رواية الباشمهندس يوسف الفصل التاسع 9 - بقلم مريم حسن

اروى بتلاقيه اتأخر و بتروح بتلاقي بنت صغيرة حضناه و جنبها ست كبيرة. البنت: بابي وحشتني اوي. اروى بدموع: بابي انت مخلف؟ يوسف: أنا أنا مش فاهم حاجة. الست: ممكن تدخل و أنا أفهمك. اروى طلعت فوق بسرعة و يوسف راح وراها. يوسف: يا اروى أنا مش فاهم حاجة استنى. اروى بدموع: بكره الذاكرة ترجعلك و هطلق منك و أبقى اقعد مع بنتك دي. يوسف: يا اروى. اروى: ابعد عني. بتاخد اروى شنطتها و تخرج و يوسف مبيلحقهاش.

البنت: بابي هي طنط مشيت عشان أنا موجودة؟ يوسف بنرفزة: أيوه بسببك. البنت بحزن: خلاص ماشي يلا يا ماما عشان نمشي عشان طنط ترجع. يوسف بصلها: أنا عايز أفهم كل حاجة. أنا ديما مامت ملاك بنتك، أنا كنت وحيدة و اتجوزت. لما كنت شغالة السكرتيرة بتاعتك من خمس سنين و حملت، انت طلقتني ساعتها. بس بعد ما ولدت ملاك جبتهالك. انت أما شوفتها قررت تكون معاها في كل حاجة.

انت بقالك شهرين مختفي و عرفت اللي حصلك من الأخبار و قررت أجلك هنا. و على فكرة ملاك متسجلة باسمك، شوف في السجل. ملاك: بابي مش تزعل، أنا هروح أقول لطنط ترجع. و بتبوسه في خده: مش تزعل خلاص. بتتدي تيجي ذكريات ليوسف صغيرة. يوسف: لا يا حبيبتي مش زعلان. ديما: أنا هروح أنا. *** سعاد: مالك يا بنتي؟ اروى: لو سمحتي يا ماما اطلعي برا. سعاد: طب كلي طيب عشان البيبي. اروى: مش عايزة، البيبي هنزله.

سعاد: إيه يا بنتي ده، استغفري ربنا. مالك؟ اروى: يوسف متجوز عليا و مخلف. سعاد: إيه؟ اروى: أنا مش عارفة أعمل إيه، طب هو بيخوني مين أنا؟ هي بنته؟ أنا مش عارفة إزاي يعمل كده. بتيجي كارما و بعد شوية بتنزل اروى لوحدها الشارع. بتكون الساعة واحدة. واقفة على النيل. الكلاب كلها كانت بتهوهو عليها. طلعت تجري. فضلت تجري بتقع على الأرض و بتضم نفسها. بتلاقي حد رمى عليهم طوب ف مشيوا. بيلفلها و بيكون يوسف. يوسف: هاتي إيدك.

اروى بضعف: مش قادرة. بيجي يشيلها. اروى: ابعد عني، انت جيت إزاي أصلا؟ يوسف: كنت ماشي وراكي. و انتي إزاي تنزلي دلوقتي؟ اروى بتقوم: امشي. يوسف: لا يلا هنروح. اروى بصريخ: قولتلك امشي، مش عايزة أشوفك فاهم؟ مش عايزة أشوفك! و ورقة طلاقي توصلي بكره فاهم؟ بيمشي بعصبيه و رايح يعدي الشارع فجأة بتيجي العربية و بتخبط يوسف. اروى بصريخ: يوووووووسف!