رواية الانسة مراتي الفصل الخامس 5 - بقلم هايدي ناصر

نور شافته وبعدها اتكلمت. نور: أنا عايزة أمشي يا دكتور. عمر: اهدي إنتي كويسة. نور: وإنت مين علشان تسألني. الدكتور: هي أكيد تعبانة. نور: لا يا دكتور أنا كويسة وعايزة أمشي. الدكتور: تمام يا. نور: اسمي نور. الدكتور: تمام يا أنسه نور هنعمل كشف عليكي وبعدها تقدري تخرجي. عمر مشي وراح مكتبه وهو عمال يفكر وشارد في أفكاره. ياسر: الو. أيمن: الو يا أستاذ ياسر عامل إيه. ياسر: بخير الحمد لله أخبارك إيه والمدام صفاء.

أيمن: كلنا بخير الحمد لله. كنا عايزين نتجمع ونتكلم مع بعض علشان كده أنا عازمكم على العشاء. ياسر: بس. أيمن: خلاص بقى يا أستاذ ياسر ده احنا بقينا عيلة واحدة خلاص. ياسر: تمام يا أستاذ أيمن. وقفل ياسر المكالمة. صفاء: هاه عملت إيه. أيمن: عزمتهم على العشاء. صفاء: حلو. سميرة: في إيه يا ياسر مين اللي كان بيكلمك. ياسر: ده والد عمر يا سميرة. سميرة: إيه وعايز إيه. ياسر: عازمنا على العشاء. سميرة: وبعدين هتعمل إيه. ياسر: مش عارف.

في المساء اجتمع العائلتين على العشاء. صفاء: شرفتونا. سميرة: تسلمي. أيمن: احنا عايزين نتكلم بقى في موضوع الولاد. ياسر مكانش عارف هيعمل إيه. صفاء: اه الفرح اتأجل بس خلاص عايزين الموضوع يخلص والفرح يتم ونفرح بيهم. سميرة وياسر بيبصوا على بعض ومش عارفين هيعملوا إيه. صفاء: تمام الفرح بعد ثلاث أيام. وقامت حضنت سميرة: ألف مبروك. وأيمن حضن ياسر وسلم عليه وبارك له. كل ده وياسر وسميرة مش عارفين هيعملوا إيه.

عمر قرر أنه يخبر عيلتها ويقولهم. تاني يوم جه اتصال في بيت السيوفي والد نور. ياسر: الو. عمر: معاك الرائد عمر. ياسر: تشرفنا يا أفندم. عمر: احنا عايزينكم تيجوا القسم دلوقتي. ياسر قلبه انقبض: خير يا حضرة الرائد في حاجة. عمر: كل خير متتأخروش. ياسر: مسافرة السكة. راح ياسر وسميرة القسم. عمر: اتفضلوا استريحوا. ياسر: خير في أخبار عن نور بنتي. عمر: أبشر يا أستاذ ياسر الأنسه نور لاقيناها. سميرة: بجد إنت بتتكلم جد.

عمر قام وراح عندها: اه بجد يا ست الكل. سميرة: هي فين أنا عايزة أشوفها. عمر: حاضر هتشوفوها اخرجوا وهتشوفوها. وخرجوا سمعوها وهي بتتخانق مع العساكر. نور: أنا عايزة أعرف أنا بعمل إيه هنا أنا عايزة أمشي. إنت يا لوح منك لو هسبوني إنت عارف أنا هاعمل فيك إيه لو مسبتنيش. سميرة: نور بنتي. نور بصدمة: ماما. سميرة جريت عليها وحضنتها ودموعها بتنزل. إنتي كويسة يا قلب ماما فيكي حاجة كده يا نور تسبيني وتمشي.

