رواية الانسة مراتي الفصل الثالث 3 - بقلم هايدي ناصر

الدكتور: احنا خرجناها من العناية المركزة وهي في غرفة رقم 354. عمر اتجه لرقم الغرفة ولاقاها وهي شايلة الأجهزة وبتقوم، وفجأة اغمى عليها. عمر جري عليها بسرعة وسندها ونيمها على السرير. البنت شعرها كان طويل وعمر وهو بيشيل إيده من تحت رأسها، ساعته مسكت في شعرها. عمر حاول يشيل الساعة بهدوء لحد ما اتشالت. عمر خرج شرب سيجارة برا المستشفى. البنت فاقت وهي متعصبة. الممرضين جم، ادوها مهدئ ونامت. عمر: الو ياسيف.

سيف: انت فين ياعمر تعالى بسرعة على القسم. عمر: في حاجة حصلت ولا إيه؟ سيف: تعالى بسرعة بس. عمر: تمام سلام. قفل عمر وركب عربيته ومشي على القسم. عمر: في إيه يابني؟ سيف: اللواء محمود مش عارف ماله متعصب، وفي سجين هرب واحنا مرحلينه على النيابة. عمر: وده هرب إزاي؟ سيف: عمل سطو على العساكر وماتوهم وهرب. عمر: افتح كاميرات المراقبة وشغل الفيديو. سيف: تمام ياعمر هروح عند سجلات كاميرات المراقبة وأجيب الفيديو.

عمر: تمام ورايا شغل طرق. سيف: ههه ماشي ياسيادة الرائد. عمر وقف في شباك المكتب وشاف الملف راح فتحه. صفاء: ابنك شكله هيخسرنا كل حاجة. إيمن: أحلى حاجة أننا كتبنا الكتاب، يعني مش هيعرف يعمل حاجة. صفاء: ده نعمة من عند ربنا. ياسر على سجادة الصلاة: ارجعي يانور، أنا آسف يابنتي بس أنا عملت كده علشان مصلحتك. سميرة جات من وراه وحطت إيديها على كتفه: إن شاء الله هترجع يا حج. ياسر: إن شاء الله. مافيش أخبار من الشرطة؟

لسه محدش قال حاجة. كده ماينفعش ياياسر، لازم تروح الشركة وتشوف الشغل. ياسر: مش جايلي نفس أروح الشركة خالص. سميرة: سيبها على الله، انزل شوف شغلك ولما يجي أي اتصال هبلغك على طول. محمود: نادي لسيادة الرائد عمر يا عسكري. العسكري: تمام يا أفندم. العسكري: سيادة الرائد عمر، سيادة اللواء طالب حضرتك في مكتبه. عمر: تمام اتفضل انت. ذهب عمر عند محمود. عمر: أهلاً يافندم. محمود: إيه الأخبار ياسيادة الرائد؟ عمر: في إيه يافندم؟

محمود: أنا عرفت أن امبارح كان فرحك. عمر بضيق: اممم اه يافندم. محمود: وبتعمل إيه هنا؟ لازم تبقى مع عروستك. عمر: الفرح اتأجل. محمود: اااه، إن شاء الله خير. عمر: حضرتك تأمر بحاجة؟ محمود: لا ياسيادة الرائد. عمر: تمام يافندم. عمر كان خارج. محمود: سيادة الرائد. عمر وقف عند الباب: نعم يافندم. محمود: أخبار القضية إيه؟ عمر: لسه يافندم. محمود: أنا واثق فيك. عمر: عن إذنك يافندم. وخرج عمر واتجه إلى مكتبه.

عمر في سره قال: عروستي وفرح؟ فرح إيه وعروسة إيه؟ أنا ناقص، خلاص اتفكيت من الحوار ده. يا عيني مش عارف إنهم جوزوه خلاص وحطوه في قفص الزوجية. عمر دخل مكتبه وفتح الملف وطلب أهل البنت. سميرة: الوالد. العسكري: بيت الأستاذ ياسر السيوفي. سميرة: أيوه مين؟ العسكري: حضرة الرائد طالبكم علشان القضية. سميرة: تمام حالا وهنكون هناك. راح ياسر وسميرة القسم ودخلوا مكتب عمر. عمر: اتفضلوا.

ياسر: يزيد فضلك ياسيادة الرائد. خير حضرتك طلبتنا؟ عمر: خير إن شاء الله، هسألكم على حاجات تفيدنا في القضية. الانسة نور يوم ما اختفت، عايز أعرف كل تصرفاتها في اليوم ده لحد ما اختفت. سميرة قالتله كل حاجة. ياسر: اصل هي ماكنتش موافقة على العريس وكده، حركات بنات. عمر: مين أقرب أصحاب ليها؟ سميرة: فرح ومليكة وأسيا. عمر: اممم تمام. إيه الأماكن اللي متعودة تروحها على طول؟ ياسر: نادي الملاكمة. عمر: اييييه؟

ياسر: أصلها مدربة ملاكمة وألعاب قوى. عمر: تمام تقدروا تروحوا، ولما يكون فيه أي أخبار هنبلغكم. ياسر: تمام يا حضرة الظابط، يلا ياسميرة. مشي ياسر ومعاه سميرة. عمر فضل يحقق في القضية وجاب فيديو لكاميرات المراقبة حوالين بيت نور وهو بيتفرج على الفيديو شاف.