رواية الادهم الفصل الثالث 3 - بقلم اسماء محمد

رهف بصدمة وتوتر: انتي تعرفي الحيوان ده منين يا ملك؟ ملك باستغراب: ماله يا رهف؟ ده أستاذ أدهم وهو اللي جابك المستشفى وهو اللي كلمني امبارح وطمني عليكي. انتي المفروض تشكريه. رهف بصريخ وعياط: أشكرة؟ أشكرة على إيه؟ وبتعيطي؟ انتي عارفة إنه السبب في اللي أنا فيه ده. ملك بصدمة: نععععععععم! انتي متأكدة يا رهف؟

أدهم ببرود: بصي يا بنت الناس، أنا جاي أعرض عليكي عرض. وافقتي كان بها، موافقتي يبقي أنا عملت اللي عليا. وأنا متأكد إنك هتوافقي لأنك إنتي اللي هتخسري مش أنا. أدهم بيغمض عينه وقال بقرف: تتجوزيني. رهف مصدومة هي وملك. في قصر الهواري في الصعيد خالد: جرالي إيه يا أبويا؟ انت هتسكت كده على غياب بت أخوك واللي رفضت جوازتي وهربت كمان؟ سعيد: يوووه، بعدهالك يا ولدي. انت هتعوز إيه من بت عديمة الشرف دي؟

أبويا أو جدنا، إحنا معانا ورثها كله، عايز إيه تاني؟ خالد بغل: بس مش أنا اللي اترفض يا أبويا. مش خالد الهواري. وسابه وخرج. سعيد: شكللك هتجبلي مصيبة. رهف: موافقة. ملك بصت ليها بصدمة. ملك: رهف. رهف بعيون شبه باكية: غصب عني. أدهم لبس نضارته: طب يلا. ملك بغضب: على فين؟ أدهم: المأذون. الساعة 7 مساءً. أدهم دخل الفيلا ورهف دخلت وراه. رهف: الأوضة فين؟ أدهم: رنااااااااااااا. رنا جت متوترة وشافت نفس البنت وخافت أكتر.

رنا: نننعم يا أدهم بيه. أدهم ببرود: ودي الهانم الأوضة بتاعتي. وأنا جاي ورايكي. رهف بغضب: مستحيل. أدهم قبض إيده بغضب وشاور لرنا تمشي. أدهم مسك دراع رهف بغضب. أدهم: بصي، أنا أصلًا قرفان منك، وكلمة تانية قسماً بالله هتشوفي أيام أسود من قرن الخروف. وبغضب: سامعة ولا؟ رهف إيديها وجعتها وبتعيط في صمت. رهف: طيب، طيب. بس سيب إيدي. أدهم ساب إيديها بقرف وسابها ومشي. رهف قعدت على الأرض وبتعيط. رهف: ليه كده؟ حرام اللي بيحصلي ده.

وبصريخ: حرااااااااااااام. أدهم راح الشركة بتاعته ومافيش أي موظف هناك. أدهم: مالك، تعالا المكتب حالاً علشان تخلص الأوراق. مالك بص في ساعته: دلوقتي؟ أدهم: أيوه. اخلص. مالك: حاضر، حاضر. في فيلا الدمنهوري. الأسرة قاعدة بتتعشى، مكونة من أب وأم وبنتهم. سالي: مامتي. سارة: نعم يا حبيبتي. سالي: أنا بكرة هروح الأدهم. ممكن؟ سارة بصت لحازم بخوف. حازم: ممكن يا روح بابي. خلي بالك من نفسك.

سالي بابتسامة: متقلقش، أنا حاسة إن أول ما يشوفني ويعرف إني أخته هيخدني في حضني. سارة بتمني: يارب يا حبيبتي، يارب. سالي: أنا طالعة أنام. تصبحوا على خير. الوالدين: وإنتي من أهله يا حبيبتي. سارة بصت لحازم بابتسامة وهو طمنها. في فيلا الأدهم. رهف اختارت أوضة غير أوضة أدهم وقعدت فيها. رهف مش معاها أي شنطة ولا هدوم ولا أي حاجة. ونزلت تحت تسأل رنا على مصلية وإسدال. رهف ماشية بخوف ومش عارفة أي حاجة في الفيلا.

