رواية الاسد الامبراطور الفصل الخامس 5 - بقلم زهرة اللوتس الجزار

الشباب وقفوا بصدمة بعد ما سمعوه، عقاب نزل ومش قادرين يتكلموا عشان عارفين إنهم غلطانين لما مشيوا ورا كريم. بصوا بغضب ووعيد لكريم وكانوا نفسهم يقتلوه. أما البنات فكانوا فرحانين إنهم خدوا حقهم، وتنزو جه خد لهم حقهم بزيادة. الشباب بعد ساعات طويلة خلصوا، لأنهم نظفوا البيت كله وكانوا تعبانين جداً لأنهم ما أكلوش حاجة من الصبح وتعبوا كتير. البنات قلبهم طيب، عملوا ليهم أكل. (البنات دول غلابة قوي)

أكلوا كلهم، وبعدين راحوا يناموا. مالك. مش عارف ينام لأنه مش متعود ينام بره البيت وكده، فقام خرج بره. لاقى منى قاعدة لوحدها. اتعصب لما لاقاها قاعدة بلبس النوم، وعبارة عن بيجامة بشورت بينك وتوب أسمر مرسوم عليه ميكي ماوس، وعاملة شعرها كعكتين وكانت شبه الأطفال. مالك. بغضب. انتِ قاعدة كدا ليه؟ منى. بخضة. مش تقول احم، خضتني. وبعدين قاعدة عادي، مش جايلي نوم. وانت إيه اللي مصحيك؟ مالك.

أولاً، مينفعش تقعدي كدا تاني. ثانياً، مش جايلي نوم. ثالثاً، أنا آسف إني زعقت فيكي بس اتعصبت لما شوفتك كدا. وبعدين انتِ مش لوحدك هنا، افرضي حد من الشباب خرج يشوفك كدا. منى. أولاً، أنا مش جايلي نوم وبعدين مخرجتش كدا غير لما اتأكدت إن الكل نايم. ثانياً، مش قابلة اعتذارك بعد إذنك. كانت رايحة تمشي، بس مالك مسك إيدها. مالك. مش انتِ كنتِ مش عاوزة تنامي، رايحة فين؟ منى. سيب إيدي عشان أروح. مالك. مين اللي هتروح؟ منى.

إيدك، لأني هقطعها. مالك. آه، أنا آسف. ممكن تقعدي معايا؟ منى. مش خايف حد يجي يشوفني كدا؟ مالك. لأ، أنا مبخافش غير من اللي خالقني بس. ها، قولتي إيه؟ منى. بعد تفكير. اممممم. موافق. مالك. ماكنش عارف يفتح معاها كلام. وانتِ لي دايماً بتتخانقي انتِ وكريم؟ منى. كريم مين؟ أها، قصدك المغرور. مالك. بيضحك. آه، نسيت إنه لقبه المغرور. منى. بتضحك. آه، مغرور، أصله مستفز بصراحة. مالك سرح شوية في ضحكتها. مالك. ضحكتك حلوة على فكرة.

منى. بكسوف. حاولت تداريه. مانا عارفة. مالك. ممكن أسألك سؤال؟ منى. أكيد. مالك. هو انت لي دايماً متعصب؟ مانت بتضحك زينا أهو. مالك. مش بضحك مع أي حد، مع المميزين بس. منى. ع كدا أنا مميزة؟ مالك. (دانوساكت) منى. بعد إذنك، أنا لازم أروح أنام عشان بكرة. مالك. لسه مش قابلة اعتذاري؟ منى. لأ، برضو. 😹 مالك. طيب، أعمل إيه عشان تقبليه؟ منى. اعرف انت بقى. باي. وطلعت تجري. مالك. بابتسامة. باي. الساعة 5 الصبح. تنزو.

شغل جهاز الإنذار عشان كلهم يصحوا. كانوا كلهم في الساحة عشان بداية التدريب. تنزو. صباح الخير، يلا جهزوا عشان نبدأ التدريب. كريم. كان نايم على نفسه. زين. لسه الساعة 5، احنا مش بنصحى دلوقتي. نور وعمر. آه، لسه بدري. مالك. هنجهز نفسنا من دلوقتي. تنزو. آه، وبعدين فين الباقيين؟ البنات. كانوا في أوضهم نايمين لسه. تنزو. بعد عناء طويل في تصحيت البنات، الحمد لله الكل قام. تنزو. دي هدوم التدريب، دول للشباب ودول للبنات.

كل واحد منهم أخد من الهدوم، دخلوا أوضهم عشان يغيروا هدومهم. ولما خرجوا انصدموا……. في مكان تاني خارج الكوكب. الملك. إزاي قدروا يعرفوا حل اللعنة؟ الأمير. سيدي، جنودي اللي بيرقبوا المقر شافوا مجموعة شباب وبنات داخلين هناك، وباين عليهم إنهم اللي هيحلوا اللعنة دي. الملك (ديكر) مش لازم اللعنة دي تتفك. الأمير (جان) سيدي، مش هيقدروا يحلوها، صدقني، دول باين عليهم إنهم مش قدها. نرجع للانصدموا.

الشباب انصدموا من هدوم البنات، وكانت عبارة عن شورت لحد الركبة وعليه جاكت بنص كم. مالك ونور وزين وحتى كريم. مالك. (بغضب) إيه القرف ده؟ ادخلوا غيروا بسرعة. ماريا. بس يا مالك. مالك. بلا مالك بلا زفت، ادخلوا غيروا بسرعة. منى. بس دا لبس التدريب، وده اللي تنزو اداه لينا. مالك. بغضب جهنمي وصوت عالي. مش أنا قلت كلمة، ادخلوا. منى. بخوف من صوته العالي. عيطت وطلعت تجري على أوضتها. نور. خلال لحظة يكون القرف ده متغير. زين.

بصوت عالي. تنزو، هخليهم يغيروا. تنزو. ده لبس التدريب. كريم. بغضب. بلا تدريب بلا زفت. ده كله تحت أنظار تيمور. نروح عند البنات. منى. قفلت على نفسها الأوضة وانهارت، لأنه زعق وتعصب قدام الكل. مش مسامحاك ي.... بعد ما بدأت أحبك. عند كيارا. بقى كدا يا.... مش هسمحك أبداً، وهاخد حقي. حور. بقى الحيوان ده يشتمني ويزعق فيا قدام الكل، ماشي يا ويلك مني. ماريا. أما أربيك مابقاش أنا ماريا. حاضر.

عند الشباب كان فيه دخان طالع من ودانهم بسبب الغيرة والعصبية، وكل واحد فيهم نفسه يروح يجيب حبيبته من شعرها. وده كله تحت نظرات خبيثة. ياترى ناويين على إيه البنات؟ ومين من الشباب اللي ناوي له كل بنت فيهم؟ ومين حبيبات الشباب؟ ولي تيمور بيبص عليهم كدا؟ ومين ديكر وجان دول؟ ولي جو لسه مظهرش؟ ده كله هنعرفه بعدين.