خاتمة رواية الانتقام من طفلة صغيرة (النهاية) بقلم الاء فرج

يوسف: اسمحيني يا تاج اللي هعمله. ضربته تاج في رأسها جامد. راح اغم عليها. يوسف ٢: أنته أهبل! أحنا ما اتفقناش على كده. أحنا اتفقنا إنها تكون صاحية وبتسمع كل حاجة. يوسف: مش هينفع. تاج ممكن تعمل أي حركة غصب عنها، وساعتها هيعرفوا إنها مش مغمي عليها وهنتكشف. يوسف ٢: في راجل جاي علينا. يوسف: يوسف ٢، أنزل تحت بسرعة عشان ما حدش يشوفك. خرج يوسف من العربية وهو يحمل تاج، بينما يوسف ٢ كان قاعد في العربية من تحت ومش باين خالص.

جاء راجل مقنع ووقف قدام يوسف. الراجل: هات البت دي. يوسف ببرود: أوعى يا واد من وشي كده. دخل يوسف المخزن وهو شايل تاج والراجل وراه. في المخزن. معتصم: أهلاً أهلاً. كنت عارف إنك طماع وهتبيع تاج بمقابل الفلوس. ودي مش أي فلوس، دي ٥ مليون دولار. يوسف ببرود: خدها أهي، بس هي مغمي عليها عشان خبطت دماغها في العربية. معتصم وهو بيشيل تاج من إيد يوسف وحطها على السرير.

بص يوسف حواليه يستكشف المكان. لقى سرير كبير اللي نايمة عليه تاج، وجمبها في ترابيزة عليها كل أدوات المشرحة. وفي ٥ رجالة هناك لابسين لبس الدكاترة عشان يشرحوها، و٥ رجالة بودي جارد واقفين على باب المخزن. القى نظرة يوسف للمكان عشان يدرسه كويس. يوسف: أيوه صح، هما الرجالة اللي جايين من روسيا لسه ما وصلوش. معتصم وهو بيبص في ساعته: زمانهم على وصول. يوسف بتركيز: أنته ناوي على إيه؟ هتعمل إيه يعني؟

معتصم بشر: أنا ناوي على كل خير. أنا أصلاً هاخد الفلوس من تجار الأعضاء وههرب بتاج ومش هخليهم ياخدوا أعضائها. أنا اللي هاخد أعضائها. يوسف بصدمة: أحنا ما اتفقناش على كده. أنته قلت إنك هتسلمهم تاج مقابل الفلوس. لسه هتغدر بيهم؟ دول مش هيرحموك. معتصم بزعيق: أنته هتعرفني شغلي ولا إيه! أنا أول ما هما يسلموا الفلوس هاخد تاج وههرب وهسافر بيها برا في تركيا. في تجار أعضاء هناك عايزين أعضائها وهيدفعوا فلوس أكتر بكتير.

يوسف بصدمة: أنته هتوديه أعضائها لمين ولا لمين؟ معتصم: البت تاج أعضائها سليمة 100%. ما عندهاش ولا مرض، ده غير قلبها كويس جداً وصحتها سليمة. وطبعاً من النادر الأيام دي لما نلاقي حد كل أعضائه سليمة بالشكل ده. وطبعاً دلوقتي كل تجار الأعضاء بيتخانقوا عليها.

حاول يوسف كتم غضبه بصعوبة. هو دلوقتي كان عامل خطة عشان يهرب تاج من معتصم. دلوقتي معتصم غير الفكرة وهيغدر بتاجر الأعضاء وهيسافر بتاج. الفكرة اتغيرت تماماً. عقله وقف عن التفكير. بكده الخطه لازم تتغير بأسرع وقت. هو كان متفق مع يوسف ٢ وجاسر وورده وشادية على خطة، بس باين كده إن المرة دي مش هتعدي على خير. في القصر. جاسر: جاهزين؟ شاديه وورده بصوت واحد: جاهزين. جاسر وهو ماسك مسدسين.

