رواية العمارة الفصل الحادي والعشرون 21 - بقلم ايمان الخيال

ملك حست براحه اول مرة تحسها من زمان اخيرا طردت الست اللي كانت مسيطرة عليها دخلت اوضتها و فتحت الدرج ومسكت النوته و فتحتها وقعت عينها ع الرقم اللي كانت سيباه اخر امل ليها اتصلت عليه بهدوء و لما اتفتح بكت بحرقه. ملك بدموع جدي وحشتني انا محتاجاك اوي عايزة اخش ف حضنك و اشكي ليك من الدنيا كلها ليك حق تعاتبني بس ارجوك انا مش عايزة غير اني ابكي ف حضنك و بس. جدها بحنيه

مش تخافي يا ملك انا هبعتلك آيم يجي ياخدك وهتعيشي معايا استنيه ماشي . ملك : حاضر يا جدي . قفلت المكالمه وهي حاسه براحه منال طول عمرها بتكرهها و بتكره عيلتها كان المفروض تبقي حنينه ما هي تبقي ف الآخر خالتها ابوها اتجوزها بعد موت امها كانت فاكرة أنها حنينه لكن لقت العكس . فاقت التخبيط القوي و صراخ منال اللي كانت بتقول كلام بشع عليها خدت مسدس ابوها من الأوضاع و فتحت الباب و موجهاه ف وشها . ملك

غوري و الا هي طلقه واحدة و اكون مخلصه عليكي بجد امشي . منال بغضب و زقتها لجوه بغضب

انتي مش هتقدري عارفه ليه علشان هقتلك قبل ما تفكري تعملي ليا حاجه هقتلك بنفس قتلي لامك زمان وهورثك زي ما ورثت ابوكي ف كل حاجه بعد ما قتلته اه انا السبب ف قتلهم حب صاحبتي و معرفش يحبني كان بيقارني بيها كل يوم و انا انام مقهورة بسببه خنقتها بعد ما ولدتك ولعبت ف دماغه و اتجوزته بس حظي الوحش انك شبهها أنا كنت بنتقم منك علشان انتي شبهها اوي و لما كبر عرفت العب ف عقله تاني و احرمك من جامعتك فاهمه لكن لا مش هسمح لا انتي و لا امك تفوزه عليا .

مسكت السكينه وكانت هتضربها ف قلبها و ملك استسلمت لواقعها بس فجاه البوليس مسك ايدها و كلبشوها . آيم وصل ومعاه الشرطه بعد ما حكت ملك تفاصيل لجدها و عمل حسابه قبضوا عليها و هي بتصرخ بغل و غضب و آيم قومها بهدوء و سئلها . آيم بهدوء انتي بخير حصلك مكروه . ملك لا انا كويسه مش حصلي حاجه بس انتي مين . آيم بهدوء و ابتسامه بسيطه

انا عاذرك ف الموضوع ده هي مش سمحت لابوكي يخليكي تتعرفي علينا آيم ابن عمك الكبير سراج جدي بعتني ليكي حاجتك جاهزة نقدر نمشي . ملك اه تشرفنا انا جاهزة ممكن نمشي . نزلت وركبت جنبه بهدوء و طلع بيها ع الفيوم و فتحت الشباك علشان تحس بالهواء و الحريه و نامت ف نص الطريق بأمان بعد مده وصلوا وهي كانت رأسها ع كتفه وقف العربيه و بصلها بهدوء سرح فيها شويه و فاق صحاها بهدوء و بلغها بوصولهم .

نزلت و هو فتح الباب وهي كانت وراه وجدها كان ف استقبالهم وكل العيله . ظهرت من ورا آيم ودمعت و جريت ع حضن جدها بقوة و هو بادلها بحضن حنين مش حست بيه قبل كده وانهارت ف البكا . سليمان اهدي كل حاجه هتتحل صدقيني احكي يا غاليه حصل ايه و احنا مش ف حياتك . ملك حكتله اللي حصلها كله الفترة الأخيرة . ملك ببكاء ظلموني يا جدي و اتهانت ومش هعرف ابقي أم ف حياتي بقيت نص انسانه مش كامله ابدا . سليمان

حقك عليا هي اللي غوت ابوكي و حرموكي مننا بس كويس أنه كان بيحكي عني بس بعد النهاردة انتي هتعيشي ف حضن جدك مش هتسيبيه جهزنا ليكي اوضه تليق بيكي ترتاحي و بكرة تتعرفي ع الباقي تمام . ملك طلعت غرفتها و نامت بسلام لأول مرة تحس بيه من سنين أما سليمان ابتسامته الهادئه اختفت و حل مكانها براكين و كان ناوي ع الجحيم لابن الزيني. سليمان

مات و ساب زرعته الشيطاني تبقي ف الأرض زرعته الفاسدة اللي معرفش يحافظ و لايربيها كويس آيم عرفت حصله ايه . آيم متهم ف قتل مراته يا جدي و شكله مش هيخرج منها ابدا . سليمان اخوه يتصرف معاه المهم دلوقتي حفيدتي تبقي كويسه ده المهم و عايز ليها دكتورة نسا تتابع اللي حصل معاها . آيم حاضر أوامرك يا جدي بكرة هجيب دكتورة مهرة تكشف عليها تصبح ع خير . سعد هتعمل ايه دلوقتي يا والدي . سليمان

هعوض اللي اتحرمت من حضني يا سعد دي تبقي بنت اخوك الصغير و مش هسيبها مرة تانيه أما حذيفه يتصرف مع اخوه . أما ف المستشفي دخل حذيفه غرفته و هو ندمان من اللي حصل بس ده كله علشان مصلحتها . صوت من وراه شايفك ندمان مش تقلق هسيبها عايشه لو نفذت طلبي . حذيفه بصله و ......