رواية اخي المشاكس الفصل الثاني 2 - بقلم نوران

لما وصلوا البيت اتصدموا لما شافوا ... نور بخوف: مامااااا فووقي بالله عليكي هات الدكتور بسرعة ياحمد يامااامااا فوووقي احمد طلع تليفونه واتصل بالدكتور وراح جاب مياه علشان يفوقها. بعد شويه الدكتور وصل وكشف عليها وبص لاحمد بحزن واسف: شد حيلك يابني والدتك تعيش انت نور بصدمة وصراخ: لااااااااااااا وراح قعدت جمبها وفضلت تبكي. احمد واقف مكانه مصدوم وشايف والدته قدام عينه وهي جسم بس. الدكتور:

يظهر انها اتعرضت لصدمة شديدة اثرت عليها وخلاها مستحملتش. البقاء لله. احمد خرج يوصل الدكتور ورجع لاخته ولسة هياخدها في حضنه سمع صوت تخبيط جاامد علي الباب. نور مسكت في دراع اخوها وهي شايفة عمها وابنه واقفين قدمهم. عمها بقسوة: قومي يبت انتي يلا علشان تروحي مع جوزك. نور بصدمة: جوزي؟ احمد بنفس الصدمة: جوزها؟ عمهم ابتسم بخبث وبص لابنه ورجع بص لنور اللي مصدومة:

انا طلبتك من امك قبل ما تموت ولما رفضت ابتسم بخبث اكبر هددتها بيكوا وكتبت كتابك على ابن عمك يلا يحلوة قدامي. عاصم ابنه وراح مسكها من دراعها وهي خايفة وماسكة في احمد اخوها بتصرخ. نور: سيب ايدي ياحيوااان انت الجوازة دي زور دا على جثتي انها تتم الحقني ياحمد. احمد وقف وبكل بغضب مسك عاصم وضربه في وشه وقعه في الارض. عمه شاف كدا راح طلع السكينة من جيبه وراح علشان يضرب احمد. راحت نور وقفت مابينهم وانضربت مكان اخوها في بطنها.

احمد اتصدم وهو شايف اخته ودمها سااايح ومسكها ووقعت في حضنه. احمد ببكاء: نوور ردي عليا ابوس ايديك يام تسيبنيش يانووووور. عاصم بخوف: ينهار اسود اللي انت عملته دا. ابوه برعب: يلا نهرب من هنا بسرعة يلا. وسابوه احمد بيصرخ و نور ابتدت تغمض عينها وتسلم للموت.