جاسر: خدي يا ورده المسدس ده عشان لو اتعرضتي لخطر وحد رفع في وشك السلاح اضربيه على طول بالمسدس اللي معاكي. أوعك تترددي لحظة. وأنت كمان يا شادية نفس الكلام، خلي المسدس ده معاكي. كان جاسر لابس قناع على وشه وماسك رشاش ومسدسين حاططهم في جيبه ولابس لبس للحماية هو وورده وشادية عشان لو اتعرضوا لأي ضرب نار ما يموتوش.

جاسر بجدية: اسمعوني كويس وركزوا معايا. كل واحد فيكم لابس لبس الحماية عشان لو بعد الشر اتعرضوا لضرب نار واتصابتوا ما تموتوش. وكل واحد معاه مسدس. ما تقتلوش حد، أنتوا بس اضربوهم بالنار بس في حتة بعيدة عن القلب عشان ما يموتوا. أنا عايزهم أحياء. ثانياً، هنمشي على الخطة اللي يوسف قالها. مش عايز غباء خالص. أي حركة غبية هنموت ودي ما فيهاش كلام. ما حدش يخرج عن القوانين اللي قالها يوسف، مفهوم؟ شاديه وورده في صوت واحد: مفهوم.

جاسر: حطوا في دماغكوا إنكوا مش بس رايحين تنقذوا تاج بنت عمكم، لأ أحنا رايحين عشان نوقع أكبر تجار أعضاء في العالم. مفهوم؟ وأنا واثق فيكم، أنتوا أذكياء وتقدروا تقدروا تعملوا أي حاجة. كل واحد فيكم جواه قوة مرعبة محتاج بس إنه يؤمن بيها. وصدقني أنتوا قدها. وإن شاء الله المهمة دي تعدي على خير. جاسر: بصوا أنا هحكي الخطة مرة تانية. بصوا، يوسف قال لنا إنه بعد ما ياسر يسافر، أحنا هنروح القصر عادي وهو هيأخد يوسف ٢ ومعاه تاج.

الخطه بقا عبارة عن إيه؟ دلوقتي يوسف هيودي تاج لابوه في المخزن اللي ابوه قاله عليه. أكيد معتصم هيكون عامل حسابه كويس جداً وهيكون حاطط حراس من جوه ومن بره. معتصم أصلاً مش سهل. المهم اللي أنا ويوسف عرفناه إن في المخزن هيشرحوا تاج. طبعاً بعد ما يخلوا تاج تمضي على ورق تنازل للورث. تاج هتمضي فعلاً، بس كده كده معتصم هيتسجن وهيخد إعدام. هيبقى مين الوريث؟

يوسف ويوسف ٢. هياخدوا الورث من أبوهم اللي هي أصلاً فلوس تاج ١٠ مليون دولار. يوسف ويوسف ٢ مش هياخدوا الفلوس أصلاً لأنها مش حقهم، ولا حتى حق تاج. دي فلوس جدهم. فقرروا ويوسف ويوسف ٢ وتاج بالفلوس دي يبنوا دار أيتام ومدرسة. والفلوس اللي هتتبقي هيتبرعوا بيها للمستشفيات بنية إن ياسر يخف. طبعاً لأن الفلوس كتير جداً هتكفي وبزيادة. وهما قرروا إنهم مش هياخدوا من الفلوس ولو حتى جنيه. المهم دلوقتي إن يوسف بعد ما يخلي تاج تمضي على

تنازل الفلوس عشان يبين لمعتصم إن الأمور ماشية صح. بس تاج هيخلوها تمضي قبل ما تجار الأعضاء. آه صح، يوسف لابس سماعة في ودنه وأنا حاطط واحدة في ودنه عشان يقولنا امتى نتحرك من خلال السماعة دي. أقدر أسمع كل حاجة بتحصل عندهم هناك وهو كذلك. بس أنا لسه ما شغلتش السماعة ويوسف معاه هناك مسدس كاتم للصوت. بس عشان معتصم مش شاكك في يوسف ولو 1% ما فتش.

