رواية البايرة والعقيم الفصل الثامن 8 - بقلم الاء عامر

استيقظ الاثنان فزعا على اقتحام الغرفة بعنف. نظر وجد سيدة ببداية العقد الخمسين لكنها جميلة. إيهاب: صباح الخير يا أمي. تعالي بس وهفهمك. تهاني بغضب: تفهمني إيه؟ هو أنا أسيب البيت يومين أرجع ألاقيكم متجوزين؟ ومن مين؟ من دي البايرة؟ إيهاب: أمي عيب كده. بعدين دي خلود مراتي. مينفعش تتكلمي كده عنها. تهاني: هي لحقت؟ طيب يا حبيب أمك روح لمراتك وأنا هروح لابني اللي طردته بسببها.

نظرت له خلود بصدمة. بينما هو أخذ والدته للخارج وجاء بعد قليل. خلود: هو أنت طردت إياد؟ هو مش سافر يكمل دراسته ويعمل الدكتوراه؟ إيهاب: أمي متقصدش. هي مش عايزاه يسافر عشان كده قالتلك الكلام ده. خلود: أمال لي بتقول بسببي؟ هو أي حاجة تحصل في البيت ده يبقى أنا السبب فيها؟ إيهاب: معلش يا بنت عمي. هي مش هتضايقك. يلا البسي لأني رايح على شغلي. *** "أمي اهدي بس. متعصبيش نفسك." تهاني: هقت*لها!

بنت رباب بقى بتاخد ابني التاني كمان؟ مش كفاية الأولاني اللي كان مجنون بيها؟ مي بملل: متخافيش. لو مش عايزة جوازهم يستمر، إحنا ممكن نخليه ميستمرش. مش كده ولا إيه؟ تهاني: ها؟ مي: أول حاجة، منخليهاش تحمل. يعني نحطلها منع حمل في الشرب اللي بتشربه. تهاني بشهقة: يلهوي! ده لو إيهاب عرف ممكن... مي: ممكن إيه؟ إنتي أمه وأكيد مش هيزعل منك. يعني ممكن يوم أو اتنين وخلاص. تهاني باقتناع: خلاص ماشي. نبقى نحطلها. إيهاب

وهو يرتدي جاكيت بدلته: متزعليش بقى. خلود بتنهيدة: ماشي. بس لازم شغل النهاردة. يعني إحنا لسه متجوزين، يقولوا إني... إيهاب وهو يقف أمامها: هيقولوا إيه؟ خلود بخجل: يعني لحق زهق؟ إيهاب: خلود، متفكريش في كلام الناس. وحطي في بالك اللي يكلمك كلمة وحشة ردي عليه. بطلي طيبتك دي. خلود وهي تنظر له بعشق: هتمشي برده؟ إيهاب: خلاص مش رايح. بس متبصيش بالبراءة دي. ممكن أعمل حاجة أندم عليها. وياريت متفهميش.

خلود بخدين متوردين: هتفطر مش كده؟ إيهاب: خلود، ممكن تقلعي الطرحة؟ أنا جوزك على فكرة. *** "رباب بتعملي إيه؟ مي بخضة: رعبتيني يا خالتي! ده أنا كنت بعمل الفطار للعرسان. بقول يعني بلاش ينزلوا. رباب بشك: وريني كده طيب. أنا هطلعه. خلود: صباح الخير. صباح النور يا بنتي. خدي الفطار أهو وكلوا كويس. خلود: ماشي يما. سلام بقى عشان إيهاب جعان. مي ببرطمة: إيهاب دلوقتي؟ طيب وماله. "يا ست هانم، في حد بعتلك الجواب ده." خلود: ليا أنا؟

طيب يا مؤمنة حطيه على الصينية.