من السفر.
عشق... حاضر يا ماما.
زين مسك عشق من فستانها وبحب... عشق عشق أنا هاجي معاكي.
رحاب باستغراب قربت منه... مين ده يا عشق.
عشق وقفت مكانها مش قادرة تتكلم ولا تقول حاجة، وعماله تفكر لو قالتلهم مين ده هيعملوا إيه وإيه هيحصل، وخافت على زين يبعدوه عنها.
وصخر واقف ليها وباصصلها ومركز على توترها وقلقها، وجو لما شافها متوتر.
جو... زين يبقى ابن وحدها صحبتنا، وهو جه معانا عشان بيحبك عشق وهيرجع لما نرجع.
رحاب قربت منه وحضنته... بسم الله ما شاء الله قمر، ربنا يحفظك يا مامتك يا حبيبي.
عشق بتوتر... ماما أنا هاخد زين وهطلع ارتاح شوية ماشي.
رحاب... ماشي يا حبيبتي روحي.
صخر بعصبية... عشق عايزين نتكلم.
عشق بتوتر... هاااه حاضر بس ارتاح شوية.
داليا خافت ينكشف أمرها لو سألوها على الملف، فقربت من صخر.
داليا... صخر روح اطلع برا أحسن، الناس برا وعيب إنك تسيبهم وتفضل هنا.
صخر بتفكير... عندك حق ماشي، أنا طالع داليا ووقت تاني نبقى نتكلم.
وصخر طلع برا وعشق خدت زين وطلعت أوضتها، وأول ما دخلت وقفلت الباب.
زين فضل واقف باصصلها باستغراب.
عشق نزلت قعدت قصاده عشان تكون في طوله... حبيبي مالك بيبصلي ليه كده.
زين... هو جو ليه قال إن أنا ابن صحبتك.
عشق بتوتر... هاااه بعدين أبقى أقعد وأحكيلك كل حاجة، بس اطمن حبيبي، وأه عايزة منك طلب ثغين خالص أشطااا يا بطلي.
زين... أشطااا قولي يا ماما.
عشق... ممكن طول ما إحنا وحدنا تقولي ماما، أما لو يبقى فيه حد تقولي عشق، ممكن حبيبي.
زين بتفكير... ماشي يا ماما بس عايز أعرف كل حاجة وتحكيلي.
عشق بمرح... من عيوني يا بطلي بس مش دلوقتي عشان عايزين نرتاح شوية، ممكن.
زين... ممكن.
ـــــــــــــــــــــــــ
عند داليا دخلت الأوضة بتاعتها وقفلت الباب وبتوتر... يا ربي أعمل إيه بقى أنا، كنت ببعدها عنه في الشركة وفي الآخر تطلع مراته يا اختيي، أبعدها كيف بس، دلوقتي هي مستحيل تاخد مني صخر، أنا لازم أفكر في حاجة أكره فيها وأبعدها عن حياته خالص، أعمل إيه أعمل إيه.
ـــــــــــــــــــــــــــــــــــــــــ
عدي أسبوع من غير أحداث جديدة، تتذكر وعشق متجنبة صخر ومش بتتقابل معاه خالص في أي مكان، داليا عمالة تفكر في طريقة تكره صخر في عشق.
في صباح يوم جديد.
صخر صحي لبس بدلتوا اللي بتزيده وسامة وساعته ورش برفانه ونزل دخل أوضة الطعام.
صخر... صباح الخير.
الكل (رحاب وداليا وجو وليلي وزين)... صباح النور.
داليا... صخر أنت رايح فين كده.
صخر... وراي مشوار هخلصوه، ليه فيه حاجة.
داليا... لا عادي، أصلاً استغربت لما لقيت لابس كده من الصبح.
صخر... أممم تمام.
زين... صخر صخر.
صخر رفع حاجبه وباستغراب... نعم يا ثغين.
زين بعصبية... أنا مش صغير، أنا بطل ماما.
الكل ضحك على زين.
صخر بتعجب وبابتسامة... طيب يا بطل عايز إيه.
