رواية العشق والفراق الفصل الثامن عشر 18 - بقلم نبض القلب

نور رجعت على البيت وصوتها جريت بسرعة وسط الزرع. شافته واقف على الطريق، جريت بسرعة وحضنته من ظهره. نور ببكاء: وحشتني أوي أوي. منصور لف لها، شالها من على الأرض وحضنها جامد. نور نامت على كتفه. معتز كان ينظر لهم وهو مبتسم. معتز: مش يلا يا منصور. كلهم ركبوا العربية وعدوا إلى الفيلا. طول الطريق نور نايمة على كتف منصور. بعد فترة نزلوا. منصور شال نور ودخلها الغرفة. نور نامت من كتر التعب. قلبها ارتاح أخيراً أنها بقت مع منصور.

عند منصور. دادة: حمد الله على سلامة نور الهانم. منصور: الله يخليكي يا دادة. ثم تابع حديثه: روحي يا دادة حضري الأكلات دي، أصل نور هانم بتحبها أوي. قال لها على كل الأكلات اللي بتحبها نور. دادة وهي مبتسمة: من عنيا. نور فاقت من النوم. وجلست على السرير. نور ظلت تفتكر فيما حدث. نور: منصور... منصور أنت فين. منصور ذهب مسرعاً وفتح الباب. منصور: أنا هنا يا نور. نور نزلت من على السرير متوجهة إليه. نور: أخيراً قابلتك يا منصور.

هي وهو سكتوا لحظة ثم قالوا في نفس واحد. منصور: انتي اتجوزتي. نور: انت اتجوزت. منصور: لأ. نور: لأ. منصور: وكريم. نور: أنا انفصلت عنه من زمان، هو اتجوز دلوقتي. منصور: انفصلت عنه ليه مش كنتي بتحبيه. نور: لما اخترته كنت صغيرة مش فاهمة حاجة. لما كبرت فهمت، تاني بحب واحد تاني. وعمري ما حبيت ولا هحب غيره، هو كل حياتي وهو حبيبي وقلبي. منصور بحدة: مين ده. نور: مش عارف مين اللي بعشقه. منصور بغضب: قولي مين.

نور: العريس اللي كنت بتكلمني عنه، اللي كان مستني إني أكبر عشان يتجوزني. منصور بفرحة: انتي عارفة أنا كنت بكلمك على مين. نور: امممممم. منصور: قولي اسمه. نور: أنت عارفه. منصور: عاوز أتأكد. نور: أنا بعشقك يا منصور. قلبه هيقف من الفرحة. منصور: كملي. نور: أنت اللي بحبه وبعشقه يا منصور. منصور: انتي بتلعبي عليه. نور: صدقني بحبك أوي. منصور: أنا الراجل عجوز فاكرة مش دي كلمتك. نور: كنت صغيرة يا منصور مش فاهمة حاجة.

منصور: والوقتي شكلي إيه قدامك. نور: شايفاك قمر وعسولة أوي وعيونك. منصور: ماله. نور: لونهم جميلة أوي. منصور. منصور: عاوزة إيه. نور: أنت لغاية دلوقتي ما قلتليش إنك بتحبني. منصور: عشان أنا مش بحبك. نور: يعني إيه كنت عايشة في وهم. مسكت ذراعه وقالت: رد عليا يا منصور. أنت بتحبني. منصور: قولت لك لأ. نور: أنت لسه خاطب أسيل. رد عليا. منصور: يا عم محسن. محسن: نعم يا منصور بيه. منصور: ساعدني عشان أخرج. نور: أنا همشي يا منصور.

منصور: انتي حرة. نور بغيظ: ماشي. مش هقعد هنا ولا ثانية واحدة. منصور خرج من الغرفة. منصور: اتصل بمروان يجي عشان هروح الشركة. بعد فترة منصور خرج مع مروان وذهب إلى الشركة. خرجت نور من الغرفة. قررت أنها تمشي. هي زعلت جداً وقلبها وجعها لما قاله "لأ مش بحبك". نور توجهت إلى البوابة. لقت حرس واقفين. الحرس: على فين يا هانم. نور: همشي. الحرس: لأ. نور: أنا عاوزة أمشي. الحرس: منصور بيه قال لنا محدش يخرج من الفيلا.

نور: هو موافق إني أمشي. الحرس: اتصل بيه الأول. نور: اتفضل. الحرس اتصل بمنصور. منصور بخوف: الو في إيه. نور حصل لها حاجة. الحرس: هي عاوزة تمشي بتقول حضرتك موافق. منصور: أوعي تخليها تخرج من الفيلا. أنا جايبكم تحرسوا نور هانم. يعني يومكم أسود لو حصل لها حاجة. الحرس: حاضر يا منصور بيه. قفل الاتصال. نور: قالك إيه. الحرس: ممنوع إنك تخرجي. نور: هو عاوز يجنني. الحرس: اتفضلي يا نور هانم جوه الفيلا. زفرت الضيق ودخلت.

في المكتب في الشركة. مروان: حاضر يا منصور بيه. كله هيكون تمام. معتز: من عنيا يا أخويا. عند نور في الغرفة. دادة: اتفضلي يا ست هانم الأكل كله جاهز. نور: مش عاوزة أكل. دادة: ده منصور بيه قالي أعملك الأكل اللي بتحبيه. نور: خليه ياكله هو مع ست هانم خطيبته. دادة: خطيبته مين. نور: أسيل. دادة: أسيل هانم مش خطيبته دي مرات معتز بيه. نور بفرحة: يعني منصور مش خاطب. دادة: لأ. نور: بس هو كان خاطب أسيل. هو قال لي كده.

