رواية العقاب الفصل الخامس 5 - بقلم الكاتبة المجهوله

لما دخلت جني المطعم اتصدمت لما لقت مامتها ومامت مازن وجيرانهم وناس كتيرة وكوشة صغيرة في نص القاعة وطربيزة عليها مأذون. لقت مامتها ومامت مازن شدوها ودخلوها غرفة نوم صغيرة، ولقيت فستان أبيض تحفة، لبسته وهي لسه مصدومة. خرجت لقت مازن لابس بدلة شيك وشكله وسيم وجميل. مازن راح مسكها من إيدها وهو كاتم ضحكته بالعافية على منظرها، وراحوا للمأذون. المأذون: موافقة يا عروسة. جني: موافقة على إيه؟ المأذون: على جوازك من مازن. جني

(من غير وعي) : آه آه. بعد مدة المأذون قال كلمته الشهيرة: بارك الله لكما وبارك عليكما وجمع بينكما في خير. مازن شال جني وخدها وهي لسه مش واعية من كتر الصدمة. مازن بعد ما دخل الشقة نزلها وقال: مازن: مبروك عليا انتي يا جنوني. جني: هوا إيه اللي حصل؟ مازن: بقيتي حبيبتي وروحي ومراتي وكل حاجة ليا. جني: انت بتقول إيه؟ هوا في إيه يا جدعان حد يفهمني؟ مازن: أنا حبيتك وحبيت أعملك مفاجأة وأتجوزك، بس كده.

جني: ياه يا جدع كل ده والقصة دي اسمها إيه؟ مازن قعد يضحك عليها وعلى غباوتها وقال: مازن: اسمها "معشوقتي"، ودي قصتنا يا حياتي. جني سابته وطلعت تجري من قدامه ودخلت غرفة النوم، ولسه هتقفلها لقت مازن دخل. جني: لا بقولك إيه اطلع بره. مازن: إيه يا موزة انتي نسيتي إن النهاردة فرحنا ولا إيه؟ وغمزلها. جني (بكسوف) : لا بقولك إيه ابعد عني. مازن بدأ يقرب منها وهي ترجع لورا، خبطت في الحيط. مازن: جني أنا بحبك أوي.

جني سكتت من كتر الكسوف، وهو قرب منها جامد وخدها في بوسة كبيرة تحمل كل معاني الحب، وجني استجابت معاه. بعد شوية مازن بعد لما حس إنها لازم تاخد نفسها، ولسه هيقرب. جني: ارجوك يا مازن أنا لسه مش جاهزة. مازن: تمام يا جني أنا هسيبك براحتك، مش هغضب عليكي عشان عارف إنك لسه في صدمة من اللي حصل، بس ممكن طلب؟ جني: أكيد طبعاً. مازن: هتخليني أبوس براحتي وكمان أحضن وأنام في حضنك. جني اتكسفت وطلعت تجري على الحمام. بعد شوية جني خلصت.

جني: يخربيت غبائي نسيت آخد هدوم. ونادت لمازن عشان يجبلها هدوم. مازن (بيخبث) : ماشي يا حبيبتي من عيني. وطلع لها هدوم. جني بعد ما شافت الهدوم: إيه ده؟ هطلع بيه إزاي ده؟ وبعد شوية أخيراً طلعت، وأول ما مازن شافها اتصدم من جمالها وقرب منها. مازن: إيه الحلاوة دي؟ جني اتكسفت ولسه هتجري من قدامه، شدها في حضنه وباسها. وبعد كده شالها وحطها على السرير وخدها في حضنه بتملك ونام.

وجني مصدومة بس فرحانة، بعد ما اتأكدت إنه نام، باسته وحضنته هي كمان ونامت. تاني يوم صحت جني ولقيت مازن حضنها وبييبصلها. جني: صباح النور. مازن: لا صباح النور مش بتتقال كده، ومال وباسها، بتتقال كده. جني (اتكسفت) : طب اوعى بقى خليني أقوم أحضر الفطار. مازن: أيوه أيوه اهربي اهربي. جني ضحكت وقامت دخلت المطبخ وعملت الفطار وفطروا سوا. بعد كده مازن نادى على جني. مازن: جوجو تعالي نشوف فيلم حلو.

جني: تمام وأنا هخش أعمل فشار وأجيب حاجة نشربها. جابت جني الحاجة وقعدوا يتفرجوا على الفيلم. مازن لقى تليفونه بيرن ولقاها السكرتيرة أمل. مازن رد وقال: في إيه يا أمل؟ انتي متعرفيش إن النهاردة أول يوم في جوازي؟ أمل: معلش يا فندم بس لازم تيجي الشركة حالاً. مازن: حاضر. جني: حاضر إيه؟ انت هتسبني وتمشي؟ مازن: معلش يا حبيبتي هروح أشوف إيه وهاجي على طول. جني: ماشي بس متعوّقش. مازن: بوحشك صح؟ جني: بتوحشني إيه؟

أنا بخاف أقعد لوحدي. مازن: ماشي، مسيرك يا مولخية تيجي تحت المخرطة. وسابها ومشي. في الشركة مازن دخل مكتبه اتصدم من اللي شافه. مازن شاف ووو