زين شاورله يقرب ليه وبصوت واطي جنب ودنه... بصراحة أنا زهقت من القعدة في البيت والناس دي كئيبة أوي، وأنا عايز أخرج تاخدني معاك.
صخر بضحكة رجولية... هههههه ماشي موافق أخدك معايا.
زين... أشطااا يا بطل يا كبير، وكفك بقى.
صخر بابتسامة... كفك يا بطل يا صغير، يلا نمشي.
جو بقلق بص ليلي... زين أنت رايح فين.
زين... بصراحة يا جو أنا زهقت من قعدة البيت وصخر هياخدني معاه يخرجني شوية.
جو بتوتر... بس أنت مقولتش لعشق.
زين حط إيديه على راسه بتذكر... يوه نسيت، طيب أنت قولها معلش معلش يا جو.
جو... بس عشق هتقلق عليك أوي.
صخر... اطمن هرجعهولكم بخير، المهم يلا يا بطل يا صغير.
زين بفرح... يلا يا بطل يا كبير.
صخر خد زين وطلعوا ركبوا العربية ومشي.
ـــــــــــــــــــــــــــــــــــــ
بعد شوية عشق بدأت تفوق وبتمشي إيدها جنبها وفتحت عينها بسرعة وباستغراب وخوف... زين حبيبي أنت فين، سمعتش صوته خافت أكتر وطلعت من الأوضة ونزلت تجري على تحت.
عشق بخوف... ماما مشفتيش زين.
رحاب... زين راح مع صخر.
عشق بخوف أكتر، خايفة زين يقع في الكلام قدام صخر ويعرفوا إنها أمه... راح مع صخر فين وكيف يروح معاه من غير ما يقولي.
داليا قاعدة كل ده وساكتة ومراقبة تصرفات عشق.
رحاب باستغراب... فيها إيه الولد زهق من قعدة البيت فطلع مع صخر يغير جو.
عشق بخوف... طيب رني على صخر خليه يرجعوا.
داليا باستغراب... أنتي ليه محساسة إن صخر هياكلوه أو خاطفهم، ولا أنتي مخبية حاجة.
عشق بتوتر أوي... ها هخ بإيه.
ليلي بسرعة عشان تنقذ عشق... لا عادي بس عشق خايفة عليه عشان هو أمانة معاها وخايفة يحصلهم حاجة بس كده.
داليا بشك... أممم ماشي، وسابتهم ودخلت أوضتها.
عشق بخوف وبصوت واطي... ليلي خايفة زين يتكلم لما صخر سأله أمه مين.
ليلي بتوتر... يا عشق اهدي واطمني، مش هيحصل حاجة اهدي بس كده.
بليل.
عشق قاعدة متوترة ورايحة جي في وعماله تبص على الباب.
جو... يا عشق اقعدي بقى وترتينا أكتر.
عشق بتوتر... يا ربي هما أخر... وقطع كلامها دخول صخر وهو شايل زين ونايم، عشق جرت عليه.
عشق بلهفة... زين حبيبي.
صخر بصوت واطي... بس خليه نايم، أنا هروح اطلعه فوق، وطلع فوق دخل أوضة عشق وحطه على السرير، وعشق طلعت وراه فوق.
صخر بعد ما حطه على السرير... عايز أتكلم معاكي.
عشق بتوتر... ها ليه.
صخر باستغراب... هو إيه اللي ليه، تعالي وراي في البلكونة، وطلع وقف في البلكونة قبل ما تتكلم وطلعت وراه.
عشق... في إيه.
صخر... عايز أعرف اختفيتي فين في نفس اليوم اللي كنتي فيه في الشركة.
عشق باستغراب... ليه في إيه.
صخر بعصبية... لا والله يعني مش عارفة في إيه.
عشق باستغراب... لا وأعرف منين حصل إيه.
صخر بزعيق... عشقققق متعصبنيش، الملف فين بتاع المشروع اللي خدتيه وروحتي.
