رواية العشق بطريقة الشيطان الفصل السابع والأربعون 47 - بقلم زينب سمير

••الفصــــل الثـالــث••

صباح يوم جديد...
في قصر الشيطان...

استيقظ جميع من في القصر علي صوت الجرس العالي الذي ازعج نومهم
ليهبط بلال بضيق نحو الأسفل وخلفه فريدة بينما فتحت الخادمة الباب
لتخرج من بين شفتي فريدة شهقة صغيرة وهي تهمس:-
_سالي
لترد الفتاة الاخري ببسمة خبث قائلة:-
_توء توء مش سالي
صمتت لثواني قبل أن تتابع:-
_نانسي...توئمتها..ولا نسيتيني يافريدة
تبدلت ملامح فريدة للدهشة وهي تتذكر تلك الفتاة التي طالما كانت مكروها من الجميع بسبب حقدها الغريب عليها وعلي زملائها
لكن أخفت دهشتها وهي تقول:-
_الحقيقة انا نسيتك لان اللي زيك ميشرفنيش اني افتكره
نظرت لها بغضب ممزوج ببرود وهي تقول:-
_لسة لسانك طويل زي ما هو
لترد فريدة ببسمة جمود:-
_وايدي كمان طولت اووي
رمقتها بغضب ثم وجهت نظرها لبلال قائلة:-
_اية ياسيادة العقيد جمعت الأحداث ولا لسة
نظر لها بلال بجمود ممزوج بصدمة ولم يتحدث
بينما نظرت نانسي لفريدة وهتفت:-
_جوزك مطلعش ذكي خالص يافريدة
فريدة:-
_نانسي..قوليلي من الاخر في أية
نانسي:-
_كل الحكاية أن سالي ماتت
ظهر علي ملامح فريدة الضيق وهي تقول:-
_ما احنا عارفين كدا يانانسي
نانسي:-
_بس متعرفيش انكم قتلتوا الشخص الغلط أو انكم كنتوا السبب في موت الشخص الغلط..سيادة العقيد
والتفت نحوه وهي تتابع:-
_لاول مرة في حياته يغلط غلطة زي دي ويجمع معلومات غلط...او ممكن نقول جمعت معلومات صح عن شخص غلط
فريدة بصدمة:-
_انتي تقصدي انك..
قاطعتها هاتفة:-
_ايوا انا العميلة الخائنة..واللي شغاله مع إسرائيل..مش سالي ابدا..انا اللي كنت بقتل وبعمل كل عملياتهم داخل مصر وفلسطين لكن سالي مكنتش تعرف بـ دأ كله
فريدة بصراخ:-
_ولظا انتي عارفة أنهم جمعوا معلومات عن الشخص الغلط راجعة لية دلوقتي زعلانة..كنتي انقذتي اختك من الدوامة دي من الاول ولا كالعادة قولتي نفسي زي زمان لما سبتيها بعد وفاة اهلك وسافرتي تكملي حياتك
نانسي:-
_انا معرفتش الا من قريب
فريدة:-
_واحنا مكناش سبب في موت حد
نظرت نانسي نحو بلال وهي تقول:-
_بس هو كان السبب
فريدة:-
_بطلي جنون يانانسي واطلعي برة
هتفت بصدمة:-
_انتي بتطرديني يافريدة
فريدة:-
_اها بطردك
نظرت لها بشر ومن ثم اقتربت من بلال وقالت بصوت غاضب:-
_وعد مني لأوجعك في اكتر ناس بتحبها في حياتك
ثم رمقت فريدة بخبث ومن خلفها بسيل التي هبطت بسبب ذلك الصوت المزعج
ليمسك بلال خصلاتها بين يديه فجأة وهو يقول بنبرة صوته المخيفة:-
_لو اتجرئتي ولمستي حد فيهم صدقيني مش هيكفيني اني افصل كل حتة في جسمك عن التانية
ثم تركها بعنف لتقع أرضا
لتقف وتنظر لهم بغضب وشر وتغادر من بعدها
لتقول فريدة بصدمة:-
_بلال سالي مكنتش معاهم يابلال.. سالي ملهاش ذنب باللي حصل...طيب ليه مقالتش لية ..معرفتناش
بلال:-
_اختها اختارت انها تبعد وترميها مكانها يافريدة يبقي انتي متزعليش
فريدة:-
_بس نانسي بتقول انها مكنتش تعرف
بلال:-
_وهي واحدة زي دي حد ممكن يصدق كلامها
فريدة:-
_طيب لما هي مش جايه علشان اختها تبقي عايزه اية
بلال:-
_معرفش..سيبيها اصلا مش هتعرف تعمل حاجة
فريدة:-
_علي رأيك..نانسي من يومها كلام علي الفاضي
قطعت حديثهم بسيل التي قالت:-
_بابي مين اناناسية دي اللي بتتكلموا عنها
ضحكت فريدة علي كلماتها تلك ثم التفتت نحوها حيث كانت تقف بسيل اعلي السلم ولم تهبط الا درجات قليلة وهتفت بضحك:-
_دي ياحبيبتي...مش عارفة الاقيلها وصف والله
بسيل:-
_سفت يابابا اللي حصل
بلال:-
_حصل أية يابسيل
بسيل:-
_ربنا بعتلي اكل كتييير فوق علشان صبرت
ابتسم كل من فريدة وبلال بينما قالت بسيل متابعة حديثها:-
_هطلع انا اكل علسان جعانة
نظرت فريدة لبلال ثم لبسيل وقالت:-
_بعد ما تخلصي اكل ابقي قولي للدادة تجهزك علشان نروح عند جدو
بسيل:-
_الله هنروح عند فيروز وحسان
فريدة:-
_بنت..اسمهم تيتا وجدو
حركت لها يدها علامة لا مشكلة وتركتها وغادرت لتنظر لها فريدة بضيق وتتجه للأعلي هي أيضا غير منتبة ليد بلال التي قبضها بقوة كي لا ينفجر بها
•••••••••••••••••••••••••••••
اتصال هاتفي بين ( اسر ، بلال )

