رواية العنيدة الفصل السابع عشر 17 - بقلم هدير بدر

حسام وقف مكانه. وهنية فضلت تعيط: يارب بنتي لا ما تحرقش دمي عليها. وفضلت تعيط. الدكتور طلع. حسام وهنية جريوا عليه. حسام: مالها بنتي يا دكتور؟ الدكتور: قدرنا نسيطر على الوضع، دعواتكم. وسابهم. حسام لسه هايقعد، تليفونه رن. حسام: ألو. حسام: مسافة السكة. قفل التليفون. حسام: ضروري أروح دلوقتي. هنية: ماشي. وفضلت قاعدة. حسام راح مكان الاتفاق. حور راحت عند خديجة. دخلت البيت وهي محروجة. خديجة شافتها: جيتي، عاملة إيه؟

حور بتعب: الحمد لله. خديجة خدت بالها إن حور دراعها مربوط. خديجة بخضه: إيه دا؟ في إيه؟ مالك؟ حصل لك إيه؟ حور: اهدي اهدي. أنا بخير صدقيني، دا خبطة سطحية. خديجة: سطحية إيه؟ شكلك تعبانة. تعالي خشي. حور لسه هاتخش لقت تليفونها بيرن. حور لقيته إبراهيم: آلو يا بـ. ولسه هاتكمل: ألو يا إبراهيم باشا. في حاجة وإلا إيه؟ إبراهيم: تيجي هنا حالًا. حور: بس. إبراهيم: ما بسيش، بقول حالًا. حور: أنا آسفة يا خديجة، طالبني في الشغل.

خديجة: بس أنتي تعبانة. حور: ما فيش في شغلنا تعبانة أو لا، المهم أحمي بلدي. عن إذنك. ورجعت تاني. حور دخلت. كان زين وإبراهيم ويوسف وفهد قاعدين. حور: حضرتك طلبتني. إبراهيم خد باله من دراعها بس عقله منعه إنه يسألها. إبراهيم: أيوا، اتفضلي اقعدي، عندنا مأمورية. حور بتعب واضح: بس حضرتك إحنا لسه جايين. إبراهيم: هو شغلنا فيه كدا، جرى إيه يا حضرة الظابط. زين مستغرب معاملتهم مع بعض.

زين: خلاص مش لازم آنسة حور تيجي علشان دراعها برضه. إبراهيم بعصبية: أنا قلت حور لازم تبقى معاكم، كلامي انتهى. كلهم: تحت أمرك يا فندم. حور: حضرتك تقدر تقول المعلومات اللي عندك والمطلوب مننا إيه؟ إبراهيم بدأ يقولهم. حور: تمام، يعني دي قضية سلاح. زين: بس دي خطيرة على حور. حور: زيي زيك تمام. زين: براحتك. إبراهيم عارف إن كلام زين صح، بس كابر. وفجأة تليفون حور رن. حور: عن إذنكم. ردت على نهال.

نهال بعياط: عاملة إيه يا حبيبتي؟ بتنامي فين؟ بتاكلي إزاي؟ حور: اهدي. أنا بخير بس مش هاقدر أقول لك مكاني فين، ادعي لي بس يا حبيبتي وبطلي تعيطي بدل ما أعيط أنا كمان. نهال: لا خلاص يا حبيبتي طالما أنتي بخير خلاص، بس ابقي طمنيني عليكي. حور: عنيا يا حبيبتي. قفلت معاها. دخلت جوا. زين وقفها: مش هاخليكي تتحركي إلا لما تلبسي الواقي. حور: مش هالبس. إبراهيم: بتقولوا إيه؟ حور: ما فيش حاجة.

زين: لا في، الآنسة مش راضية تلبس الواقي والمرة اللي فاتت اتصابت. إبراهيم ببرود: مش من واجبك تجبرها، كل واحد حر في حياته. زين: حضرتك بتقول إيه؟ إبراهيم: زي ما أنت سمعت. حور: مستنياك برا يا حضرة الظابط. وطلعت ركبت عربية زين وفضلت تعيط. زين نزل. حور مسحت دموعها بسرعة. زين: ممكن أعرف بتعيطي ليه؟ حور: ما فيش، يلا اتفضل. وبالفعل طلع. وصلوا للمكان. وبدأ الهجوم. حد جه من ورا حور. ***: وألا وقعتي في إيدي أخيرًا.

حور بتبص له: أنت! ***: أيوا أنا، وأخيرًا هاخلص منك، على طول ورايا ورايا. وقام ضاربها بالنار في بطنها. حور وقعت: آآآه. زين سمع صوتها، جرى على مصدر الصوت. حور: حا حابه أقول لك قت قتلت. حسام: بالسلامة أنتي. زين قبض عليهم بما فيهم حسام. وجرى على حور، حط دماغها على رجله. زين: ح حور لا مش كل مرة لا. حور: عا عايزة أقول لك إني إني بحبك. وأغمي عليها.