عشق بزهول... ملف إيه اللي خدتوه منك ده، أنا مخدتش غير ملف واحد وسبته مع خ... وقطع كلامها دخول داليا اللي كانت معدية من قدام الأوضة ولما سمعت دخلت بسرعة.
داليا... صخر تعال عايزاك ضروري.
صخر... في إيه ومش.
داليا... تعال بس، ومسكت إيده وشدته وخدته وطلعت برا، وعشق وقفت مكانها بصلهم باستغراب وقعدت تفكر في كلام صخر عن الملف.
ــــــــــــــــــــــــــــــــــــــ
صخر... في إيه داليا.
داليا حضنته من رقبته وبحب... وحشني أوي، إحنا من زمان مقضيناش ليلة مع بعض، وباسته على خده.
صخر بشم ريحته... أمم مش وقته، أنتي ناسية إن جدي لسه ميت.
داليا قربت منه وحطت راسها على صدره وبحب... وحشني أوي يا صخر.
صخر بعد عنها... قولتلك مش هينفع دلوقتي، وسابها وطلع من الأوضة.
داليا بغيرة وعصبية... أنت عمرك ما بعدتني عنك يا صخر، من وقت ما ظهرت وأنت بتبعد، بس مش هخليك تبعد، وهرجعك ليا وهبعدها، ها استنى عليا بس.
ــــــــــــــــــــــــــــــــــــــــــــــــــــــ تاني يوم.
عشق... ماما أنا طالعة أنا وزين.
صخر وهو نازل من على السلم... رايحين فين.
عشق برفع حاجة... والأستاذ مالك رايحين فين ولا جين منين.
صخر بعصبية... ليا في إنك مراتي، ولو ناسية أفكرك.
عشق بعصبية... أنا مش عشان مراتك ترفع صوتك عليا، لا أنا مش الجاري ولا الخدامة اللي تعلي صوتك عليها، لا تنسي أنا عشق بنت داود الأنصاري.
صخر بضحكة كلها سخرية... هههههههه والله ضحكتيني، مش داود الأنصاري ده اللي سابك وأنتي صغيرة ومسالش فيكي.
رحاب بعصبية... صخر لاحظ أنت بتقول إيه والزم حدودك.
عشق بنظرة كلها كسر... لا سيبيه يا ماما عادي، مهي دي الحقيقة أصلاً، بس يا استاذ صخر أنا الماضي ماضي، أنا بتكلم عن نفسي في الحاضر، أنا أصغر مستثمرة في الشرق الأوسط، أه ممكن أكون في المرتبة اللي بعدك، بس أنا كا بنت فأنا أحسن، عملت اللي رجالة بشنبات مش قادرة تعملوه، فلو فاكر إنك بكلامك ده هتوجعني فلا، وياريت تلزم حدودك معايا وأنت بتتكلم، ماشي يا استاذ صخر، يلا يا زين.
عشق خدت زين ومشيت، وصخر طلع أوضته ودخل قعد على الكرسي وعمال يتخيل نظرة عيونها اللي كلها دموع وهي منعتها تنزل، ونظرتها ليه وجعته أوي.
داليا دخلت عليه وبعصبية... أنت كيف تسمحلها تعملي صوتها عليك وتقف قصادك، هي نست نفسها ولا إيه، أنت سكتلها ليه ومضربتهاش على وشها كف يفوقها ويعرفها مقامها.
صخر بعصبية... داليا اطلعي برا عشان عفريت الدنيا بتتنطط قصادي.
داليا بزعيق... أنت مش ضربتش عليها هتشطر عليا أنا.
صخر بعصبية وفاض بيه... فعلاً عندك حق، وراح ضرَبها بالكف... اطلعي برا دلوقتي والا قسم بالله ومحدش هيعرف يحوشك مني بررررر يا داليا.
داليا طلعت تجري على أوضتها وترميت على السرير تعيط... بقى بترفع إيدك عليا يا صخر عشانها، ماشي أنا هوريق، هعمل إيه، ومسكت التليفون ورنت... الو عايزاك تعمل إيه حاجة تخلصني منها، أنت سامع.