_اسر انت فاضي
_اها فاضي يابلال خير في حاجة
_اها..عايزك في موضوع مهم ومش هينفع خالص نتكلم فيه علي التليفون
_تمام..مسافة السكة وهكون عندك
_مستنيك
••••••••••••••••••••••••••••••
في منزل حسان ابو عوف...

كانت تجلس بسيل بين فيروز وحسان ويظهر علي ملامحها الضجر والضيق وكل منهم يتحدث مع فريدة التي تجلس في المقعد الأمامي
حتي فاض بها لتقول صارخة:-
_فيروز..حسان انا عايزه العب
فريدة بحدة:-
_بنت قولتلك اتأدبي
بسيل:-
_مامي ممكن متدخليش
هتفت فيروز ضاحكة:-
_اها يافريدة ياريت متدخليش
فريدة وهي ترفع أحد حاجبيها:-
_والله ياماما
حسان:-
_خلي عندك كرامة بقي ومتدخليش
وقفت فريدة واتجهت للدرج حتي تصعد للطابق الاعلي ولكن قبل أن تصعد التفتت لهم وهتفت بضيق:-
_انا اصلا غلطانة اني بتدخل.. خلوها بقي تجننكم
لتصعد بعدها
لتقول بسيل لفيروز:-
_فيروز انا جعانة
هتفت فيروز ببسمة:-
_تحبي تاكلي أية ياقلب فيروز
بسيل:-
_عايزة جاتوة محشي بـ ورق عنب
حسان بزهول:-
_عايزة أية
بسيل:-
_جاتوة محشي بورق عنب ياحسان الله
فيروز:-
_ودا يتعمل كيف دا
بسيل:-
_اتصرفوا..انا عايزة اكل
حسان:-
_فيروز نادي للبت دي امها وخليها تتصرف معاها
فيروز:-
_لا لا خليها ترتاح شوية...بسيل تعالي نروح المطبخ ونشوف تحبي تاكلي أية
•••••••••••••••••••••••••••••••
في غرفة فريدة في منزل والدها
كانت تجلس وملامح الحزن تسيطر علي ملامحها حزن ممزوج بتساءل وضيق لا تعرف لما حياتها تتعقد كلما تمر الايام لا تعرف لما تشتاق الان لبلال وهي لا تطبق اسمه أصبحت تريد البكاء علي حالها الان أصبحت لا تجيد التصرف.. في السابق كانت تفكر وتحل اصعب المصائب لكن الان عقلها مشوش كليا ولا تسطيع أن تهديئه حتي
تأففت وهي تحدث نفسها قائلة:-
_هو لما ضرب كان غيران وانا لازم اعترف اني كنت بالنسبة لبلال مرض مكنش عارف يسيطر عليه واول ما بقيت ليه وضمن اني بحبه اتغير كتير بلال طفل مريض بالتملك أو كان كدا انا انا مش عارفة اعمل اية ياربي
خرج صوت كأنذار لها هاتفا:-
_طيب وعصبيته عليكي الدايمة دي كانت أية
لترد علي ذلك الصوت هاتفة:-
_هو كان مش بيتعصب غير لما اكون انا عاملة حاجة معصباه
هتف الصوت مرة أخري:-
_فريدة انتي حبتيه
لترد سريعا علي ذلك الصوت:-