ولما تاج تمضي على التنازل هنبدأ أحنا ننفذ الخطة. مفهوم؟ ورده: مفهوم. جاسر: وأنت يا شادية مش سامعة ولا إيه؟ شاديه بغضب: كفاية بقا الواحد مش طايق نفسه. وأنت عمال تعيد وتزيد في الكلام. ما قولنا مفهوم خلاص يا أبا الحج. مش امتحان هو. أنا ماشية. جاسر بغضب: عارفة لو كنا في موقف غير ده كنت عجنتك. بس عشان أحنا في مصيبة مش هرد عليكي. خرجت شادية من القصر ووراها ورده وجاسر وركبوا العربية وتحركوا. عند يوسف وتاج. معتصم

وهو بيفوق تاج بالمياه: أنتي يا بت اصحي قومي بقا. يوسف بغضب: براحته. معتصم بسخرية: خايف عليها ولا إيه؟ يوسف وهو بيمسك كوباية مياه وبيدلقها على تاج: مش وقته الكلام ده. فاقت تاج مفزوعة من النوم وأخذت تبص حواليّها بذهول. بصت ناحية يوسف لقيته بيبرق لها بمعنى اهدي، ما فيش حاجة، خليكي طبيعية. معتصم وهو بيمسك شعر تاج وبيقومها من على السرير: قومي معايا يا بت. تعالي هنا امضي على الورق ده. تاج بغضب: آه سيب شعري واجعني. معتصم

وهو بيضربها بالقلم بغل: أنتي لسه شوفتي حاجة. امضي هنا. دي ورقة تنازل عن الورث. اخلصي. بصت تاج ناحية يوسف بخوف وهو بصلها بمعنى امضي. ما تخافيش. أمضت تاج بخطوات مرتعشة. وأول ما أمضت اتكلم معتصم وقال: معتصم بضحكة شريرة: هههههه أخيراً. ياه بقالي سنين نفسي في اللحظة دي. وأخيراً أخدت ١٠ مليون دولار ورثي وحقي. الحارس: معتصم بيه، تجار الأعضاء وصلوا. بصت تاج ليوسف بخوف وابتلعت ريقها.

دخل تجار الأعضاء المخزن بخطوات ثابتة. أول ما دخلوا رحب بيهم معتصم بابتسامة مزيفة. معتصم: أعرفك يا يوسف، ده جاك باشا عنده ٢٥ سنة، أصغر وأشهر تاجر أعضاء هناك في روسيا. وده دانيال باشا والد جاك عنده ٥٠ سنة، أكبر تجار الأعضاء هناك في روسيا. وده أليكسي باشا عنده ٢٥ سنة، توأم جاك. العائلة دي من أكبر وأغنى تجار الأعضاء في روسيا. وجايين النهارده عشان ياخدوا أعضاء تاج مقابل ٥ مليار روبل روسي. فتحت تاج بوقها بصدمة من السعر.

معتصم: وده ابني يوسف، زوج تاج أو بمعنى أصح طليقها. أه صح، يا يوسف ما أنت هتطلق تاج قبل ما ياخدوها. يوسف بصدمة: إيه؟ معتصم: ما فيش. أنت هتطلقها دلوقتي حالا وعلى الورق كمان. يوسف بغضب: ده ما كانش اتفاقنا. أنته كل شوية عمال تعمل في حاجات جديدة وبتغير اتفاقنا ليه؟ معتصم بغموض: مالكش دعوة. هتطلقها ولا لأ؟ يوسف ببرود: هطلقها أكيد. أنا مش بحبها أصلاً. تاج، أنتي طالق، طالق، بالتلاتة.

معتصم بابتسامة: جدع. تعالي امضي بقا عشان نخلص إجراءات الطلاق. أمضى يوسف وتاج إجراءات الطلاق وخلصوا. جاك: هيا لنبدأ في إجراء العملية. يوسف بخوف: انتظر ثواني، أريد أن أتكلم معها بمفردي قبل بدء العملية. معتصم بضيق: ماشي، بس اخلص بسرعة عشان أحنا متأخرين. أخذ معتصم حراسه وتجار الأعضاء وخرجوا من المخزن وسابوا تاج ويوسف لوحدهم. يوسف: تاج.