دادة: اتصلك بأسيل هانم تيجي تكلمك. هي ساكنة في الفيلا اللي جنبنا هي وجوزها معتز بيه. نور: كلميها. بعد فترة أسيل حضرت. نور مندهشة: أنتِ المديرة اللي كانت في الشركة. ثم تابعت حديثها: أنتِ اللي كنتي خطيبة منصور. أسيل: مش خطيبته بالمعنى اللي انتي فاهمه. أنا هفهمك كل حاجة. قالت لها أسيل حكاية من الأول وإزاي منصور خطبها عشان والدها. إن منصور بيعتبرها زي أخته وما فيش في حياته غير نور ومش هيحب غيرها.

أسيل: اللي كان واجع قلبه إنك مخطوبة لحد غيره. نور: سبت كريم من زمان. مش هعرف أكمل حياتي إلا مع منصور. أسيل: انتي بتحبي منصور. نور: أنا بعشقه. أسيل: خلاص مبروك. هو بيحبك وانتي كمان بتحبيه. نور: بقولك قال لي مش بيحبني. أسيل: بيلعب عليكي طبعاً. هو بيحبك أوي، هو قال لي كده بنفسه. نور: أنا عارفة ومتاكدة إنه بيحبني بس هو مش راضي يقول. أسيل بحزن: يمكن عشان عينيه. نور: عينيه مالها. أسيل: انتي ماخدتيش بالك إنه مش بيشوف.

نور بصدمة: مش بيشوف. أسيل: عمل حادثة من سنة هي أثرت عليه. نور فضلت تبكي وقلبها موجوع. فجأة حضر منصور مع معتز. منصور سمع صوت نور بتبكي. منصور: نور. نور: نعم يا منصور. منصور: بتبكي ليه مين اللي زعلك. نور زادت في بكاء أكتر وهي بتنظر في عيونه. منصور: مالها يا أسيل. أسيل: هي تبقى تكلمك. عن إذنكم. معتز: اطمن يا منصور أنا خلصت كل حاجة. منصور: ما تحرمش منك أبداً يا معتز. أسيل: حاجة إيه.

معتز: هقولك بعدين. يلا مع السلامة تصبحوا على خير. خرجت أسيل مع جوزها من الفيلا. أسيل: حاجة إيه. قولي في مشاكل في شغل. معتز: مش عارف أكلم قدام نور. أصل منصور عملها مفاجأة، هياخدها بكرة المطار عشان تسافر. أسيل بصدمة: هيسيبها تمشي. أسيل بنرفزة: هي دي مفاجأة وفرحان أوي. معتز: منصور قال لي هو مش عاوز يتجوزها. أسيل: ياراجل هو قالك كده. معتز: إحنا حجزنا لها في طيارة بكرة وتسافر وكل واحد يروح لحاله. أسيل بتنظر له بغيظ.

معتز: بكرة هنروح المطار نودعها. تيجي معنا ولا بلاش. أسيل: نور بتحبه. عاوزه يتجوزها وهو بيحبها. يسبها ليه. معتز: هو حر. إحنا مالنا. يلا عشان آكل أصل جعان أوي. عند منصور. منصور كان قاعد على سفرة. نور كانت قاعدة جنبه. منصور: كلي يا نور. نور بدموع: عشان خاطري يا منصور اتجوزني. أنا بحبك أوي. أنت كل حياتي. منصور: مش هشوفك. نور: أنا شايفاك وهفضل جنبك ومش هسيبك أبداً. ثم تابعت حديثها: اتصل بحد يجيب المأذون.

منصور: لمين. للمأذون. نور: عشان تتجوزني. منصور: أنا هتجوز واحدة مش بحبها. نور: منصور أنا لو مشيت من هنا وحياتك عندي عمرك ما هتشوفني تاني. فبلاش عناد معي. منصور: إحنا هنروح المطار بكرة عشان أوصلك. نور: براحتك يا منصور بيه. بس بقا متزعلش وقلبك يوجعك لما تسمع إني اتجوزت. عن إذنك. دخلت غرفتها. عدة الليلة على أبطال اللي كان فرحان واللي كان محتار. في صباح يوم جديد. معتز وأسيل ركبوا العربية مع نور ومنصور.

في الطريق الكل ساكت. فجأة أسيل اتكلمت بغيظ. أسيل: أنا مش عارفة واحد بيحب واحدة كان نفسه يشوفها ويقول أنا كنت بموت من بعدها. عن لما بقت معاه يسيبها. معتز: بتقولي حاجة يا أسيل. أسيل: بكلم نفسي. بعدها بفترة وصلوا المطار. أسيل مسكت إيد نور: أوعي تسبيه. نور نظرت له بحزن: هو اللي عاوزني أمشي. أسيل: فكر تاني يا منصور. نور هتمشي. معتز: ميعاد الطيارة يا نور. أسيل نظرت له بغيظ: اسكت بقا انت كمان. منصور: يلا يا نور.

نور: مع السلامة يا أسيل. أسيل: أنت عندك قلب يا معتز. معتز: أنا عملت إيه. نور دموع في عيونها بتسلم على منصور: خلي بالك من نفسك. جات تمشي منصور فضل ماسك إيده. نور بحزن: من فضلك سبني أمشي. قطع حديثها صوت واحدة بتنادي عليه. نور التفتت له. نور بفرحة: ماماوووووو.