رواية العقاب الفصل الثالث 3 - بقلم الكاتبة المجهوله

لما دخلت جني اتصدمت لما لقت المدير يبقى مازن، ومازن صدمته متقلش عنها. جني: يخرب بيتك، إيه اللي جابك؟ مازن: طب وليه الغلط بس، على العموم أهلًا بيكي في شركتي المتواضعة. جني مصدومة، وهو كتم ضحكته على منظرها. مازن: احم احم. جني: فاقت من الصدمة. مازن: لو سمحتي يا آنسة، السيريفي بتاعك. عطته جني السيريفي. مازن: السيريفي تمام، هتبدأي شغل من بكرة، سكرتيرتي الخاصة. جني: إيه ده؟ أنا ما قدمتش على وظيفة سكرتيرة.

مازن: ما أنا عارف، يلا بقى روحي، روحي، وابقي تعالي بكرة الساعة 9 الصبح، وهتروحي 7 بليل. جني: حاضر. خرجت من الشركة وراحت البيت، وأول ما دخلت لقت الشبشب لازق في وشها. جني: طب ليه؟ أنا عملت إيه؟ سعاد: اتأخرتي، وبرن عليكي ومش بتردي ليه؟ جني: آسفة يا ماما، بس التليفون فصل مني. وعلى العموم، يستي، أنا اتقبلت في الشركة. سعاد: ألف مبروك. أه نسيت، جهزي نفسك، بكرة جينا ضيوف. جني: ضيوف مين يا ماما؟ سعاد: جيراننا الجدد يا حبيبتي.

جني بصدمة: جيراننا الجدد؟ إيه؟ ده مازن ووالدته؟ أحيه! سعاد: انتي عرفتيه منين يا بت؟ جني: ده مديري في الشغل. سعاد: إيه ده بجد؟ طب والله كويس. جني: أنا هدخل أنام. عند مازن ومامته. مازن دخل الشقة ولقى مامته قاعدة مستنية على السفرة. مازن: مساء الخير يا ست الكل. جلاء: مساء الخير يا حبيبي. آخرت كده ليه؟ مازن: معلش يا ماما، بس أنا اللي كنت بستقبل السكرتيرة بنفسي.

جلاء: ربنا معاك يا حبيبي. نسيت أقولك، الست سعاد عزمانة بكرة إن شاء الله على الغداء. مازن: سعاد؟ مامت جني؟ جلاء: إيه ده؟ انت عرفتها منين؟ مازن: ها؟ لا ما فيش. أنا هدخل أنام، ورايا بكرة شغل كتير. جلاء: ماشي يا حبيبي. تصبح على خير. مازن: وانتي من أهله يا ست الكل. تاني يوم الصبح، مازن راح الشركة لقى جني هناك. نادلها عشان تدخل وراه. مازن: صباح الخير. جني: صباح الخير يا بشمهندس مازن. وبدأوا في الشغل. بعد مرور ساعتين.

مازن: روحي، روحي انتي يا جني عشان تساعدي مامتك. جني: أنا أصلًا مش هحضر العزومة. مازن: ليه إن شاء الله يا أستاذة جني؟ جني: خليك في حالك يا شبح. مازن: أنا بقيت شبح؟ تمام، نتراهن إنك هتحضري. جني: نراهن؟ مازن: وإيه العقاب؟ جني: أنا هاخد منك 1000 جنيه. مازن: وأنا عقابي، هتديني بوسة. جني اتكسفت وطلعت تجري من الشركة كلها. مازن وهو في سريره: قمر بنت اللذينة. راح البيت لقى مامته قدامه بتقول. جلاء: البس بسرعة عشان متتأخرين.

مازن: اهدي يا ماما، دي الشقة قُصاد الشقة. جلاء: برضه يا حبيبي؟ يلا. مازن: حاضر يا ست الكل. راح مازن هو ومامته بيت جني. قعدوا واتغدوا واتكلموا. جلاء: روح يا حبيبي انت وجني البلكونة اقعدوا مع بعض عشان عايزة سُعاد في كلمتين. مازن ضحك لما لقى جني قاعدة مصدومة. مازن قام وهو كتم الضحكة بالعافية وشدها وراه. دخلوا البلكونة. جني: أكيد مش هتخليني أعمل العقاب، صح؟ قالتها وهي الدمعة قربت تنزل. مازن: لا، هتعمليه، بس مش وقت.

قعدوا شوية، ومازن ومامته مشيوا. وكل واحد راح على سيره ونام.