تاج بابتسامة: على فكرة أنا مش زعلانة إننا اتطلقنا. بالعكس فرحانة أوي. لأ مش قصدي، ما تبصليش كده. الصراحة أنا طول عمري ما كنتش بحبك، بس من ساعة ما أنقذتني أكتر من مرة واعترفت بغلطك الصراحة حبيتك، بس زي أخ كبير. لأني عمري ما هشوفك غير كده. أحنا جوازنا كان انتقام ومش هنكدب على بعض ونقول إننا هنحب بعض. بالرغم من كل اللي حصل، أنت الصراحة ما أذيتنيش، بس أنا عمري ما شوفت يوم حلو معاك. ما فيش ذكرى جميلة تخليني أعيش معاك طول عمري. أنا من حقي أحب وأتحب زي البنات ويتعملي فرح وأكون مبسوطة من قلبي. بس أنت طيب وما رضتش تنتقم، وأنا هفتكرلك الموقف ده طول العمر. وهنفضل أنا وأنت ولاد عم عادي. وأنا هعتبرك زي أخويا. وبجد بشكرك من قلبي إنك هتنقذني من المصيبة دي.

يوسف بابتسامة: وأنا كمان مش زعلان. بس بجد يا تاج بتمنالك من قلبي حياتك تبقي حلوة وتلاقي اللي يحبك ويسعدك. بس نعدي من المصيبة دي على خير. تاج، أنا جالي فكرة. بصي، اهربي وأنا هتصرف. معتصم وهو بيدخل المخزن ومعاه رجاله وتجار الأعضاء. معتصم بغضب: هي مين دي اللي هتهرب؟ أنت بتقول إيه؟ يوسف بتوتر حاول يخفيه: أنا بقولها إن أنا، إحنا هنهرب من تجار الأعضاء وأنت هتوديها لتجار تانيين.

معتصم بغضب وهو يهمس ليوسف: هششش، وطي صوتك. أنت غبي! أفرد فهموك هنروح في داهية. يوسف: أكيد مش فاهمين إحنا بنقول إيه. المهم دلوقتي أنا عايز بس أدخل الحمام وبعدين بقا نشوف الموضوع ده. دخل يوسف الحمام اللي في المخزن وأول ما قفل باب الحمام فتح يوسف السماعة عشان يقدر يتواصل مع جاسر. كان حاطط يوسف السماعة في ودنه ومنزل عليها شعره. كانت مش باينة خالص. عند جاسر في العربية.

شاديه: جاسر، ما تشغل أغاني كده. الواحد مخنوق وعايزين نفرفش. جاسر بضحك: إيه البرود ده! أحنا رايحين على عملية وممكن نموت فيها وأنت بتقولي شغل أغاني. ياه، نفس برود ياسر ودماغه اللي في الروقان دي. سبحان الله، رايقين على بعض. شاديه بخوف: جااااسر! الحق! ودنك بتنور أحمر. يلاهوي! إيه ده؟

وقف جاسر العربية وحط إيده على ودنه. لقى السماعة بتنور. عرف كده إن يوسف شغل السماعة. راح جاسر داس على زرار عشان يفتح السماعة ويقدر يتواصل مع يوسف. جاسر وقد فتح السماعة: يوسف، أنت سامعني؟ يوسف بصوت منخفض: أيوه سامعك. أنت فين؟ جاسر: ناقص ربع ساعة كده وأوصل عندك.

يوسف: لأ استنى، الخطه اتغيرت. معتصم هيغير الاتفاق اللي كان بين تجار الأعضاء وهيغدر بيهم وهيخد تاج وهيسافر بيها. والدنيا هنا هتولع لأن تجار الأعضاء مش سهلين خالص. ده غير إن معتصم خلاني أطلق تاج وخلها تمضي على الورث كله وكتب نصه باسمي. وأنا دماغي وقفت مش عارف أعمل إيه. جاسر بغضب: أهدي كده عشان نفكر. كده الخطه بتاعتنا هتتغير. طيب بص، دلوقتي يوسف ٢ في العربية برا صح؟ يوسف: أيوه.

جاسر بتركيز: تمام كده. أنت معاك سلاح وأنا هنا معايا سلاح أنا والبنات ويوسف ٢ عنده برضه سلاح. هنقدر نهجم عليهم. أنت عددكم كام؟ يوسف بتركيز: ١٠ حراس ده غير تجار الأعضاء وحراسهم ٣. يبقى كده ١٦. وأنا وتاج ومعتصم ١٩. يعني عددنا بالصلاة على النبي ١٩ شخص. جاسر بتركيز: عليه أفضل الصلاة والسلام. طيب ركز معايا بقى يا يوسف في كل اللي هقوله. في الولايات المتحدة الأمريكية. عند ياسر. في المستشفى. الدكتور: Hi, How are you?