نور: أنا كويسة يا ماما اهدي خرجوني من هنا قبل ما أعمل جريمة في الناس دي. سميرة اخدتها ومشيت وياسر: شكرا ليك يا حضرة الرائد أنا بشكرك على تعبك ومجهودك. عمر: لا شكر على واجب ده عملي وواجبي يا أستاذ ياسر. ياسر مشي وروحت نور بيتها ودخلت أوضتها ارتاحت وبالليل جم عسيا ومليكة وفرح بعد ما عرفوا أنها رجعت البيت. عسيا: براحة يا بنات. دخلوا بهدوء على غرفة نور. مليكة في أذن نور: بووووووووووووووووووووووم.

نور: ااااااااااه بسم الله الرحمن الرحيم. فرح: عامل إيه يا صديقي. نور: الله يخرب بيوتكم إنتوا التلاتة مش هتبطلوا الاستزراف بتاعكم ده. عسيا: مالك يا جميل كنت فين كده لتقولنا ولا تطمنا بعد ما تخطط معانا ترمينا. اه على الناس اللي تاخدنا للحم وترمينا عضم. نور: اخرسي منك ليها. فرح: وسعي يا بت منك ليها واحشني يا سطا. نور: روح قلبي يا ناس شوفتي منك ليها المقالبة.

فرح: يلا قومي وارجعي النادي تاني مين هيدربني خلاص آخر سنة في كلية الشرطة يا نوري. نور: حاضر يا كابتن. الله بس واحشني أوي يا كابتن. عسيا: إيه ده وأنا فين. نور: اه هو أنا أقدر أنساكم عاملة إيه المسابقة إمتى. عسيا: بعد شهر. نور: قدامنا وقت وإن شاء الله هتطلعي المركز الأول وتفوزي. عسيا: ادعيلي. مليكة: اه ما هو من لقي أحبابه نسي صحابه. نور: مصيبة زي ما إنتي تعالي لحضن أخوك يا بو صلاح. وحضنتها جامد.

نور: ااه يا واد يا صلاح واحشني أوي. مليكة: قلب أخوك يا بو صلاح. فرح: بنات أنا جعانة سوسو عاملة أكل إيه يا بت يا نور. نور: هههههههه همك على بطنك كده. الكل بيضحك. فرح: اخرسي يا بت منك ليها أنا هنزل عند سوسو أشوفها عاملة إيه على الأكل. سميرة دخلت: عملت لك مكرونة بالبشاميل يا قلب سوسو. فرح: والله إنتي قلبي تعالي تعالي هاتي عنك الصينية. نور: هههههههه يا بت اتلمي شوية إيه ده. فرح: الله غيرانين ولا إيه.

مليكة: إنتوا هتقعدوا تتكلموا هسبقكم أنا على الأكل بقى شمر. كلهم قضوا الليل ضحك وهزار ولعب وناموا. تاني يوم. نور: اله إنتي يا بت يا عسيا إنتي مش في قاعة المسابقة. عسيا: معلش يا بو صلاح ده فرح. نور: ما إنتوا زي بعض استغفر الله العظيم. قومي يا قوم النهار طلع. دخلت الحمام اخدت شور وطلعت لاقتهم نايمين. والله لوريكم زي ما عملتوا فيا امبارح. عسيا وفرح ومليكة في نفس واحد: والله لوريكي يا نور الكلب ماشي.

كلهم قاموا وجريوا وراها وهي طلعت تجري وفجأة اتخبطت في ياسر والدها. ياسر: إيه ده يا بنات في إيه. نور: بابا. وابتسامتها اختفت. عسيا: شوفت يا أنكل ياسر نور عملت إيه. ياسر: هههههه. فرح: ماشي يا نور مصيرك توقعي. نور مشيت وسابتهم ودخلت المطبخ شربت عصير وجهزت شنطتها ومشيت على النادي وهي مخنوقة. نور بتحري في النادي بسرعة عالية وهي بتفتكر اللي حصل معاها قبل ما تهرب وفجأة انصدمت بجسد قوي و