رواية اكتفيت بك الفصل العاشر 10 - بقلم الاء عمرو

عز: أنا بعشقك يا لميس، صدقيني هاعمل كل حاجة عشان أسعدك، بس اديني فرصة تتجوزيني. لميس بصدمة ودموع: لا.. لا مش موافقة. ركضت من أمامه، بينما هو ظل مكانه دقيقة، وزين ينظر له ولأثرها بتوهان، لا يعلم ماذا يفعل. ذهب خلفه عندما رآه يذهب للخارج. زين: عز أنا آسف والله ما كنت أعرف إن ده اللي هيحصل، هي على طول بتسأل عليك. عز بهدوء: زين سيبني دلوقتي لو سمحت. ************* عز: لي يا لميس تعملي فيا كده، لي؟

لميس ببكاء: آسفة والله ما ينفع، صدقني يا عز. عز: لي ما ينفعش عشان كنتي متجوزة يعني؟ أنا مش فارق معايا، أنا باحبك. لميس بدموع: أنا وعدته يا عز، محدش يعرف سره. عز: سر مين وأي السر؟

لميس: بص أنا وحسام نعرف بعض من زمان أوي، كنا صحاب وعلى طول سوا، وهو كان بيديني فلوس علشان صاحب الميتم ما يضربنيش، زي أي طفلة غبية حبيته من اهتمامه، وبعدين هو قال إنه بيحبني وهيعيشني ملكة والكلام ده، وأنا صدقت ووافقت أتجوزه. أهوه أي حاجة أحسن من اللي كنت فيه. بعدها أتجوزنا، واللي محدش يعرفه لي حسام سابني. عز باهتمام: أيوه لي سابك؟

لميس: هو في ليلة دخلتنا زي أي شاب هيقرب من مراته، وهو عمل كده، بس بعد عني. حاول تاني وتالت بس برضه فضل ماشي في الأوضة رايح جاي، وأنا بصاله مش فاهمة في أي، لحد ما سمعته وهو عمال يردد: "لا أنا مش كده أنا راجل"، لحد ما الباب خبط وكانت أمه، ما شفتهوش تاني. عز: يعني هو قصدي أنتي يعني أنتوا... لميس: ما قربليش يا عز، يعني أنا لسه زي ما أنا. عز أنا قلت لك عشان باحبك و.. وعشان موافقة بس بشرط محدش يعرف سره.

عز: وعد مني محدش يعرف، بس نكتب دلوقتي والماذون هنا. لميس بخجل: نكتب بس مش زي زين. عز بمرح: يلا أهيه حاجة وحدة أحسن من مفيش. ************** بعد شهر، كانت متألقة بفستان أبيض بسيط الذي جعلها ملكة جمال، وهو يرتدي حلته السوداء بالقميص الأبيض. وقف أسفل الدرج ليجدها تتمسك بذراع أخيها. تنهد بابتسامة واسعة ليتناول يدها من أخيها، ثم أخذها للسيارة وهي تشير لأخيها الواقف مع زوجته فاطمة بدموع وهو يقبلها في الهواء.

عز: اهدي يا لميس ده هو أسبوع وهنرجع. لميس: آه صح ما قلتليش هنروح فين يا عز. عز: هنروح باريس يا قلب عز وروحه وحياته. لميس بخجل: الله عز أنت مجنون، إحنا في العربية. عز بصوت أجش: أعمل إيه بس، الواحد ما يعرفش هيستنى الساعات دي إزاي. لميس بابتسامة: استحمل معلش عشاني. عز: هو في حاجة مستحملها غير عشانك، أنتي من صغرك وأنا مستني اليوم ده، وبعد كده مش هيبقى على لسانك غير... لميس بعشق: عز وبس.

عز وهو يقبل كفها: بالظبط. وأنا مليش غير لميس وبس. أنا هافضل أعشقك كده طول عمري، وعمري مش هيكفيني إني أقضيه معاكي، عايز عمر زيادة عشان أشبع منك. لميس: صدقني هاكون جنبك في كل الأوقات يا عز، كل ما تبص هاتلاقيني. أنا عمر ما حد يكفيني غيرك، أنا بعشقك. "سأخبرك شيئًا، لو أن أحدهم أغرقني اهتمامًا وأهداني الكون بأكمله، فلن أنجذب نحو غيرك، لأنني اكتفيت بك وسأحبك وحدك." تمت.