ياسر بضيق: بس يا أخويا الله يسترك اتكلم بالعربي لأن دماغي مش قادرة تترجم. وأنا بعيد عنك مخلص دراسة بقالي كتير وكنت فاشل جداً في الإنجليزي. ابعتلي حد يتكلم معايا بالعربي. الدكتور بصدمة: Whats wrong? ياسر بضيق: استغفر الله العظيم. امشي يا بابا من هنا go go. احضر البيست فريند صديقك يا عم عور بقا واحضر friend بتاعك. امشي جتك القرف في حلاوتك. خرج الدكتور مذهول من كلامات ياسر. هو لا يفهمه ولكن فهم أنه يريد صديقه.

بعد دقائق دخل دكتور تاني. الدكتور بابتسامة: أهلاً يا بطل، عامل إيه دلوقتي؟ ياسر وهو يصقف: أيوه بقا هو ده الكلام. مش التاني اللي عمال يكلم إنجليزي والواحد اتحرج يا شيخ.

الدكتور بضحك: هههههه. أنا برضه من أمريكا بس عشت في مصر ٥ سنين. عرفت أتكلم اللغة العربية بجداره. بس أنا أصلي أمريكا. المهم بقا دلوقتي أنا هبقى الدكتور بتاعك بدل تايسون. أنا هكون الدكتور بتاعك طالما أنت مش عايز تايسون. بس بقا أنا هفهمك النظام هنا وأقولك مواعيد العلاج. ما تقلقش خالص إن شاء الله كل حاجة هتهدي على خير. ما تقلقش خالص. ياسر بشرود: أنا مش قلقان. أنا خايف بس عليهم هناك في مصر. يا ترى عاملين إيه هناك؟

عند يوسف وتاج. معتصم بضيق وهو بيخبط على باب الحمام: يوووسف! يلا اخلص كل ده. يوسف بصوت عالي: ثواني خارج اهو. روح وأنا جاي وراك. مشي معتصم من على الباب. يوسف بصوت منخفض وهو يتحدث مع جاسر في السماعة: خلاص يا جاسر فهمت الخطه. هنفذها بالحرف. سلام. خرج يوسف من الحمام بص حواليه لقي تاج نايمة على السرير. قلبه وقع وجرى جري ناحية معتصم. يوسف بخوف: أنت عملت حاجة في تاج؟ معتصم بشر: أبداً، دي حاجة بسيطة. دا أنا حقنة مخدر.

يوسف بغضب: ليييه؟ أنته مش قولت إنك هتسفرها برا ومش هتديها للتجار دول؟ ليييه بتدي حقنة؟ معتصم ببرود: اسكت دلوقتي. التجار جايين علينا. معتصم وهو يتحدث باللغة الروسية. معتصم: تفضلوا هذا العصير قبل بدء للعملية. أنا أعطيتها حقنة مخدر لكي نبدأ العملية يا رفاق. جاك وهو يتناول العصير: متى ستنتهي هذه العملية يا عزيزي؟ معتصم بشر: خلال ساعات يا عزيزي. بعد دقائق وقع تجار الأعضاء وأغم عليهم. يوسف بخوف: أنت عملت فيهم إيه؟

معتصم بشر: أدتهم سم من أقوى السموم في العالم. حطيته في العصير. بيخليهم بعد دقايق يغم عليهم ويموتوا. يوسف: هنعمل إيه دلوقتي؟ معتصم وهو بيضرب يوسف على راسه بالمسدس: لأ أنا اللي هعمل مش أنت. فاكرني أهبل وهصدقك؟ أنا سمعت كل حاجة. هههههههه. فاكر نفسه أذكى مني. دا أنا معتصم. في عربية يوسف ٢.

كان يوسف قاعد في العربية من تحت وشايف كل حاجة وعينه مثبتة على المخزن. حس يوسف ٢ إن فيه حركة غريبة في المكان وفي حاجة غريبة بتحصل. بص لقى حراس معتصم بيقتلوا في حراس تجار الأعضاء. بص يوسف ٢ بفزع وركز مع اللي بيحصل. لقى حراس معتصم بينقلوا تجار الأعضاء في عربيات نقل ومشوا. وفي عربية تانية خد فيها حراس معتصم حراس تجار الأعضاء المقتولين في عربية تانية ومشي وراء العربية اللي مشيت. بص لقى ٢ حراس بس.