_انا عشقته..اني اقابل فجأة حد واحس اني أعرفه من سنين دا احساسي معاه..احساس اني أعرفه من زمان راحتي بتكمل بيه..انا شكلي اتهوست بيه مش عشقته بس
••••••••••••••••••••••••••••••••
في منزل نانسي...
كانت تجلس امام لوح ابيض مدون علية عده كلمات كانوا عبارة عن ( موت ، خيانة ، خطف ، قتل )
لتقول وهي تنظر لاول كلمة:-
_لو مُوت فريدة بلال مش هيسيبني لحظة واحدة عايشة..ولو دخلت الخيانة في النص هيكون صعب من ناحية فريدة أن بلال يصدق لان عليها مراقبة أربعة وعشرين ساعة وصعب من ناحية بلال لأنها عارفة زي ما الكل عارف أنه مش بيقرب لاي ست الا مراته ..ولو خطف من اول ما فريدة تتخطف أو بنتهم هيعرف دا مش بعيد يكون سابقني علي المكان اللي هحطهم فيه
لتلتمع عيونها بشر غريب وهو تقول:-
_لكن القتل...دا اللي هيكون الحل الوحيد
•••••••••••••••••••••••••••••••
في احد الكافيهات..
هتف فارس بخبث:-
_سما انتي فاكرة تاريخ انهاردة من تلت سنين انا قلت ليكي أية
نظرت للتاريخ عبر هاتفها ثم نظرت له بعدم فهم وجهل وهي تقول:-
_لا مش فاكرة
فارس ببسمة خبث:-
_دا يوم بداية التحدي
سما:-
_تحدي أية
هتف ببسمة خبث اكبر:-
_يوم ما قولتلك اني بتحداكي أن قلبك دا هيفضل يحبني..
احمرت وجنتيها قبل أن يكمل حديثه لتتعالي ضحكاته ومن ثم قال:-
_انا كسبت التحدي أية رأيك
نظرت له بضيق ممزوج باحمرار الخجل ولكن رغم ذلك هتفت قائلة:-
_انت فوزت في تحدي وانا في تحدي
فارس:-
_تحدي أية..اها تقصدي تحدي مين يغلب مين..لا انا اصلا مكنتش بذاكر
سما:-
_والله
فارس:-
_احم احم..خلاص خلاص اعترف انك اشطر مني
لتعلو بسمة فخر علي وجهها وهو يرمقها بغيظ
•••••••••••••••••••••••••••••••
طرقات علي باب منزل حسان ابو عوف أيقظت جميع سكانه ليهبط حسان ومن خلفه الجميع واثار النوم تظهر عليهم إلا فريدة التي كان يظهر عليها نوم ممزوج بقلق وخوف غير طبيعي حتي انفتح الباب ليظهر صوت الضابط اخيرا هاتفا
وهو ينظر لفريدة:-
_مطلوب القبض علي فريدة هانم..بتهمة قتل بلال عز الدين..جوزها

يتبع..
رايكم..
هنزل بالبارتين زي ما قولت لكن من غير مواعيد انا كل ما اكتب هراجع وانزل
وهينزل البارتين متوسطين أو بارت طويل جداااا او ممكن انزل تلت بارتات كل يوم وحسب مقدرتي علي الكتابة