ورنا جت من وراها. رنا: عايزة حاجة يا هانم؟ رهف بخضة: بسم الله. رنا بخوف: أنا آسفة، مكنتش قصدي أخضك. رهف هزت راسها بتمام وكملت. رهف: أنا كنت عايزة مصلية وإسدال. ممكن؟ رنا بإحراج: بصراحة مافيش هنا من الحاجات دي. رهف بتريقة: هه، عادي. وإيه اللي هيجيب حاجة ربنا لواحدة زي ده؟ طيب شكراً. وطلعت الأوضة ونامت. في صباح اليوم التالي. في شركة الأدهم. مالك قاعد على الكرسي وبينام وهو قاعد وماسك القلم. أدهم بص ليه.

أدهم: مالك، مالك. مالك صحي من النوم: إيه؟ أدهم: قوم روح وأنا هكمل. مالك: انت متأكد؟ أدهم: أيوه. مالك: طيب سلام. آه، صحيح، عملت إيه مع رهف؟ هي مش اسمها رهف بردو؟ أدهم داس على سنانه بغضب. أدهم: اسمها مدام رهف. ولا أقولك، متنطقش اسمها خالص. المرة دي تحذير. مالك باستغراب: طيب، قولي عملت إيه؟ أدهم ببرود: ولا حاجة. سبتها ومشيت. مالك بصدمة: بس. أدهم بتريقة: لا، أروح أجبلها بزازة أحسن. مالك رفع كتفه بعدم فهم.

مالك: طيب، أنا ماشي. أدهم رجع يبص في الأوراق. بعد مرور ساعات، بدأت الموظفين ييجوا والسكرتيرة الجديدة جت، واسمها لميس. في فيلا الأدهم. رنا خبطت على الباب ودخلت. رنا: الفطار جاهز يا هانم. في الوقت ده رهف كانت قاعدة متوترة. وفجأة جالها هستيريا صريخ وعياط وابتدت تكسر كل حاجة في الأوضة. رهف بصريخ: ابعد عني! ليه بتعمل معايا كده؟ ليييييييه؟ رنا بخوف: فيه إيه؟ أهدي يا هانم.

رهف بصريخ وعياط: خليه يبعد عني. وابتدت حركتها تقل لحد أما اغمى عليها ونزفت. رنا: يا لهوي، يا لهوي. ست هانم. ونزلت لمستواها. ست هانم. ومسكت إيديها وشافت الدم. يا لهوي، ماتت. في شركة الأدهم. لميس خبطت على الباب ودخلت. لميس: أدهم بيه، في واحدة بره اسمها سالي. بتقول إنها عايزة تقابلك. أدهم مش مهتم: دخليها. لميس: تحت أمرك يا فندم. سالي دخلت بتوتر. سالي: هاي. أدهم سمع صوتها الأنثوي وبص ليها. أدهم: اتفضلي.

سالي: شكراً. هو حضرتك أدهم، مش كده؟ أدهم مستغرب إنها قالت اسمه بس من غير ألقاب وغضب. أدهم: وهو انتي تعرفيني علشان تقولي أدهم؟ أصلاً. سالي اتكسفت: أنا آسفة، مش قصدي. ولسه هتعيط. أدهم: بس، بس، بس. أنا مش بحب الشغل ده. وقولي عايزة إيه واخلصي. سالي حست بقله القيمة وقررت إنها مش هتقول حاجة. بس رجعت في كلامها عشان خاطر مامتها. سالي: أنا سالي الدمنهوري. أدهم أول ما سمع اسم الدمنهوري قام بغضب: قومي اطلعي بره.

سالي بصدمة: نععععععععم. أدهم غمض عيونه بغضب: قلت اطلعي بره. سالي خافت وخرجت وهي بتعيط. وهي خارجة خبطت في مالك. سالي وهي موطية في الأرض: آسفة. ومشيت. مالك: مالها دي؟ ودخل لأدهم. أدهم: انت لحقت جيت. مالك: مرضيتش أسيبك لوحدك يا صاحبي. أدهم بتريقة: لا، كتر خيرك. مالك كان لسه هيتكلم، قاطعه صوت الفون. أدهم رد على فونة. أدهم بصوته الرجولي: إيه يا رنا؟ رنا بخوف: أ أ أ أ أدهم بيه. المدام ماتت. أدهم بصدمة: نععععععععم.