بعد دقائق خرج معتصم وهو يحمل تاج و٢ حراس يحملوا يوسف وركبوا عربية ومشيوا وراء العربيتين. أول ما العربيات مشيت نهض يوسف ٢ من مكانه وقعد مكان قيادة العربية. ولسه هيسوق العربية لقى عربية جاسر جاية من بعيد. نزل يوسف ٢ جري من العربية وجرى لحد عربية جاسر وهبد على العربية عشان جاسر ينزل. نزل جاسر من العربية بسرعة. جاسر بفزع: إيه يا يوسف؟ إيه اللي حصل؟ مالك؟ في إيه؟ انطق! يوسف

٢ وهو ينهج من كتر الجري: ما فيش وقت أحكيلك. المهم دلوقتي اللي فهمته إن معتصم قفش يوسف وعرف إنه بيضحك عليه وقتل كمان تجار الأعضاء وحراسهم. ومشوا بالعربيات. لازم نلحقهم. ركب يوسف ٢ مع جاسر في العربية وورده وشادية قاعدين ورا وخايفين. في عربية جاسر. شاديه بصدمة: إيه ده؟ في حد بيرن عليا من أمريكا. ده أكيد ياسر. أرد يا جاسر؟ جاسر وهو بيسوق العربية: لأ طبعاً. ما ترديش. هنقوله إيه؟

ده فيه اللي مكفيه. اقفلي التليفون بتاعك يا شادية. يوسف ٢: أهم شايفين ٣ عربيات اللي قدام دول؟ يوسف وتاج فيها. جاسر بغضب: هنعمل إيه؟ دول شكلهم رايحين على المطار. يوسف ٢ بتركيز: آه صح يا جاسر. أنا معايا أوراق تودي معتصم في داهية وياخد فيها إعدام كمان. أنا لازم أروح القسم وأبلغ عنه وبكده يتمنع من السفر. جاسر وهو بيوقف العربية: انزل يا يوسف جري. وقف أي عربية. روح القسم جري بسرعة. أرجوك يا يوسف. يوسف

٢ وهو ينزل من العربية: حاضر، بسرعة أهو. وقف يوسف تاكسي وراح على القصر بتاعهم ياخد الأدلة ويروح على القسم. بعد مرور ٣ ساعات. جاسر بصدمة: أنتوا مش ملاحظين إنه عدى المطار أصلاً؟ يا ترى رايح فين؟ ورده وهي بتبص حواليها من وراء الشباك: جاسر! الحق! جاسر بخوف: في إيه؟ ورده: دول رايحين ناحية القطر. دول هيركبوا قطر مش طيارة.

جاسر: أيوه فعلاً. دول الطريق ده آخره القطر. ورده، خدي تليفوني واتصلي بيوسف ٢. شوفيه هو فين الزفت ده. اتأخر. ورده وهي بتتصل بيه: تليفونه مغلق. جاسر بقلق: يارب خير. يارب خير. بعد مرور دقايق. وقفت عربيات معتصم ونزل معتصم من العربية وهو شايل تاج. عند معتصم. معتصم وهو شايل تاج: بصوا يا رجالة، أنا هركب في القطر ومش عايز أي حد يركب معايا. أنتوا هتروحوا عند أي مستشفى وارموا يوسف قدامها بس بعد ما تنفخوه وتديله علقة محترمة.

رجالة معتصم في صوت واحد: مفهوم يا باشا. مشيوا رجالة معتصم بالعربيات واتبقى معتصم وتاج بس. كل اللي بيحصل ده كان قدام عين جاسر وهو قاعد في العربية بس ما كانش سامع أي حاجة. وأول ما العربيات مشيت. في عربية جاسر. شاديه بتركيز: جاسر، معتصم لسه هيقطع تذاكر. يلا بينا ننزل وناخد منه تاج غصب عنه. هو واحد واحنا تلاته. لسه جاسر هيتكلم لقى يوسف ٢ بيخبط على باب العربية بتاعته. جاسر وقد نزل من العربية هو وشادية وورده.

