رواية اختيار مستحيل الفصل الأول 1 - بقلم نجلاء عبد الظاهر

ابوس ايدك يا عمي ابويا بيموت بس ادفع له حق العملية ووعد هرجعهالك بس هو محتاج يعملها بأسرع وقت. العم بكل جبروت: برا. سيلا بدموع وتوسل: عمي انا بترجاك ابويا مليش غيره في الدنيا. فهد بعصبية: اي الإزعاج ده على وش الصبح يا بابا مين ده. سيلا وهي بتجري وبتروح لفهد: فهد انت فهد ابن عمي صح بابا محتاج يعمل عملية في القلب ولازم ندفع حق العملية والتأخير مش كويس ابوس إيدك ادفع له حق العملية وانا هرجعهولك.

فهد وهو بيروح جهة الباب: بابا اتصل بالحرس يطلعوها. سيلا وهي بتمسكه من رجليه: لا لا ابوس إيدك متروحش انا مستعدة اعملك اي حاجة بس ادفع فلوس العملية وانا وعد حرجعهالك. فهد بتفكير: اي حاجة. سيلا بأمل: اي حاجة. فهد: تعالي ورايا. وبياخدها على المكتب. فهد: عملية ابوكي بتكلف كام؟ سيلا بدموع: 200 الف. فهد: خدي ده شيك بمتين الف. بتمد سيلا ايدها بس فهد بيسحبه تاني. فهد: بس انا عندي شرط لو وافقتي عليه هيبقى من نصيبك.

سيلا بسرعة: اعتبرني موافقة بس ايه هوا. فهد: سيلا بغضب وصوت عالي وهي بتقوم من الكرسي: ايه ده مستحيل. فهد ببرود: اولا وطي صوتك ثانياً ده انتي اللي محتاجاني مش انا خلاص يبقى مفيش فلوس. سيلا وهي بتبكي بانهيار: حرام عليك ده عمك ليه القسوة دي كلها انتو الفلوس عملت فيكم كده انت مكنتش كده يا فهد. فهد قلبه وجعه عليها بس قسى قلبه ومقدرش يبص في وشها: انا قولت اللي عندي. سيلا بدموع وهي بتفتكر باباها: خلاص موافقة.