بص جاسر لقى ظابط ومعاه عساكر ويوسف ٢ واقف وبيبتسم. جاسر بهمس ليوسف ٢: إيه اللي أخرك يا زفت؟ يوسف ٢ بضحك: زفت في عينك. أنا جيت أهو. أتفرج بقا على اللي هيحصل. عند معتصم كان شايل تاج وواقف بيدفع حق التذكرة. ومرة واحدة لقى البوليس حواليه. الظابط: هاتوه. جرى جاسر ناحيته وأخد منه تاج وابتسم له ابتسامة مستفزة. معتصم بصريخ وهو يركب البوكس: لااااااا! وحياتي يا ندمكوا كلكم! هندمكواااااا!

شاديه باستفزاز وصوت عالي: سلام يا خاااالي. أتمنى لك سجن سعيد. ضحكوا كلهم على طريقة شادية وركبوا العربية. بعد مرور ٣ سنين.

بعد ما قبضوا على معتصم وحكموا عليه بالإعدام لقوا يوسف في مستشفى من المستشفيات اللي رماها فيه معتصم. وجابوا كوثر وفوزيه وكريمه وفاطمه من الغردقة. وعدت الأيام وتاج كملت تعليمها وبقت في كلية تجارة. وشادية كل يوم وكل شوية بتكلم ياسر ويهزروا ويضحكوا. وياسر لسه بيتعالج وشادية خايفة لأنه بقى له ٣ سنين بيتعالج بس ياسر بيطمنها دايماً إنه خلاص قرب يخف. ويوسف خطب فاطمه بنت خالته اللي هي أخت جاسر وياسر. وفاطمه كانت هتطير من الفرحة لأنها بتحبه أوي من زمان. ويوسف برضه حبها ونسي تاج خالص. وتاج حبت واحد زميلها في الكلية وخطبها. وجاسر خطب ورده. وجاء اليوم اللي معتصم هيتعدم فيه.

في القسم. يوسف ٢: أنا بكرهك. أنت دمرتني. أنا عمري ما هسامحك. أنت دمرت حياتي. أنت سبب كل المصايب. دمرت حياة طفلة صغيرة ما كملتش ١٨ سنة. ليه كده؟ لييييه؟ معتصم ببكاء والكلابش في إيده: سامحني يا ابني. العسكري: الزيارة خلصت. مشي يوسف ٢ وهو بيعيط. هو دمرله حياته حرفياً. في القصر. كان القصر يعم فيه الهرج والمرج بسبب إن النهارده يوسف هيتجوز فاطمه، وجاسر هيتجوز ورده، وياسر هيرجع من السفر. ورده وهي لابسة

الفستان وبتدور حواليها: بصوا شكلي، أنا فرحانة أوي. كريمه (أمها) : يا حبيبتي يا بنتي ربنا يتمملك فرحتك على خير. بينما فاطمه كانت لابسة فستان وحاضنة أمها وعمالة تعيط. وشادية واقفة بعيد مستنية ياسر يجي. خرجت شادية من القصر وراحت الجنينة تشوف الناس جات ولا لأ. الجنينة كانت متزينة بطريقة حلوة جداً وحاطين ترابيزات وحاطين عليها ورد والناس بدأت تيجي. يوسف ٢ وهو بيجري ناحية شادية: شادية! المأذون جاء. روحي نادي العرايس.

شاديه: هو ياسر جاء؟ أصل هو اتأخر أوي. يوسف ٢: لأ لسه ما جاش. روحي بقا ناديهم. دخلت شادية بضيق عشان ياسر لسه ما جاش. راحت تنادي العرايس وطلعت برا تستناهم في الجنينة. بعد ٥ دقايق. دخل يوسف وهو لابس بدلة سوداء وماسك إيد ورده. فاطمه كانت لابسة فستان أبيض منفوش أوي وحاطة مكياج خفيف وسايبة شعرها القصير ولابسة تاج. بينما جاسر كان لابس بدلة سوداء وماسك إيد ورده.

ورده كانت لابسة فستان أبيض ضيق ونازل على واسع وسايبة شعرها الطويل نازل لحد ضهرها. قعدوا الأول جاسر وورده كتبوا الكتاب. وبعدين يوسف وفاطمه. وجاء المأذون يمشي. لقوا ياسر ماسك بوكيه ورد وبيجري ودخل الجنينة وجاء وقف قدام المأذون وقال: أنا كمان عايز أتـجـوز. خدوا فيا ثواب الله يستركوا. يوسف بضحك: مبروك يا أخويا. ياسر: الله يبارك فيك. بس أنا عايز أتـجـوز شادية دلوقتي.

بينما كانت شادية واقفة ومبتسمة بسعادة. أخيراً رجع ياسر بعد غياب ٣ سنين. بارك الله لكما وبارك عليكما وجمع بينكما في خير. انطلقت الزغاريت تعلن عن جواز الفرسان. واشتغلت الأغاني وكان الجو مليء بالسعادة والدفء. وأخذوا كلهم يضحكون ويرقصون على الأغاني. الجمال عدي الكلام تضحكيلي وتاخدي كام؟

أدفع العمر اللي جاي بس وتردي السلام. مش بأفور صدقيني. حسي بيا كلميني. حتى لو موضوع غريب اللي طالبه تفهميني. أنا والله ابن ناس مش بعاكس من الأساس. كان ياسر وشادية يرقصون على الأغنية بحركات مجنونة والباقي بيصفق لهم وبيضحكوا عليهم. كان طول الفرح ياسر وشادية يرقصوا، ما قعدوش ثانية. ومعانا آخر أغنية ياريت كل كابل يطلعوا يرقصوا على الـ state. يوسف ٢ بضيق وهو بيكلم ياسر: طيب أنا سنجل بائس، أعمل إيه طيب؟

ياسر بضحك وهو بيطلع لسانه: امشي يا وله يا سنجل يا بائس. روح العب بعيد وبطل تبص في حياة الناس يا سنجل. يوسف ٢ بضحك: السنجلة جنتلة. رقص كل من تاج وخطيبها نادر. يوسف وفاطمه. ياسر وشاديه. جاسر وورده. أنت لسه زي ما انت قمر في عيني. أحلى عمر اللي كان بينك وبيني. لما تيجي سيرتك في الكلام دايما يقول دي حبيبتي الغالية دي بنت الأصول. زي ما انت. أنت عندي زي ما انت. الغلاوة هي هي. والمشاعر مدارية. زي ما انت. أنت عندي زي ما انت.

الغلاوة هي هي. والمشاعر مدارية. خلص الفرح وراح العرسان يباتوا في الفندق. وراحت تاج تبات في القصر عادي. طلعت تاج القصر وراحت أوضتها ومسكت المذكرات وبدأت تكتب. الحياة متاهات. هتلاقي فيها حزن وفرح. فراق ووجع. دموع وفرح ولعب وهزار. هتعيش كل التفاصيل دي. هتعدي عليك أوقات تبقى صعبة عليك أوي وأوقات وتتمنى تخلص من الأيام دي. وأيام تانية تعيش أيام حلوة وتتمنى تفضل اللحظة ما تمشيش من كتر حلاوتها.

الأيام بتعدي علينا. هتكتشف كل مرة حاجات جديدة وناس جديدة. حاجات حلوة وحاجات وحشة. كل واحد هيعيش رحلة وهي رحلة الحياة. عيش حياتك حر بس خليك دايما فاكر إن فيه ربنا. واعمل حساب لقائه. وأوعك تخاف من العباد. خاف من رب العباد. ما تهتمش بكلام الناس. كلام الناس عمره ما هيخلص. عيش حياتك خالية من الانتقام ومن الحقد والكرهية والشر. كل شرير نهايته وحشة. سامح.

أيوه سامح الناس اللي آذتك وغلطت في حقك. سامح العباد عشان رب العباد يغفر لك ويسامحك لما تغلط. بلاش انتقام. بلاش حقد. بلاش كراهية. بلاش منافقة. شيل كل الأفكار السلبية من دماغك وخد نفس عميق وابتسم. الحياة جميلة بوجودك. روحوا اتصالحوا واتعاتبوا. يمكن ما فيش بكرة. ما تنيمش حد زعلان منك. دمتم سالمين وبخير.